STUDY 12

Talk With Feeling

1 Thessalonians 2:7, 8

WETIN YOU NEED TO DO: Show people say you really love them and you want help them.

Think about the people wey you de talk to. When you de prepare, think about the problem wey them de face. Try to imagine how them de feel.
Choose your words well. Make wetin you de talk calm people down. No use words wey e go offend people, and no talk bad about the belief of the people wey you de talk to.
Show interest for them. Make your voice and how you de move your hand and body show say you really care about the people wey you de talk to. Make e still show for your face. De smile from time to time.

No force or over put feeling. When you de read, make the feeling for the passage come out, but no overdo-am. If you overdo-am, people go focus on you. Use soft and kind voice to reach the heart of people.