LESSON 02
Bible De Give Us Hope About the Future
Plenty people for this world get problems and this one de make them sad, de worry and even de feel pain. You don ever face any situation wey make you feel like that? Maybe you de suffer because you de sick or because person wey you love die. You fit de ask say, ‘This life go ever better?’ The answer wey Bible give fit comfort us.
1. Which hope Bible de give us about the future?
Bible talk why we get plenty problems for the world today. E still tell us good news say all the problems no go last and say small time God go remove all of them. Wetin Bible promise fit give us “hope and correct future.” (Read Jeremiah 29:11, 12.) This hope fit help us endure our problems and dey happy even now. E fit still comfort us say we go dey happy forever.
2. Which kind promise Bible give about the future?
Bible talk say for future, people “no go die again, people no go de cry again, pain no go dey again.” (Read Revelation 21:4.) Problems like sickness, death, to dey poor and to do partial, de make life tire us today. This problems no go dey again. Bible promise say people go enjoy life forever for Paradise for this earth.
3. How we fit dey sure say wetin Bible promise go happen?
Plenty people de get hope say life go better, but they no really dey sure say wetin they get for mind go ever happen. Wetin Bible promise dey different. We fit trust wetin e talk as we de “take time check the Scriptures everyday.” (Acts 17:11) When you study Bible, you go fit decide for yourself whether you go believe wetin Bible de talk about the future.
LEARN MORE THINGS
Learn some things wey Bible don promise about the future. See how the hope wey Bible give de help people today.
4. Bible promise us say we fit live forever and we no go suffer
See some promise them for Bible. Which of them you like pass? Why you like-am pass?
Read the Bible verses wey them write after each promise and talk about this questions:
You think say this Bible verses fit give you hope? You think say they fit give your family and friends hope?
Just think of the time wey you go live for world wey
NOBODY GO . . . |
EVERYBODY GO . . . |
|---|---|
|
|
|
|
|
|
|
|
|
|
5. The hope wey Bible de give fit make your life better
Life don tire plenty people today. Some people even de vex because of the problems wey them de see around them. Some people de try fight to change things. See how the promise wey Bible give, say things go better de help people now. Play the VIDEO, and talk about the questions for under.
For the video, which kind partial no make Rafika happy?
Na true say the partial wey Rafika see no end, but how Bible help Rafika?
When we get trust for the things wey Bible talk about the future, this one go help us make we no de feel bad and continue to cope with our problems. Read Proverbs 17:22 and Romans 12:12, and talk about this questions:
You think say this promise of hope wey Bible give fit make your life better now? Why you talk like that?
SOME PEOPLE DE TALK SAY: “The things wey Bible promise about the future no go fit happen.”
Why you think say e dey important make you check if wetin Bible promise go really happen?
WETIN THIS LESSON TEACH
Bible give us plenty promise say the future go better. This one de give us hope and de make our life better now.
Wetin You Don Learn
Why people need to know about the promise wey God don make?
Wetin Bible talk about the future?
If you get hope for the future, how that one go help you now?
LEARN OTHER THINGS
Learn more about how hope fit help you when you de face problems.
See how hope for the future don help some people wey get serious sickness to cope.
“Bible Fit Help You Cope With Serious Sickness Wey No Gree Go?” (E dey for jw.org)
When you watch this music video, think about how you and your family go de enjoy life for Paradise wey Bible don promise.
Read about how the life of one person wey de fight for the rights of other people change as e learn about the promise wey Bible talk about the future.
“Now, I No De Feel Say I Need to Change the World Again” (The Watchtower, July 1, 2013)