9 Pea neʼe ui e Moisese kia Sosue:+ “Filifili he ʼu tagata pea ke alu ʼo tauʼi te kau Amaleke. Apogipogi, ʼe au tuʼu anai ʼi te tumutumu ʼo te kiʼi moʼuga, mo te toko ʼo te ʼAtua moʼoni ʼi toku nima.”

13 Neʼe alu ai ia Moisese mo tana tagata tokoni gaue ko Sosue,+ pea neʼe hake ia Moisese ki te moʼuga ʼo te ʼAtua moʼoni.+

11 Neʼe palalau ia Sehova mo Moisese ʼo nā fehagaʼaki,+ ohage pe ko he faipalalau ʼa he foʼi toko lua. ʼI tana toe liliu ki te nofoʼaga, neʼe nofo pe ia Sosue,+ te foha ʼo Nune, tana tagata tokoni gaue,+ ʼi te fale la.

18 Neʼe ui ai e Sehova kia Moisese: “Ke ke ʼave ia Sosue, te foha ʼo Nune, ko he tagata ʼe tuha mo te faʼahi ʼaia, pea ke hili ki ai ʼou nima.+ 19 Pea ʼe ke fakatuʼu anai ia muʼa ʼo Eleasale te pelepitelo pea mo te hahaʼi fuli, pea ʼe tonu anai ke ke fakanofo ia ia ke ina takitaki natou.+ 20 ʼE ke tuku anai kia ia te pule,+ ke fakalogo ai te kau Iselaele fuli kia ia, kae ʼe mole ina maʼu katoa anai tau pule.+

3 ʼE ko Sehova tokotou ʼAtua, ʼae ka alu anai ʼi ʼokotou muʼa, pea ʼe ina fakaʼauha anai te ʼu puleʼaga ʼaia ʼi ʼokotou muʼa, pea ʼe kotou maʼu anai tonatou fenua.+ ʼE ko Sosue ʼae ka ina taki koutou ʼi takotou fakalaka ʼi te Solotane,+ ohage pe ko tona ui e Sehova.