20 Neʼe ina ʼave popula ki Papiloni ia natou ʼae neʼe mole matehi ʼaki te heleta,+ pea neʼe natou liliu ko he hahaʼi faifekau ʼa ia+ mo ʼona foha, ʼo kaku ki te kamata pule ʼo te puleʼaga ʼo Pelesia,+ 21 ke hoko ai te folafola ʼa Sehova ʼae neʼe fakaha e Selemia,+ ʼo kaku ki te ʼosi fai e te fenua te ʼu sapato ʼae neʼe tonu ke fai.+ ʼI te temi katoa ʼae neʼe siʼaki ai te fenua, neʼe fai te sapato ʼo kaku ki te ʼosi ʼo taʼu ʼe 70.+