19 Koteʼuhi neʼe au filifili ia ia ke feala hana fakatotonu ki ʼona foha mo tona loto fale ke natou mulimuli ki te ala ʼo Sehova, ʼo natou fai te meʼa ʼae ʼe totonu,+ ke feala ai kia Sehova hana fakahoko te meʼa ʼae neʼe ina fakapapau ʼo ʼuhiga mo Apalahamo.”

9 “Kae ke kotou nonofo tokakaga, ke ʼaua naʼa kotou galoʼi te ʼu meʼa ʼae neʼe kotou sisio mata ki ai kae ke kotou taupau maʼu ʼi ʼokotou loto lolotoga tokotou maʼuli katoa. ʼE tonu foki ke kotou fakamatala te ʼu meʼa ʼaia ki ʼokotou foha pea mo ʼokotou mokopuna.+

21 Pea neʼe ina ui ki te kau Iselaele: “Kapau ʼe fehuʼi atu e ʼakotou fanau ʼi he temi ki ʼamuli pe kotea te ʼu foʼi maka ʼaeni,+ 22 ʼe tonu anai ke kotou fakamahino age kia natou: ‘Neʼe fakalaka ia Iselaele ʼi te Solotane, ʼi he kele moamoa,+ 23 ʼi te temi ʼae neʼe fakamamaha e Sehova tokotou ʼAtua te vai ʼo te Solotane ʼi ʼonatou muʼa, ʼo kaku ki tanatou ʼosi fakalaka ai. Neʼe hage pe te meʼa ʼae neʼe fai e Sehova tokotou ʼAtua ʼi te Solotane, ko te meʼa ʼae neʼe ina fai ʼi te Tai Kula, ʼi tana haga ʼo fakamamaha ʼi ʼomatou muʼa, ʼo kaku ki tamatou fakalaka.+ 24 Neʼe ina fai te faʼahi ʼaia ke iloʼi ai e te hahaʼi fuli ʼo te kele ia te mafimafi ʼo te nima ʼo Sehova+ pea ke kotou manavasiʼi tuʼumaʼu ai kia Sehova, tokotou ʼAtua.’ ”