Pesalemo
105 Kotou fakafetaʼi kia Sehova,+ kotou vikiʼi* tona huafa,
Kotou fakaha ʼana gaue fakaofoofo ki te hahaʼi!+
2 Kotou hiva kia te ia, kotou hiva ni fakavikiviki* kia te ia,
3 Kotou fiameʼameʼa ʼo ʼuhiga mo tona huafa taputapu.+
Ke fiafia te loto ʼo natou ʼae ʼe natou kumi ia Sehova.+
4 Kotou kumi ia Sehova+ pea mo tona malohi.
Kotou haga tuʼumaʼu pe kia te ia.
5 Kotou manatuʼi te ʼu gaue fakaofoofo ʼae neʼe ina fai,
Mo ʼana milakulo pea mo te ʼu fakamau ʼae neʼe ina fai,+
6 Ia koutou, ʼae ko te hologa ʼo Apalahamo tana tagata faifekau,+
Ia koutou, ko te ʼu foha ʼo Sakopo, ʼae neʼe ina filifili.+
7 ʼE ko Sehova, totatou ʼAtua.+
ʼE ina fakamauʼi te kele katoa.+
8 ʼE ina manatuʼi tana fuakava ki te heʼe gata,+
Tana fakapapau ʼi te ʼu taʼi tupu ʼe afe,+
9 Te fuakava ʼae neʼe ina fai mo Apalahamo,+
Pea mo te fakapapau ʼae neʼe ina fai kia Isaake.+
10 Neʼe ina fakamoʼoni te fakapapau ʼaia kia Sakopo ʼaki tana fai he lao
Pea mo he fuakava mo Iselaele ʼo talu ai,
11 Neʼe ina ui: “ ʼE au foaki atu anai te fenua ʼo Kanaane+
Ko hokotou tofiʼa ʼaia.”+
12 Neʼe hoko te faʼahi ʼaia ʼi te temi ʼae neʼe kei natou tokosiʼi ai,+
ʼEi, tokosiʼi pe, mo matapule ʼi te fenua.+
13 Neʼe natou feoloʼaki mai ʼae fenua ki ʼae fenua,
Mai ʼae puleʼaga ki ʼae puleʼaga.+
14 Neʼe mole ina tuku ke gaohi koviʼi natou e he tahi,+
Kae neʼe ina fakatonutonuʼi ni hau ʼuhi ko natou,+
15 Neʼe ina ui: “ ʼAua naʼa kotou fāfā ki ʼaku fakanofo,
Pea ʼaua naʼa kotou fai he meʼa ʼe kovi ki ʼaku polofeta.”+
17 Neʼe ina fekauʼi he tagata ke muʼamuʼa ia natou,
Ia Sosefo ʼae neʼe fakatau ohage ko he kaugana.+
Pea neʼe toe seiniʼi mo tona kia.
19 Neʼe fakamaʼa tona loto e te folafola ʼa Sehova,
ʼO kaku ki te temi ʼae neʼe hoko ai te folafola ʼa te ʼAtua.+
20 Neʼe fakatotonu e te hau ke fakaʼateainaʼi,+
ʼEi, neʼe toe tuku age leva e te pule ʼo te hahaʼi.
21 Neʼe ina fakanofo ke tokaga ki tona fale hau,
Ke pule ki ʼona koloa fuli,+
22 Ke pule faʼifaʼitaliha ki tana kau ʼaliki,
Pea ke ina akoʼi te poto ki te kau matuʼa.+
23 Neʼe haʼu leva ia Iselaele ki Esipito,+
Pea neʼe nofo matapule ia Sakopo ʼi te fenua ʼo Kami.
24 Neʼe fakaliliu e te ʼAtua tana hahaʼi ʼo kaugamalie ʼaupito,+
Pea ke natou malolohi age ʼi ʼonatou fili,+
25 Pea neʼe ina tuku ke fetogi ʼonatou loto ke natou fehihiʼa ki tana hahaʼi,
Ke natou fonofono ʼo fakafeagai ki ʼana kaugana.+
28 Neʼe ina fakatotonu ke fakapoʼuli te fenua, pea neʼe hoko ai.+
Neʼe mole nā agatuʼu ki ʼana folafola.
29 Neʼe ina fakaliliu te vai ʼo toto,
Pea mamate ai te ʼu ika.+
30 Neʼe fonu te fenua ko te ʼu kelenui+
ʼO kaku ki te ʼu koga fale ʼo te fale hau.
31 Neʼe ina fakatotonu ki te ʼu lago ke natou ulufi te fenua
Pea mo te namu ke mafola ʼi te fenua katoa.+
32 Neʼe ina fakaliliu te ʼua ko he ʼuamaka,
Pea mo fakato te fatuliki ki tonatou fenua.+
33 Neʼe ina maumauʼi ʼanatou gaueʼaga vite mo ʼonatou fuʼu fiku,
Pea mo fasifasiʼi te ʼu fuʼu ʼakau ʼi tonatou fenua.
34 Neʼe ina fakatotonu ke ʼaofi natou e te ʼu heʼe,
Ko ni heʼe kei mui ʼe mole malau.+
35 Neʼe natou kai fuli te vao ʼakau ʼo te fenua,
Pea mo kai te ʼu fua ʼo te kele.
36 Pea neʼe ina matehi te ʼu ʼuluaki tupu fuli ʼo te fenua,+
Te kamataʼaga ʼo tonatou malohi.
37 Neʼe ina fakamavae tana hahaʼi mo ni tuʼuga siliva mo ni tuʼuga aulo,+
Pea neʼe mole tukia he tahi ʼi ʼona telepi.
38 Neʼe fiafia te kau Esipito ʼi tanatou mavae,
He neʼe natou matataku ʼaupito ʼi te kau Iselaele.+
39 Neʼe ina fakaʼūgia tana hahaʼi ʼaki he ʼao,+
Pea mo ina fakamalamaʼi natou ʼi te poʼuli ʼaki he afi.+
40 Neʼe natou kole he kanoʼi manu pea neʼe ina ʼaumai he ʼu manulele.+
Neʼe ina fakamakonaʼi natou ʼaki te pane mai te lagi.+
41 Neʼe ina fahiʼi he fuʼu maka ʼo mapuna mai ai te vai,+
Neʼe tafe ʼi te toafa ohage ko he vai tafe.+
42 Neʼe ina manatuʼi te fakapapau taputapu ʼae neʼe ina fai ki tana tagata faifekau ko Apalahamo.+
43 Neʼe ina fakamavae fakafiafia leva tana hahaʼi,+
Pea neʼe kalaga fakafiafia ia natou ʼae neʼe ina filifili.
44 Neʼe ina foaki age kia natou te ʼu kele ʼo te ʼu puleʼaga.+
Neʼe natou maʼu te ʼu lelei ʼo te gaue kinakina ʼa ʼihi hahaʼi,+
45 Ke feala ai ke natou fakaʼapaʼapa ki ʼana lekula,+
Pea mo fakalogo ki ʼana lao.
Kotou vikiʼi ia Sehova!*