Pesalemo
135 Kotou vikiʼi ia Sehova!*
Kotou vikiʼi te huafa ʼo Sehova.
ʼU kaugana ʼa Sehova, ke kotou fai ni fakavikiviki,+
2 Ia koutou ʼae ʼe tutuʼu ʼi te fale ʼo Sehova,
ʼI te ʼu malaʼe ʼo te fale ʼo totatou ʼAtua.+
3 Kotou vikiʼi ia Sehova,* he ʼe agalelei ia Sehova.+
Kotou vikiʼi tona huafa ʼaki ni hiva* he ʼe ko he meʼa lelei.
5 ʼEi, ʼe au iloʼi ko Sehova ʼe ko he ʼAtua maʼoluga,
ʼE maʼoluga age totatou ʼAliki ʼi te ʼu ʼatua fuli.+
6 ʼE fakahoko e Sehova te ʼu meʼa fuli ʼae ʼe ina leleiʼia,+
ʼI te lagi mo te kele, ʼi te tai mo te ʼu potu loloto fuli.
7 ʼE ina fakahake ake ni ʼao mai te ʼu potu taupotu ʼo te kele,
Mo ina fakatapa te hila mo fakato te ʼua ʼi he temi pe ʼe tahi,
Pea mo fakaagi te matagi mai ʼona fale tanakiʼaga meʼa.+
8 Neʼe ina matehi te ʼu ʼuluaki tupu ʼo Esipito,
Mai te tagata ki te manu.+
9 Hahaʼi ʼo Esipito, neʼe ina fakahoko ni fakailoga mo ni milakulo ia koutou,+
Ia muʼa ʼo Falaone mo ʼana kaugana fuli.+
10 Neʼe ina tamateʼi ni puleʼaga kaugamalie+
Mo matehi ni hau malolohi:+
11 Ia Sihone, te hau ʼo te kau Amole,+
Mo Oke, te hau ʼo Pasani,+
Pea mo te ʼu puleʼaga fuli ʼo Kanaane.
12 Neʼe ina foaki tonatou fenua ko he tofiʼa,
ʼEi, ko he tofiʼa maʼa Iselaele, tana hahaʼi.+
13 Sehova e, ʼe heʼe gata tou huafa ʼo talu ai.
Sehova e, ʼe ke logologona anai mai he taʼiake ki he tahi taʼiake.+
15 Neʼe faʼu e te ʼu puleʼaga ʼanatou fakatata ʼaki te siliva mo te aulo,
ʼE ko te gaue ia ʼo te ʼu nima ʼo te tagata.+
16 ʼE ʼi ai ʼonatou gutu kae ʼe mole palalau,+
Ni mata, kae ʼe mole sisio.
17 ʼE ʼi ai ʼonatou taliga kae ʼe mole logo.
Pea ʼe mole natou manava.+
18 ʼE liliu anai te kau faʼu fakatata ohage ko te ʼu fakatata,+
ʼO toe feia pe mo natou fuli ʼae ʼe falala ki ai.+
19 Fale ʼo Iselaele, kotou vikiʼi ia Sehova.
Fale ʼo Alone, kotou vikiʼi ia Sehova.
20 Fale ʼo Levi, kotou vikiʼi ia Sehova.+
Kotou vikiʼi ia Sehova, ia koutou ʼae ʼe manavasiʼi kia Sehova.