Koteā Te Ka Haʼu ʼo Totatou Kau Tūpulaga?

KO TE tuʼania ʼo ʼuhiga mo te nukeleʼea—ʼuhi ko te kau fai fakapō peʼe ko te ʼu tuʼutāmaki ʼaē ʼe feala ke hoko ʼi te ʼu fale gāue faka nukeleʼea—ʼe ina fakamatakuʼi tatou fuli. ʼE feala pe ke koutou tuʼania tāfito ʼo ʼuhiga mo nātou ʼaē ʼe kei liliki, ʼo kau kiai mo takotou fānau peʼe ko ʼakotou ʼu mokopuna. ʼI meʼa fakaʼofaʼofa foki te ʼiloʼi ʼaē ko te tuʼania ʼo ʼuhiga mo te nukeleʼea ʼe fakatupu tuʼutāmaki ki te maʼuli lelei pea mo te ka haʼu ʼa te kau tūpulaga fuli pe.

Kae ʼaua naʼa koutou lotovaivai. ʼE ʼi ai te tupuʼaga ke koutou loto falala ai ki te ka haʼu ʼo te kau tūpulaga. Ko te ʼamanaki ʼe mole fakatafito ia ki te ʼu faiga fakatagata moʼo hāofaki te kau tūpulaga, kae ʼe fakatafito ia ki te ka haʼu ʼaē ʼe tuku ʼi te ʼu nima ʼo totatou Tupuʼaga.

ʼI te temi ʼaē neʼe fai akonaki ai te ʼAlo ʼo te ʼAtua, ko Sesu Kilisito ʼi te Potu Hahake neʼe ina fakahā lelei he lototokaga kia nātou ʼaē neʼe kei liliki. (Maleko 9:36, 37, 42; 10:13-16) ʼE fakahā e te Tohi-Tapu ʼe toe hā anai te taʼi lototokaga ʼaia mokā pulihi anai e te ʼAtua te tuʼania ʼo ʼuhiga mo te nukeleʼea kae ina fakatuʼu anai te palatiso ʼi te kele katoa. Ko totatou kau tūpulaga ʼe feala ke nātou fiafia ʼi te faʼahi ʼaia, pea ʼe toe feala pe foki kia koutou ke toe feiā.

Kapau ʼe koutou loto ki he tahi age ʼu logo peʼe koutou loto ki he ʼaʼahi ʼo he tahi ke ina fai he ako faka Tohi-Tapu mo koutou ʼe mole totogi, koutou faitohi ki te tuʼasila ʼaenī: Association “Les Témoins de Jéhovah,” B.P. 787, Nouméa, Nouvelle-Calédonie peʼe vakaʼi te ʼu tuʼasila ʼaē ʼi te pasina 2.