Ko Te ʼu Foʼi Huki Toto Kua Toe Fakafihiʼi

ʼI TE temi fakamataku ʼaenī ʼo te SITA, ko te tuʼutāmaki lahi ʼaē ʼe felāveʼi mo te maʼuli mālōlō ʼo he tahi ʼe mahaki ʼi te lopitali, ʼe feala pe ke hoko ʼi te koga fale fai tafa. “ ʼE mole ʼi ai he lotolotolua, ʼe feala ke tou ʼai ki ai he toto neʼe kua ʼosi fakamaʼa fakalelei,” ko te ʼui ʼaia ʼa te Tōketā ko Richard Spence neʼe pule ia taʼu e hogofulu tupu ʼi te Centre pour la chirurgie non-sanguine de l’hôpital universitaire Cooper du centre médical de Camden, New Jersey, U.S.A.

ʼE mole fakapuna’maʼuli, ko te fale mahaki ʼaia ʼe ina faitoʼo te kau Fakamoʼoni ʼa Sehova e tokolahi, kua ina ʼiloʼi lelei pe ʼe mole nātou tali te ʼu foʼi huki toto heʼe nātou mulimuli ki te manatu ʼa te Tohi-Tapu ʼo ʼuhiga mo te faʼahi ʼaia. (Levitike 17:11; Gāue 15:28, 29) Kae, tokolahi te kau mahaki ʼe mole ko ni kau Fakamoʼoni neʼe nātou fakahā ki te lopitali tanatou loto ʼaē ki he tahi age ʼu faitoʼo ʼe mole pipiki ki te toto, ʼi tanatou ʼiloʼi ʼaē te lahi ʼo te ʼu tuʼutāmaki ʼi te ʼu foʼi huki toto, ohage la ko te mahaki ʼaē ko te hépatite, ko te SITA, pea mo te tahi age ʼu mahaki. ʼE ʼui fēnei e te Courier-Post Weekly Report on Science and Medicine: “ ʼI te mafola ʼo te SITA kua hā ʼaki ai ʼe tonu ke fakamaʼa te toto. Kae ʼi te tahi pe ʼu faʼahi, ʼe feala ke mole maʼu he mahaki ʼi te fakamaʼa ʼaia ʼo te toto koteʼuhi neʼe feala pe ki he tahi ke ina maʼu te mikolope ʼi muʼa ʼo te fai ʼaē ʼo te fakamaʼa ʼaia.”

ʼUhi ko te ʼu taʼi tuʼutāmaki ʼaia, ko te Centre pour la chirurgie non-sanguine ʼe ina fakaʼaogaʼi te tahi age ʼu faitoʼo ʼe feala pe ke nātou fai te gāue ʼaē ʼe fai e te ʼu foʼi huki toto, ohage la ko te toe ʼai pe ki he tahi ʼe mahaki tona toto totonu pe—ko he faʼahi ʼe feala pe ke fai e ʼihi kau Fakamoʼoni ʼi hona tahi ʼu faʼahiga ʼaluʼaga.a Ko te tahi faitoʼo ʼe fakaʼaogaʼi ai te ʼu toloke moʼo fakatuputupu te toto ʼo ia ʼaē ʼe mahaki. Pea tahi ʼaē, ʼe tautau fakaʼaogaʼi te faitoʼo ʼe ina fetogi te toto moʼo tokoni ki te faka fealagia ʼaē ke maʼu he ʼaele ki te mānava, ʼo mole he ʼuhiga ʼo te fakaʼaogaʼi ʼo te foʼi huki toto. ʼE ʼui fēnei e te Tōketā ko Spence: “ ʼE loto ia te kau Fakamoʼoni ʼa Sehova ki he faitoʼo ʼe lelei age ʼi te lopitali, kae ʼe nātou loto ki he ʼu faitoʼo ʼe feala pe ke nātou fetogi te gāue ʼaē ʼe fai e te ʼu foʼi huki toto.”

ʼE fakamālo te kau Fakamoʼoni ʼa Sehova ki te lagolago pea mo te tokoni neʼe nātou maʼu mai te ʼu tōketā ʼaē ʼe nātou fakaʼapaʼapa ki te ʼu meʼa faka lotu ʼaē ʼe nātou tui kiai. Ko tona fua, neʼe nātou maʼu ai leva “te faitoʼo ʼe lelei age ʼi te lopitali” pea mo nātou maʼu te leʼo ʼo loto ʼe maʼa ia muʼa ʼo Sehova ʼAtua.—2 Timoteo 1:3.

[Nota ʼi te lalo pasina]