Ko Te Toko Lauʼi Miliona ʼe Nātou ʼOlo Kiai Kaeā Ia Koutou?

ʼE nātou ʼolo kifea? Ki te fakamanatu ʼo te mate ʼo Sesu Kilisito, ʼaē ʼe fai ʼi te taʼu fuli. ʼI te 1996 ko te toko 12 921 933 neʼe nātou ʼolo kiai ʼi te malamanei katoa.

He koʼe koa ʼe ʼolo kiai te hahaʼi? ʼUhi ko te faka ʼuhiga ʼo te mate ʼo Sesu maʼa te malamanei. ʼE faka ʼuhiga tona mate ko te hāo mai te mahaki, te mamahi pea mo te mate. Māʼiape la mo te kau mate ʼe fakatuʼuake anai nātou ʼi te kele ʼaē kua fakaliliu ko he Palatiso.

ʼE lava feafeaʼi ki te mate ʼo Sesu Kilisito, ke ina foaki mai te ʼu tapuakina ʼaia? ʼE fakaafe koutou ke koutou maʼu te tali ʼaia. Pea ʼe fakaafe atu koutou e te kau Fakamoʼoni ʼa Sehova ke koutou fakatahi mo nātou ʼi te toʼotoʼoga maʼuhiga ʼaia.

Koutou ʼolo ki te Fale ʼo te Puleʼaga ʼaē ʼe ōvi atu ki tokotou ʼapi. ʼI te taʼu ʼaenī, ko te ʼaho ʼaia ʼe ko te ʼAhotapu, ʼaho 23 ʼo Malesio, ʼi te ʼosi tō ʼo te laʼā. Koutou fehuʼi ki te kau Fakamoʼoni ʼa Sehova ʼo te koga meʼa ʼaē ʼe koutou nonofo ai, pe ko te hola fia ʼaē ka fai ai.