Koutou Kau Fakatahi Mo Mātou Ki Te Toʼotoʼoga Makehe ʼAē Ka Hoko ʼi Te Moeaki, ʼAho 11 ʼo ʼApelili 1998

ʼE FAKAAFE atu koutou e te kau Fakamoʼoni ʼa Sehova ke koutou fakamanatuʼi mo nātou te meʼa ʼofa ʼaē neʼe foaki mai e te ʼAtua, ia tona ʼAlo ko Sesu Kilisito. Ko te meʼa ʼofa ʼaia ʼe ina foaki mai kia tatou te ʼamanaki ʼaē, ke tou maʼuʼuli ʼo heʼegata.​—Soane 3:​16.

ʼI te taʼu ʼaenī, ko te Fakamanatu ʼo te mate ʼo Sesu, ʼe fai anai ʼi te tō ʼo te laʼā ʼo te Moeaki, ʼaho 11 ʼo ʼApelili. ʼE ʼalutahi te ʼaho ʼaia mo te ʼaho 14 ʼo Nisani, ʼi te kaletalio faka Tohi-Tapu ʼaē ʼe mulimuli ki te māhina. Koia, koutou fakalavelave ki te kau Fakamoʼoni ʼa Sehova ʼo tokotou fenua, pe kofea ʼaē ka fai ai anai te fono, pea mo te hola ʼo te fono ʼaia.

ʼE koutou ʼiloʼi koa ko te ʼu meʼa ʼaenī neʼe hoko ʼi te ʼu ʼaho fakaʼosi ʼa Sesu ʼi te kele?