Neʼe Ina Uga Ke Nā Toe ʼAi Tonā ʼu Mama

“SIO ki toku ʼu kauʼi tuhi. ʼE ke sio ai ki he meʼa kua fetogi?” Neʼe fakahā e te tagata tona nima ki te fafine ko te Fakamoʼoni ʼa Sehova, pea neʼe fakatokagaʼi e te fafine tana toʼo tona mama ʼohoana. Neʼe fakamahino age e te tagata, ko ia pea mo tona ʼohoana neʼe mole kei nā lava maʼuʼuli fakatahi, pea kua nā fakatuʼutuʼu ke nā mavete. Neʼe ʼui fēnei e te Fakamoʼoni: “ ʼOho! Toʼo te tohi ʼaenī, pea ke lau. ʼE tokoni atu anai kia koe pea mo tou ʼohoana.” Neʼe ina foaki age te tohi faka Tohi-Tapu Te ʼAtamai Mālama ʼAē ʼe Ina Taki Ki Te Maʼuli Heʼegata.a

Hili kiai ni ʼu ʼaho, neʼe toe liliu te tagata ki te Fakamoʼoni, ʼaki he loto fiafia. Neʼe ina fakahā age tona nima. Neʼe kua ina toe ʼai tona mama ʼohoana. Neʼe ina ʼui age neʼe ina lau mo tona ʼohoana te tohi Te ʼAtamai Mālama, pea kua nā fiafia ʼi te temi ʼaenī. Ei, neʼe uga nāua e te tohi ʼaia ke nā toe ʼai tonā ʼu mama ʼohoana.

ʼAki te tokoni ʼa te Tohi-Tapu, ʼe feala ai ki he taumatuʼa ke nā feʼofani moʼoni. ʼE feala te faʼahi, heʼe ko ia ʼaē neʼe ina tohi te Tohi-Tapu ʼe ko totatou Tupuʼaga, ʼaē ʼe ina ʼui fēnei: “Ko ʼau, Sehova, ko ʼau tou ʼAtua, ia Ia ʼaē ʼe ina akoʼi koe ke ʼaoga kia te koe, ia Ia ʼaē ʼe ina taki koe ʼi te ala ʼaē ʼe tonu ke ke haʼele ai.”​—⁠Isaia 48⁠:⁠17.

[Nota ʼi te lalo pasina]