Ko He Talatuku ʼe Iku Ki He Tahi Talatuku

“KOTOU tōkakaga,” ko te manatu ʼaia neʼe fai e te ʼapositolo ko Paulo ki te kau Kilisitiano ʼaē neʼe māʼuʼuli ʼi te taʼu 60-61 ʼo totatou temi. Neʼe ina fakatokaga nātou kiteā? “[ʼE] lagi feala ke ʼi ai he tahi ʼe ina toho anai koutou ki he hele, ʼaki te filosofia pea mo te ʼu kākā ʼaē ʼe vaʼiganoa, ʼo mulimuli ki te talatisio fakatagata.”—Kolose 2:8.

Logolā te fakatokaga ʼaē neʼe fai e Paulo, kae ʼo kamata ʼi te vaelua ʼo te lua sēkulō ʼo totatou temi, ko ʼihi Kilisitiano, moʼo fakamahino ia te ʼu akonaki ʼaē neʼe natou tui kiai, neʼe natou kamata fakaʼaogaʼi ia te ʼu akonaki neʼe faʼu e te kau filosofia ki muʼa atu. Koteā tona tupuʼaga? He neʼe natou loto ke tali nātou e te hahaʼi popoto ʼo te Puleʼaga Loma, pea ke tupu ʼaki ai he tafoki mai ʼa he tokolahi.

Ko Justin Martyr, ko he Kilisitiano logona ʼi te ʼu Kilisitiano ʼaia, ʼi tana ia manatu ko te Tagata Fakahoko Palalau ʼaē neʼe fili e te ʼAtua neʼe kua hā ia ki te kau filosofia Keleka, fualoa ia ʼi muʼa ʼo te haʼu ʼa Sesu. Ohagē ko tona ʼui e Justin pea mo te kau faiako popoto ʼaē neʼe lagolago kiā ia, ko te fakaʼaogaʼi ʼo te filosofia pea mo te mitolosia ʼi te Lotu Fakakilisitiano, neʼe mafola ai ia te faʼahiga lotu ʼaia ʼi te mālamanei kātoa.

Neʼe lahi ʼaupitō ia te hahaʼi ʼaē neʼe tafoki ki te faʼahiga Lotu Fakakilisitiano ʼaia neʼe faʼu e Justin Martyr. Kae ko te tali ʼo he talatuku neʼe iku ki he tahi age ʼu talatuku pea neʼe fakatupu ʼaki ai te tui ʼa te hahaʼi tokolahi iā ʼaho nei ki he ʼu akonaki ʼe ʼui ko he ʼu akonaki Fakakilisitiano. Moʼo fakamahino ia te ʼu talatuku ʼaia, tou vakavakaʼi ia te ʼu fakamatala ʼaē kā hoa mai pea mo te ʼu akonaki ʼaē ʼe akoʼi moʼoni mai ʼi te Tohi-Tapu.

[Haʼuʼaga ʼo te paki pasina 3]

Devil: Barrators—Giampolo/The Doré Illustrations For Dante’s Divine Comedy/Dover Publications Inc.; angels: Art Resource, NY; trinity relief: Museo Bardini, Florence