TE ʼU ALATIKE AKO

TE ʼU ALATIKE AKO

▪ Ke Ke Lototoʼa Heʼe Nofo Ia Sehova Mo Koe

ʼE talanoa ʼi te Tohi-Tapu ki he ʼu kaugana ʼa te ʼAtua neʼe natou fakaha tanatou tui pea mo tanatou lototoʼa. ʼE fakalotomalohiʼi tatou e te ʼu aluʼaga ʼaia ke tou tauhi kia Sehova ʼaki he lototoʼa. ʼI te alatike ʼaeni, ʼe tou taʼofi anai he ako ʼo ʼuhiga mo te vaega Tohi-Tapu ʼo te taʼu 2013.

▪ ʼAua Naʼa Kotou Tuku He Faʼahi Ke Ina Fakamamaʼo Koutou Mai Ia Sehova

▪ Kotou Fakaovi Kia Sehova

ʼE lahi te ʼu faʼahi ʼo te maʼuli ʼe mole feala ke tou filifili, ohage ko ʼatatou matuʼā, ʼotatou tokolua mo tuagaʼane pea mo te koga meʼa ʼae ʼe tou tutupu ai. Kaʼe feala ke tou filifili peʼe tou nonofo ovi anai kia Sehova peʼe kailoa. ʼE talanoa anai te ʼu alatike ʼaeni kia faʼahi e fitu ʼe mole tonu ke tou tuku ke natou fakamamaʼo tatou mai ia Sehova.

▪ ʼAua Naʼa Tou Tauhi Ki Te ʼAtua ʼAki He Loto Fakahemala

Tokolahi ia tatou neʼe tou fai te ʼu aga ʼi muʼa atu pea ʼe tou loto ke tou toe liliu ki muli ʼo fetogi te aluʼaga ʼaia. Kaʼe kapau ʼe tou nonofo tuʼumaʼu ʼo manatu ki te ʼu hala ʼaia neʼe tou fai, pea ʼe mole feala anai ke katoa tatatou tauhi ki te ʼAtua. ʼI te alatike ʼaeni, ʼe tou vakaʼi ai anai te ako ʼe ʼaoga kia tatou mai te faʼifaʼitaki ʼo te apositolo ko Paulo.

▪ Te Kau Tagata ʼAfeā Kilisitiano ʼe Ko He Kau Gaue Ki Totatou Fiafia

ʼI tana lua tohi ki te kau Kolinito, neʼe ui fenei e Paulo ʼo ʼuhiga mo ia pea mo ʼihi atu: “E [matou] kumi ke [matou] kaugaue fakatahi mo koutou o uhiga mo tokotou fiafia.” (2 Ko. 1:24) Kotea te ako ʼe feala ke maʼu e te kau tagata ʼafeā mai te ʼu palalau ʼaia ʼa Paulo? Pea kotea ʼae ʼe feala ke tou fai ke tuputupu ai te fiafia ʼo te kokelekasio? ʼE tali anai te alatike ʼaeni ki te ʼu fehuʼi ʼaia.