TE ʼU ALATIKE AKO

ʼE maʼu e te hahaʼi ʼa Sehova ia he aluʼaga makehe ʼe maʼu ai te tokalelei ʼi te koga ʼo tana kautahi ʼi te kele. ʼE tou lava fakaha feafeaʼi ʼe tou lotofakafetaʼi lahi ki tatatou kau ki tana fakatuʼutuʼu ʼo ʼuhiga mo te tauhi moʼoni? Pea kotea ʼae ʼe feala ke tou fai takitokotahi ke maʼu te tokalelei ʼi te aluʼaga ʼaia? ʼE tali anai te alatike ʼaeni ki te ʼu fehuʼi ʼaia.

ʼE fakamahino anai ʼi te alatike ʼaeni ʼihi aluʼaga fakaofoofo ka hoko anai ʼi te ka haʼu. ʼE tou toe ako ai pe koʼe ʼe feala anai hatatou falala katoa kia Sehova lolotoga te mamahi lahi.

Tokolahi te hahaʼi ʼi te malama ʼa Satana ʼe agatonu ki tonatou fenua, mo agaʼi fenua peʼe ko tonatou lanu. Kaʼe neʼe tou fakapapau ʼe tou nonofo agatonu kia Sehova. ʼE talanoa anai ia te alatike ʼaeni pe koʼe ʼe mole tou kau ki te ʼu fihi ʼo te malama ʼaeni pea ʼe tou lava akoako feafeaʼi ke tou maʼu ia te faʼahiga manatu ʼae ʼe maʼu e Sehova pea mo Sesu.

ʼI te malamanei katoa, ʼe fakatahitahi ia te hahaʼi ʼa Sehova moʼo fai tanatou tauhi ʼi te ʼu Fale Fono pea mo te tahi ʼu fale. ʼI te alatike ʼaeni, ʼe tou talanoa anai ki te ʼu pelesepeto Fakatohi-tapu ʼe ina akoʼi tatou ke tou fakaʼapaʼapa ki te ʼu koga meʼa ʼaia ʼe fai ai te ʼu fono, mo tou tokoni ʼi te faʼahi fakapaʼaga pea mo tokaga fakalelei ki ai ke tou fakakololiaʼi ai ia Sehova.