Ko Te ʼu Fono Gāue ʼo Sanualio
Vahaʼa ʼe kamata ʼi te 30 tesepeli
Katiko 201
10 mn: Ko te ʼu logo ki te kokelekasio pea mo te ʼu Tonu ʼo te Minisitelio ʼo te Puleʼaga ʼe ʼaoga ki te kokelekasio.
20 mn: Akonaki ʼo ʼuhiga mo te ʼu meʼa ʼe ʼaoga ki te kokelekasio.
15 mn: “Fakahā ki te hahaʼi fuli ko te tokalelei pea mo te maʼuli fīmālie kua ōvi mai.” ʼI te ʼosi ʼo te ʼuluaki palalau, vakaʼi te ʼu manatu moʼo hoko atu takotou palalau pea, kapau ʼe loaloaga te temi, fehuʼi ki ni kau fai faka mafola neʼe teuteu lelei ki te fahaʼi ʼaia ke natou fai he faʼifaʼitaki. Ka ʼe feala, ko he tūpulaga ʼe ina fakahā ānai te hoko ʼo te palalau n° 2. Ko te hoko ʼo te palalau n° 3 ʼe tuku ānai ki he tahi he manatu faka tohi-tapu ʼe lelei ki tana fakakaukau. Tokoniʼi te kau fai faka mafola ke natou fakaʼaogaʼi he ʼuluaki palalau neʼe tuku mai ke tou fakaʼaogaʼi ʼi te pasina 8 pea mo he manatu ʼaē moʼo hoko ai te fai palalau.
Katiko 30 pea mo te faikole fakaʼosi.
Vahaʼa ʼe kamata ʼi te 6 sanualio
Katiko 126
5 mn: Ko te ʼu logo ʼo ʼuhiga mo te kokelekasio.
10 mn: “Ko he tokoni ʼaoga moʼo teuteuʼi ai tatou ki te fai faka mafola.” ʼE faiʼaki he ʼu fehuʼi pea mo he ʼu tali. Ko te kau fai faka mafola e tolu pe ʼe fā ʼe fakahinoʼi tomuʼa ānai ke natou fakahā te maʼuhiga ʼo te Minisitelio ʼo te Puleʼaga. ʼE feala tanatou fai te ʼu fakahāhā fuli,ʼo fakahā tona maʼuhiga, tona ʼaoga ki totatou telituale pe ʼe ko te fili ʼo he ʼu manatu ʼe faigafua tona fakahā. Tokoniʼi te kau fai faka mafola ke natou ʼaumai tanatou Minisitelio ʼo te Puleʼaga ki te ʼu fono ʼo te fai faka mafola.
18 mn: “Te ʼu ʼuluaki palalau ʼe uga ai te hahaʼi ke natou fakalogo.” Koutou taupau te ʼu ʼaluʼaga ʼo totatou telituale. Koteā te ʼu meʼa ʼe fia logo ki ai te hahaʼi? Fakahā te ʼuluaki palalau pea mo he fakahā ʼaoga ʼe tāfito ki tokotou telituale. Te faʼifaʼitaki: ko he tahi ʼi te kau fai faka mafola neʼe teuteu lelei ʼo ina fakaʼaogaʼi te fakahā ʼaenī ʼo ʼuhiga mo te tohi Le plus grand homme. ʼE ina faigaʼi ānai ʼo mulimuli ki te manatu ʼe tuʼu ʼi te alatike. Ko he tūpulaga kei ako ʼe feala tana toe fakaʼaoga te fakahā ʼaia ʼo fai ʼaki te ʼu nusipepa ki he tahi ʼe fia logo ki te moʼoni. Tokoniʼi te kau fai faka mafola takitokotahi ke natou ʼahiʼahiʼi te fakahā ʼaia.
12 mn: Ko he pepa foʼou moʼo fakahā ai tatatou tui ki te toketa. Ko te fahaʼi ʼaia ʼe fai e te sikalaipe. Tufa te pepa foʼou ʼaia neʼe kua toe vakaʼi, “Fakatuʼutuʼu ʼo ʼuhiga mo te meʼa ʼe feala ke hoko kia tatou ʼi te lopitali”, kia natou fuli ʼi te kokelekasio kua papitema, ʼosi ʼaia pea koutou vakaʼi te tohi ʼo te ʼaho 15 ʼo oketopeli 1991 ʼo ʼuhiga mo te pepa ʼe fakahā ai tatatou tui ki te toketa ʼa te kau fai faka mafola kua papitema pea mo te Carte dʼidentité ʼo te ʼu tamasiʼi ʼo te kau Fakamoʼoni kei veliveli pea mo natou ʼaē ʼe mole heʼeki papitema. ʼI takotou teuteu, vakaʼi te tohi ʼo te ʼuluaki ʼaho ʼo sanualio 1990 pea fakahā te ʼu manatu ʼe ʼaoga ki te kokelekasio. Fakahā ko te pepa ʼaia ʼe tonu ke tou sinie ʼi muʼa ʼo te ʼu tagata fakamoʼoni e lua pea ke nā toe sinie ai mo tona ʼu higoa. Fakamahino lelei age ki te kau fai faka mafola ko te ʼu fakatuʼutuʼu ʼaia ʼe tonu ke muliʼi fakalelei ke feala ai te puipui ʼotatou e te ʼu kate ʼaia.
Katiko 130 pea mo te faikole fakaʼosi.
Vahaʼa ʼe kamata ʼi te 13 sanualio
Katiko 176
10 mn: Ko te ʼu logo ki te kokelekasio pea mo te ʼu Logo faka teokalatike. Palalau ʼo ʼuhiga mo te falā pea mo te ʼu fakamālo ʼo ʼuhiga mo te ʼu meʼa ʼofa.
15 mn: Ko te gāue pionie ʼe ʼaoga koa kia te ʼau? ʼI totatou fenua, ʼe lahi age ʼi te 3 % kau fai faka mafola ʼe pionie katoa. Fakatatau ʼaki te fua ʼo totatou kokelekasio. Ko ʼihi, ohage la ko te ʼu tūpulaga neʼe hoki ʼosi tanatou ako, ʼe feala koa hanatou hu ki te kau pionie katoa? Fai ni fehuʼi ki he ʼu pionie katoa, ki he tūpulaga, ki he faʼe pea mo he tahi kua letelete (mokā ʼe mole ʼi ai he ʼu pionie katoa, fai ʼaki he ʼu pionie vaeluaʼi temi pe ʼe ko ni kau fai faka mafola neʼe pionie ʼi muʼa atu). Fakasiosio te ʼu faʼahi kehekehe ʼo ʼuhiga mo te paʼaga: Koteā te ʼu gāue vaeluaʼi temi ʼe maʼu ʼi tokotou kolo? ʼE feafeaʼi te fakaʼaluʼalu ʼo tonatou maʼuli ki te fakaʼosi ʼo te māhina? Ko te ʼu fetogi fea neʼe natou fai ʼi te fahaʼi ʼaia? Koteā tanatou fakatuʼutuʼu lelei ʼo feala ai ke natou maʼu tonatou ʼu hola? ʼE ʼi ai koa honatou mahaki? ʼE feafeaʼi tanatou aga ʼi te fahaʼi ʼaia? Koteā ʼihi meʼa neʼe natou fai? Ko te ʼu fehuʼi ʼe tonu ke lelei pea mo fakaloto mālohi. Fakaafe natou fuli ʼi te fono ke natou fakasiosioʼi lelei tonatou ʼaluʼaga pe ʼe feala hanatou hu ki te kau pionie katoa.
20 mn: ʼE feafeaʼi he tokoniʼi ʼo ta kita fānau mo kapau e kita tokotahi ʼi tonatou tapau. Fai he ʼuluaki palalau fakanounou mo he faʼifaʼitaki; ko he faʼe pea mo tana ʼu toe e lua ʼe natou teuteu ki te fai faka mafola. ʼE lahi te ʼu famili e ko he tokotahi pe ʼi te tau mātuʼa ʼe ʼi te moʼoni. Ko te aga ʼa te faʼe pea mo te kui ʼa Timoteo ʼi tanā akoʼi ia ia ki te moʼoni e ko he faʼifaʼitaki lelei ki te ʼu mātuʼa fuli (2 Tim. 1:5; 3:14, 15). Fai he faʼifaʼitaki: ko he faʼe, mo tana taʼahine fenemui pea mo tana tahi tahine kei veliveli ʼe natou fai palalau ʼi te laupapa ʼi te ʼosi ʼo tanatou kakai. ʼE fakahā e te faʼe ʼi muʼa ʼo te fulu pa ʼe natou vakavakaʼi muʼa he ʼu fakahāhā ki te fai faka mafola; pea ko ia ʼaē ʼe tali palalau. Ko tana taʼahine muli ʼe ina fili he ʼuluaki palalau ʼi te pasina 8 ʼo te Minisitelio ʼo te Puleʼaga pea fai tana fakahā ki tana faʼe. Ko tana faʼe ʼe fakamālo age ki ai pea ʼe ina ʼui age ke lau te ʼu vaega neʼe fakatuʼu mai e te Sosiete. Ko tana taʼahine muli ʼe ina toʼo te vaega ʼaē ʼo Isaia 9:6, 7 pea ina lau. Ko tana faʼe ʼe ina fehuʼi age ki tana taʼahine muʼa pe ʼe feafeaʼi tana fakahā te tohi. Ko ia ʼaenī ʼe ina fili te hoko ʼo te palalau ʼi teʼuluaki pasina ʼo te Minisitelio ʼo te Puleʼaga pea fai tana fakahā ki tana faʼe. ʼE fakamālo age tanā faʼe ki ai pea ina tokoniʼi tana ʼu taʼahine ke nā fakaʼaoga te ʼuluaki palalau ʼaia pea mo te manatu moʼo hoko ʼo te fakahā ʼo te tohi ʼi te fai faka mafola. Neʼe ina toe ʼui age kia nāua ke nā toe fai he fakamanatu ʼi muʼa ʼo te fai ʼo te fulu pa. Ko te tagata ʼafea ʼe ina fakaʼosi te fai palalau ʼaia ʼo fakaloto mālohiʼi te ʼu mātuʼa ʼe ʼi te kokelekasio ke natou tokoniʼi tanatou ʼu fānau ʼaki te ʼofa.
Katiko 183 pea mo te faikole fakaʼosi.
Vahaʼa ʼe kamata ʼi te 20 sanualio
Katiko 192
15 mn: Ko te ʼu logo pea te ʼu meʼa e ʼaoga ki te kokelekasio ʼe fai e he tagata ʼafea. Kapau ʼe loaloaga te temi, fakahā he ʼu manatu tāfito ʼo te ʼu nusipepa fakamuli. Taʼofi he manatu ke ʼalu tahi mo te ʼuluaki palalau pea mo he manatu moʼo hoko ʼo he fai palalau ʼi te Minisitelio ʼo te Puleʼaga ʼaenī. Fai he faʼifaʼitaki: fakahā katoa ʼo fai e he tahi ʼi te kau fai faka mafola neʼe teuteu lelei ki te fahaʼi ʼaia. ʼE ina fakaʼaogaʼi te ʼuluaki palalau, mo te hoko atu ʼo tana fai palalau pea mo fakahā te ʼu nusipepa.
18 mn: “Tou tali te maʼua ʼaē ko te fai ʼo he ʼu ʼaʼahi foʼou.” Faiʼaki he ʼu fehuʼi pea mo he ʼu tali. Fakaloto mālohiʼi fakafiafia te kau fai faka mafola ke natou kau katoa ki te gāue ʼaia. Fakaafe mai natou ki te fono gāue ʼo te vahaʼa ka haʼu; ʼe ina fakahā mai ānai he ʼu manatu ʼaoga ʼo ʼuhiga mo te ʼu ʼaʼahi foʼou.
12 mn: Vakaʼi te Talanoa “Avortement”, ʼi te tohi Comment raisonner, pasina 39 ki te 41. ʼI te ʼosi ʼo takotou kamata palalau ʼo fakahā ʼaki he logo ʼo te mālama ʼe tuʼania ia e te hahaʼi, fai he faʼifaʼitaki: ko he tuagaʼane ʼe ina fai he ako faka tohi-tapu. Pea ko ia ʼaē ʼe ako, ʼe mole ina leleiʼia tana ʼiloʼi ʼaē kua faitama. ʼE nofo tuʼania ia ʼo ʼuhiga mo te fahaʼi ʼaia, heʼe ko tona famili ʼe faigataʼa ia. Ko tona ʼu kaumeʼa ʼi te mālama ʼe natou faigaʼi ke ʼalu ia ʼo fakato te tamasiʼi fakatavili. ʼE tokoniʼi ia e te tuagaʼane ʼo fakahā age ki ai te tohi Comment raisonner pea mo toʼo te ʼu vaega ʼe tuʼu mai ai moʼo fakahā pe koteā te manatu ʼa te ʼAtua ki te tamasiʼi ʼi muʼa ʼo tona fānauʼi mai pea mo te fakatofatu. ʼE nā vakavakaʼi muʼa te ʼuhiga ʼo te fakatofatu, pea nā palalau ai ki te ʼu fehuʼi, te ʼu vaega pea mo te ʼu manatu ʼi te ʼu pasina 40 pea mo 41. Ko te tuagaʼane ʼe ina tokoniʼi ānai te fafine ʼaia ke ina ʼiloʼi te maʼuhiga taputapu ʼo te maʼuli.
Katiko 164 pea mo te faikole fakaʼosi.
Vahaʼa ʼe kamata ʼi te 27 sanualio
Katiko 92
10 mn: Ko te ʼu logo ki te kokelekasio. Tokoniʼi te kau fai fakamafola ke natou pionie vaeluaʼi temi ʼi malesio pea mo apelili. Tokoniʼi te ʼu famili, feiā ki te kau tūpulaga kua mālōlō mai te ako ʼi malesio pe ʼe ko apelili, ke natou fai he fakatuʼutuʼu ke feala ai hanatou kau ki te fai faka mafola.
20 mn: “Koteā takotou palalau mokā koutou toe liliu mai? ” Fai palalau mo natou fuli ʼe ʼi te fono pea, ʼi te hoholo atu ʼo te ʼu palakalafe, fai he ʼu faʼifaʼitaki ʼo muliʼi te ʼu tokoni neʼe tuku mai ʼo fai ʼe he kau fai faka mafola neʼe teuteu lelei ki te fahaʼi ʼaia. Ko te ʼu faʼifaʼitaki fakanounou ʼaia neʼe liuga tona fakamanatu.
15 mn: “Les prêts dʼargent entre chrétiens.” Akonaki ʼo fai e he tagata ʼafea, ʼe fakatafito ki te alatike ʼo te Tule Leʼo ʼo te ʼaho 15 ʼo ʼoketopeli 1991, pasina 25-28.
Katiko 147 pea mo te faikole fakaʼosi.