Ko Te ʼu Tali Ki ʼa Kotou ʼu Fehuʼi

◼ Koteā koa te ʼu faʼahiga fakaʼaogaʼi ʼo te Fale ʼo te Puleʼaga?

Ko te Fale ʼo te Puleʼaga ʼe ko te lotolotoiga ʼaia ʼo te tauhi moʼoni pea mo te ʼu gāue faka teokalatike fuli. Ki tuʼa atu ʼo te akonaki ki te hahaʼi pea mo te ako ʼo Te Tule Leʼo, ʼaē ʼe hoko tuʼumaʼu ʼi te Fale ʼo te Puleʼaga ʼi te ʼahotapu, ʼe fakaʼaogaʼi e te kokelekasio ʼi te lolotoga vahaʼa te ʼu fahaʼi ʼaia ki te Ako ʼo te minisitelio faka teokalatike pea mo te fono gāue. Pea tahi foki ʼaē meʼa, ʼe feala ke fai ai he ʼu ako tohi ʼi he ʼu temi kehekehe ʼo te vahaʼa.

ʼE ko te ʼuluaki maʼua ʼo te ʼu kokelekasio ko te faka mafola ʼo te logo lelei ʼo te Puleʼaga, koia ko te tokolahi ʼe nātou fakatuʼutuʼu ʼi te ʼaho fuli he ʼu fono ʼo ʼuhiga mo te fai faka mafola. Tuʼumaʼu, ʼe fakatuʼutuʼu he fono ki te fahaʼi ʼaia ʼi te uhu pea mo te hoʼatā. Kapau ʼe ʼaoga, ʼe feala ke fai he ako faka tohi-tapu ʼa he tahi ʼi te Fale ʼo te Puleʼaga, mokā ʼe mole feala tona fai ʼi tona loto fale.

Ko te ʼu kokelekasio ʼe feala tanatou fakaʼaogaʼi te Fale ʼo te Puleʼaga ʼo ʼuhiga mo he ʼu fai ʼohoana pe ko he ʼu ʼavaifo. Ko te fealagia ʼaia ʼe tonu ke kole ki te kolesi ʼo te ʼu tagata ʼāfea.

ʼAki te fakaʼaogaʼi ʼo te kokelekasio te Fale ʼo te Puleʼaga ʼi te ʼaho fuli, koia ʼe tonu ai ke fakamaʼa pea mo fakatokatoka lelei. ʼE maʼuhiga te fakatuʼutuʼu ʼo he polokalama fakamaʼa ʼi te vahaʼa fuli mo ʼihi atu ʼu faʼahiga gāue, ke feala ai te tuʼumaʼu ʼo te ʼiloʼi ʼaē e te hahaʼi ko te kau Fakamoʼoni ʼa Sehova ʼe maʼa pea mo aga fakatokatoka.