Ko Te ʼu Fono Gāue ʼo Sanualio
Vāhaʼa ʼe kamata ʼi te 4 sanualio
Katiko 23
10 mn: Ko te ʼu logo ki te kokelekasio pea mo te ʼu Tonu ʼaoga ʼo te Minisitelio ʼo te Puleʼaga.
10 mn: “ ‘Ko te ako fakaʼatua’ — Fakatahi faka tisitilike 1993.” ʼE fai anai e te sikalaipe ʼaki he ʼu fehuʼi pea mo he ʼu tali.
25 mn: Akonaki ʼe ʼaoga ki te kokelekasio peʼe “Un point de vue équilibré sur les divertissements”, ʼe fakatafito ki te ʼu pasina 3 ki te 10 ʼo te Koutou ʼaʼala! ʼo te ʼaho 8 ʼo novepeli 1992.
Katiko 139 pea mo te faikole fakaʼosi.
Vāhaʼa ʼe kamata ʼi te 11 sanualio
Katiko 162
10 mn: Ko te ʼu logo ki te kokelekasio. Fakahā te ʼu fakatuʼutuʼu neʼe fai ʼo ʼuhiga mo te fai faka mafola.
20 mn: “Tou fakahā peʼe feafeaʼi te fakatuʼu e te ʼAtua te tokalelei pea mo te maʼuli fīmālie.” ʼO fai ʼaki he ʼu fehuʼi pea mo he ʼu tali. Fakaloto mālohiʼi nātou ʼi te fono ke nātou fakaʼaogaʼi te ʼu kiʼi pepa lotu ʼi te fai faka mafola. ʼI te ʼosi fakasiosio ʼo te palakalafe 3, faʼifaʼitaki: ko he kau faka mafola neʼe teuteu lelei ʼe ina fakahā pe ʼe feafeaʼi te kamata ʼo he ako faka tohi-tapu, ʼi te ʼuluaki fai palalau, peʼe ʼi te ʼaʼahi, ʼaki te kiʼi pepa lotu Ko te malamanei ʼo te temi ʼaenī ʼe hāo anai koa? ʼE feneī te palalau ʼa te kau faka mafola: “Mālo. ʼE mātou felogoi mo te hahaʼi ʼaē ʼe felāveʼi mo mātou ki te maʼuhiga ʼo te maʼuli. ʼI takotou manatu ʼe fakaʼaluʼalu koa te maʼuli ʼo te hahaʼi ʼo haʼele lelei?” Koʼeni te tali ʼa ia ʼaē ʼe felogoi mo tatou: “ ʼE mole faʼa lelei.” Neʼe ʼui age e te tagata faka mafola: “ ʼI takotou manatu ko te ʼu faʼahiga meʼa ʼe maʼu anai hona tonu? ” Koʼeni te tali ʼa ia ʼe felogoi mo tatou: “Mole ʼau ʼiloʼi.” Ko te tagata faka mafola ʼe ina fakahā age te kiʼi pepa lotu pea ina ʼui age: “Ko ʼihi ʼe manatu ko te ʼu faʼahiga meʼa ʼe hoko ʼi te temi nei ʼe ina fakahoko te ʼu lea faka polofeta ʼo te Tohi-Tapu pea ko te fakaʼosi ʼo te mālama ʼaenī kua fakaōvi mai. Koteā la tau manatu?” Koʼeni tana tali: “Mole ʼau ʼiloʼi. ʼE lagi ʼe feala ke hoko te faʼahi ʼaia.” ʼE fakaʼaogaʼi e te tagata faka mafola te kiʼi pepa lotu moʼo fakamahino age ko te fakaʼosi ʼo te mālama ʼe mole ko te pulihi ʼo te lagi pea mo te kele ʼi te temi nei. ʼOsi ʼaia pea ina fakahā age te ʼu kaupepa e lua ʼe ʼaoga pea ʼe ina fakahā ki ai he ako faka tohi-tapu ʼe mole totogi.
15 mn: Fakakatokaga fakatomuʼa te ʼu faigataʼaʼia ʼe piki tahi mo te foʼi huki toto: kua hoko mai te temi ʼe tonu ke fakafoʼou ai tatatou pepa “Instructions médicales”; ʼo fai ʼe he tagata ʼāfea. Tufa te ʼu kate foʼou ki te kau faka mafola kua ʼosi papitema, ʼosi pea koutou fakasiosioʼi te tohi ʼo te ʼaho 15 ʼo tesepeli 1991 ʼe talanoa ai ʼo ʼuhiga mo tona fakaʼaogaʼi. ʼI takotou teuteu, fakasiosio fakaleleiʼi te tohi ʼo te ʼaho 1 ʼo sanualio 1990. Ko nātou ʼaē ʼe nātou tali ke nātou fakamoʼoni ki te ʼu foʼi kate ʼaia ʼe tonu ke nātou sio tonu ki te tohi ʼe ia ʼaē ʼa ia te foʼi kate tona higoa. Fakaafe nātou fuli ʼaē neʼe foaki ake tanatou kate foʼou ke nātou tohi fakalelei ʼi muʼa ʼo tanatou mavae ʼi te Fale ʼo te Puleʼaga. Ko te kau faka mafola kua ʼosi papitema ʼe mole tonu anai ke nātou mavae ʼi tonatou ʼapi ka mole toʼo tanatou kate “Instructions médicales préalables/Décharge”. ʼO tatau aipe, ko te ʼu fānau ʼa te kau Fakamoʼoni pea mo nātou mole heʼeki papitema ʼe tonu ke ia nātou tuʼumaʼu tanatou Carte dʼidentité. Ko he sondage neʼe hoki fai ʼi te kokelekasio lolotoga he fono neʼe hā mai ai ko te kau faka mafola e tahi ʼi te toko nima neʼe mole ʼi ai tanatou kate pea ʼe mole ʼi ai he fānau neʼe ʼi ai tana Carte dʼidentité. Koia, ʼe tonu ke koutou lau pea mo maʼuliʼi ia Tāʼaga Lea 22:3.
Katiko 151 pea mo te faikole fakaʼosi.
Vāhaʼa ʼe kamata ʼi te 18 sanualio
Katiko 130
10 mn: Ko te ʼu logo ki te kokelekasio; Logo faka teokalatike; palalau ʼo ʼuhiga mo te falā; fakamālo ʼo ʼuhiga mo te ʼu meʼa ʼofa. Fakamālo kia nātou fuli ʼi te fono ʼo ʼuhiga mo tanatou lagolago manavaʼofa te ʼu gāue ʼo te kokelekasio ʼo feiā foki ki te Kesi ʼo te Sosiete ki te ʼu Fale ʼo te Puleʼaga pea mo te gāue faka malamanei.
20 mn: “Ko he fakaʼaogaʼi fakapotopoto ʼo te ʼu meʼa gāue tāfito.” ʼI te ʼosi ʼo he ʼuluaki palalau fakanounou, fai he ʼu faʼifaʼitaki e lua ʼo fakaʼaogaʼi te ʼu manatu ʼo te ʼu palakalafe 2 ki te 5. ʼI te ʼosi ʼo te ʼuluaki faʼifaʼitaki, neʼe tali ʼe ia ʼaē neʼe fai palalau mo tatou te ʼu nusipea e lua. ʼO fakapapau age e te kau faka mafola ʼe toe liliu mai ʼo tali ki te fehuʼi ʼaē: “He koʼe ʼe fakagafua e te ʼAtua te mamahi?” ʼI te ʼosi ʼo te lua faʼifaʼitaki, neʼe kamata te ako faka tohi-tapu ʼaki he kiʼi pepa lotu. Fakaloto mālohiʼi te kau faka mafola ke kamata he fai palalau faka tohi-tapu ʼi te fai faka mafola ʼo te fakaʼosi vāhaʼa ʼaenī.
15 mn: He koʼe ʼe fakafisi te kau kilisitiano ki te toto. Akonaki ʼe fai ʼe he tagata ʼāfea. Tohi Comment raisonner, ʼi te kupu ʼaē “Sang”, tona ʼuhiga pea mo te ʼu ʼuluaki kupu e tolu, ʼu pasina 359, 360.
Katiko 177 pea mo te faikole fakaʼosi.
Vāhaʼa ʼe kamata ʼi te 25 sanualio
Katiko 128
15 mn: Ko te ʼu logo ki te kokelekasio. Palalau ki te ʼu puani tāfito ʼo te alatike “Ko te toe ta ʼo te ʼu volumes reliés ʼo Te Tule Leʼo”. Fakaloto mālohiʼi nātou ʼi te fono ke nātou fakatuʼutuʼu hanatou tanakiʼaga tohi takitokotahi. ʼE tonu ke fakaloto mālohiʼi e te kau faka mafola te kau ako ke nātou toʼo hanatou ʼu volumes reliés. ʼE feala hanatou ʼolo ʼo tohi nātou ki te ʼu tohi ʼaia ʼi te ʼosi ʼo te fono ʼo mulimuli ki te ʼu fakatotonu ʼe tuʼu ʼi te ʼu Tonu ʼo te Minisitelio ʼo te Puleʼaga.
15 mn: “ ʼE feala koa hakotou gāue kia Sehova ʼo koutou liliu ʼo pionie?” ʼO fai ʼaki he ʼu fehuʼi pea mo he ʼu tali. Fehuʼi ki he pionie katoa kei tūpulaga peʼe ko he kau faka mafola neʼe pionie ʼi tona temi tūpulaga. Fakahā ko te ʼu mātuʼa pea mo ʼihi atu ʼe feala tanatou fakaloto mālohiʼi te kau tūpulaga ke nātou liliu ʼo pionie. Fakaafe fakafiafia te kau faka mafola ke nātou fakakaukau lelei ki te fealagia ʼaē ʼo kau ki te selevisi katoa. Ko te temi ʼaenī ʼe tonu ai ke kita fakatuʼutuʼu ke kita pionie vaeluaʼi temi ʼi ʼapelili.
15 mn: “Tou taupau te fia logo ʼo fai he ʼu ʼaʼahi fakapotopoto.” Akonaki fakanounou ʼo hoko atu ki ai he faʼifaʼitaki: fai palalau neʼe hinoʼi mai ʼi te palakalafe 3. Kapau ʼe fealagia te temi, koutou toe palalau ki te ʼu puani tāfito ʼo te faʼifaʼitaki: ʼuluaki palalau peʼe ko te hoko atu ʼo te fai palalau moʼo fakahā te vaega faka tohi-tapu.
Katiko 160 pea mo te faikole fakaʼosi.