Te ʼu Tonu
◼ Tufa ʼo fepualio: E Feala Keke Mauli O Heegata Ite Palatiso Ite Kele, ko tona totogi fakaʼofa 400 CFP (tohi lahi) peʼe 200 CFP (tohi veliveli). Malesio: La Révélation: le grand dénouement est proche! ko tona totogi fakaʼofa 400 CFP. ʼApelili pea mo maio: Ko te apone ki Te Tule Leʼo, ki te foʼi afe.
◼ Ko te sikalaipe pea mo te tagata taupau ki te gāue ʼe nā fakasiosioʼi anai te gāue ʼa te ʼu pionie katoa. Kapau ʼe ʼi ai niʼihi ia nātou ʼe faigataʼa tanatou maʼu tonatou ʼu hola, ʼe faiga anai te ʼu tagata ʼāfea ke nātou maʼu he tokoni. ʼE koutou maʼu anai he ʼu manatu ʼi te ʼu tohi ʼa te Sosiete (S-201) ʼo te ʼaho 1 ʼo tesepeli 1992 pea mo te ʼaho 1 ʼo ʼoketopeli 1991. Vakaʼi foki mo te ʼu palakalafe 12 ki te 20 ʼo te pepa ʼe piki tahi ki te Minisitelio ʼo te Puleʼaga ʼo sepetepeli 1986.
◼ Ko te ʼaho Fakamanatu ʼe hoko anai ʼi te feliatolu, ʼaho 6 ʼo ʼapelili 1993. Koutou manatuʼi ko te feʼāveʼaki ʼo te pane pea mo te vino ʼe tonu ke kamata mokā ʼosi to te laʼā, logope te ʼuluaki kamata ʼaē ʼo te akonaki ʼo te ʼaho Fakamanatu. Fakatokaga ki te hola ʼaē ʼe to ai te laʼā ʼi tokotou kolo. ʼE mole he fono ʼe fai anai ʼi te ʼaho ʼaia gata pe ki te fai faka mafola. Ko te ʼu kokelekasio ʼaē ʼe fai māhani tanatou ʼu fono ʼi te feliatolu ʼe nātou fia holo atu anai ki he tahi ʼaho mokā ʼe ʼāteaina te fale. Kapau neʼe ko te fono gāue ʼaē neʼe tuku, ʼe feala he fakahā ʼi he tahi fono gāue te meʼa ʼaē ʼe ʼaoga tāfito ki te kokelekasio. Ko te ʼu kokelekasio ʼaē ʼe ʼaʼahi e te taupau faka silikosikilipisio ʼe tonu ke nātou tuku anai tanatou ʼu fono māhani ʼaē ʼo te feliatolu ki he tahi ʼaho.
◼ Ko te kau faka mafola ʼaē ʼe fia pionie vaeluaʼi temi ʼi malesio pea mo ʼapelili ʼe tonu ke nātou fakatuʼutuʼu ʼi te temi nei pea ke nātou tohi hanatou pepa fakatavili. Ko te meʼa ʼaia ʼe tokoni anai ki te ʼu tagata ʼāfea ke nātou fai he ʼu fakatuʼutuʼu ʼaoga ʼo ʼuhiga mo te fai faka mafola pea mo fakatuʼutuʼu ʼaē ke feʼauga he ʼu tohi.
◼ Ko te ʼu tohi foʼou ʼe maʼu ʼi te temi nei: Fakafalani: Louons Jéhovah par nos chants (mata lalahi; ʼe gata pe ʼi te palalau). Calendrier 1993, Scrutons 1993.