Ko Te ʼu Fono Gāue ʼo Maio
Vāhaʼa ʼe kamata ʼi te 2 ʼo Maio
Katiko 20
5 mn: Ko te ʼu logo ki te kokelekasio pea mo te ʼu Tonu ʼaoga ʼo te Minisitelio ʼo te Puleʼaga. Toe vakaʼi te ʼu fakatuʼutuʼu moʼo fakatuputupu ʼo te ʼu gāue ʼi te minisitelio, ohage ko te fai faka mafola ʼi te ʼu ala peʼe ko te afiafi.
15 mn: “Ke Hoko Atu Tatatou ʼu Gāue Faka Teokalatike Lolotoga Te Taʼu Gāue ʼAenī.” ʼO fai ʼaki he ʼu fehuʼi pea mo he ʼu tali. Fai he ʼu fakamatala fakafiafia e niʼihi neʼe pionie vaeluaʼi temi peʼe ko te fagonogono faigamālie.
10 mn: “ ʼE ʼAoga Koa Ke Fetogi Te ʼu Faʼahiga Palalau ʼAē ʼi Te Fai Faka Mafola?” Fai palalau ʼa he ʼu tagata ʼāfea e toko lua. Talanoa ki te ʼu tapuakina ʼe tou maʼu mokā ʼe tou kau tuʼumaʼu ki te gāue faka mafola.
15 mn: “Koutou Fakaʼaogaʼi Te ʼu Nusipepa Moʼo Fakahā ʼo Te Moʼoni.” Fai palalau mo nātou ʼaē ʼi te fono. Fakamahino pe koteā ʼaē ʼe kehekehe ai ʼatatou ʼu nusipepa pea he koʼe ko te faʼahi ʼaia ʼe tonu ke ina uga ia tatou ke tou tufa te ʼu nusipepa ʼaia ʼi te temi fuli. Fai he fakatuʼutuʼu ke fai he ʼu faʼifaʼitaki fakanounou e lua.
Katiko 128 pea mo te faikole fakaʼosi.
Vāhaʼa ʼe kamata ʼi te 9 ʼo Maio
Katiko 214
10 mn: Ko te ʼu logo ki te kokelekasio. ʼE tonu ke tou tokakaga ki te ʼu faigamālie ʼaē ke fai ai he ʼu apone. ʼE tonu ke tou fai he fakatuʼutuʼu takitokotahi ke tou fai he apone e tahi lolotoga te māhina ʼaenī. ʼI ʼihi faʼahi ʼe lelei te fakahā ʼo te apone ʼi tatatou ʼuluaki felāveʼi ʼaē mo he tahi. Fakamahino peʼe feafeaʼi te tohi ʼo te pepa apone ʼo tohi ki he ʼu pepa e tolu.
20 mn: “Tou Teuteuʼi Ia Nātou ʼAē ʼe Ako Tohi-Tapu Ki Te Minisitelio.” ʼO fai ʼaki he ʼu fehuʼi pea mo te ʼu tali. ʼAki te ʼu palakalafe 4 pea mo te 5, koutou fai he faʼifaʼitaki fakanounou ʼo fakahā ai peʼe feafeaʼi te tokoni ki he tahi ʼe ako Tohi-Tapu ke teuteu ʼo ʼuhiga mo te fai faka mafola. Ko ia ʼaē ʼe ako Tohi-Tapu ʼe ina kamata ʼaki he faʼifaʼitaki fakanounou ʼo ina fakaʼaogaʼi ia Pesalemo 37:11. Pea tuʼusi fakavilivili age e ia ʼaē ʼe ina fai tana ako ʼo ʼui maʼana: “ ʼE ʼi ai taku lotu.” Ko ia ʼaē ʼe ako Tohi-Tapu ʼe mole kei ina ʼiloʼi leva hana tali. ʼE nā toʼo ia te tohi Comment raisonner, ʼi te ʼu pasina 18 ki te 19, ʼo nā vakaʼi he ʼu tali ʼe tuʼu ʼi ai, pea nā fili he tali ʼe ʼaoga ke fai ʼe ia ʼaē ʼe ako. ʼO toe kamata te faʼifaʼitaki, pea neʼe ina tali ia te fehuʼi, pea neʼe lotomālohi ai ia.
15 mn: Ko Te Laga ʼo Te Fale ʼo Te Puleʼaga. Fai palalau ʼa he ʼu tagata ʼāfea e lua. ʼE nā vakaʼi te faʼahi ʼe ʼaoga ke fai e he tahi ʼe fia kau ki te laga ʼo te Fale ʼo te Puleʼaga. Fakamahino (1) te ʼu faʼahiga hahaʼi e lua ʼaē ʼe fia kau ki te gāue ʼaē ʼe feala ke nātou tohi he pepa ʼo ʼuhiga mo te faʼahi ʼaia (2) ko nātou fuli ʼaē ʼe fia gāue, ʼo kau ki ai mo nātou ʼaē neʼe kua kau ki te gāue ʼe tonu ke nātou tohi he pepa foʼou. ʼOsi ʼaia pea vakaʼi te ʼu puani ʼo te gāue ʼa te Komite Laga Fale ʼi te tohi Les Témoins de Jéhovah: Prédicateurs du Royaume de Dieu, ʼi te ʼu pasina 322 ki te 328.
Katiko 139 pea mo te faikole fakaʼosi.
Vāhaʼa ʼe kamata ʼi te 16 ʼo Maio
Katiko 173
10 mn: Ko te ʼu logo ki te kokelekasio. Lau ʼo te falā pea mo te ʼu meʼa ʼofa. Vakaʼi te ʼu kaupepa ʼe feala ke tufa, pea mo fakatokagaʼi ki he ʼu puani ʼaoga.
15 mn: “Tou ʼAʼahi Te Hahaʼi ʼAē Neʼe Fia Logo.” ʼO fai ʼaki he ʼu fehuʼi pea mo he ʼu tali. Fai he faʼifaʼitaki e tahi peʼe lua ʼo mulimuli pe ki te ʼu manatu ʼo te alatike.
20 mn: “Ke Tou Fakaʼaogaʼi Katoa Te Ako ʼo Te Minisitelio Faka Teokalatike.” Akonaki e fai e te tagata taupau ki te ako pea mo fai fehuʼi kia nātou ʼaē ʼi te fono. Fakaloto mālohiʼi ia nātou fuli ʼaē ʼi te fono ke nātou tali pea mo nātou fai tanatou ʼu akonaki. Fakamahino ia te maʼuhiga ʼo te hoholo atu ʼo te lau ʼo te koga ʼo te Tohi-Tapu ʼi te vāhaʼa fuli. Fakamatala peʼe feafeaʼi te maʼu e te kokelekasio te fua lelei mai te ʼu tokoni ʼaē ʼe foaki ki te kau ako.
Katiko 53 pea mo te faikole fakaʼosi.
Vāhaʼa ʼe kamata ʼi te 23 ʼo Maio
Katiko 192
10 mn: Ko te ʼu logo ki te kokelekasio. Vakaʼi te manatu ʼo te ʼu alatike ʼi te ʼu nusipepa foʼou, pea mo fakatuʼutuʼu ke fai he faʼifaʼitaki fakanounou e tahi peʼe lua. Fakahā te ʼu fakatuʼutuʼu makehe ʼo ʼuhiga mo te fai faka mafola ʼi te ʼaho 30 ʼo Maio.
20 mn: “Respectez-vous la dignité de ceux que vous conseillez?” Akonaki ʼe fai e he tagata ʼāfea, ʼo fakatafito ki Te Tule Leʼo (fakafalani), ʼo te ʼaho 1 ʼo Fepualio 1994, ʼi te ʼu pasina 25 ki te 29.
15 mn: Akonaki ʼe fai e he tagata ʼāfea ʼo fakatafito ki te manatu ʼo te tohi Organisés pour bien remplir notre ministère ʼi te ʼu pasina 82 ki te 97.
Katiko 19 pea mo te faikole fakaʼosi.
Vāhaʼa ʼe kamata ʼi te 30 ʼo Maio
Katiko 204
10 mn: Ko te ʼu logo ki te kokelekasio. Te ʼu logo faka teokalatike.
15 mn: Vakaʼi te tohi e tufa ʼi Sūnio: E Feala Keke Mauli O Heegata Ite Palatiso Ite Kele. Fakatokagaʼi te ʼu paki ʼaē ʼe tuʼu ʼi te ʼu pasina 156 ki te 158, pea mo te 161 ki te 162. Ko he tahi ʼe faiva ʼi te fai faka mafola ʼe ina fai he faʼifaʼitaki fakanounou ʼo fakatafito ki he paki ʼi te ʼu paki ʼaia, ʼo fakaʼaogaʼi ia Fakahā 21:4. Fakahā te ʼu fakatuʼutuʼu ʼo ʼuhiga mo te fai faka mafola ki te vāhaʼa ka haʼu.
20 mn: Akonaki ʼe fai e he tagata ʼāfea ʼe kau ki te komite gāue ʼo fakatafito ki te manatu ʼo te tohi Organisés pour bien remplir notre ministère ʼi te ʼu pasina 98 ki te 110.
Katiko 12 pea mo te faikole fakaʼosi.