Ko Te ʼu Fono Gāue ʼo Sūlio
Vāhaʼa ʼe kamata ʼi te 3 Sūlio
Katiko 165
10 min: Ko te ʼu logo ʼo te kokelekasio pea mo te ʼu Tonu neʼe toʼo mai Te Minisitelio ʼo Te Puleʼaga.
17 min: “Koutou Nonofo Fakaonoono.” ʼO fai ʼaki te ʼu fehuʼi pea mo te ʼu tali.
18 min: “Koutou Fakaʼaogaʼi Te ʼu Kaupepa Lalahi Kehekehe ʼi Takotou Minisitelio.” Fai palalau mo nātou ʼaē ʼi te fono ki te ʼu faʼifaʼitaki ʼaē ʼe tuʼu ʼi te alatike. Fai he ʼu fakamatala fakanounou ʼo ʼuhiga mo te ʼu puani ʼaoga ʼo te ʼu kaupepa lalahi. Fai he ʼu faʼifaʼitaki fakanounou e lua peʼe tolu ʼo fakahā ai peʼe feafeaʼi te fakahā ʼo te ʼu kaupepa lalahi.
Katiko 213 pea mo te faikole fakaʼosi.
Vāhaʼa ʼe kamata ʼi te 10 Sūlio
Katiko 110
10 min: Ko te ʼu logo ki te kokelekasio. Lau te tānaki falā.
15 min: “Ko Te ʼu Fakamanatu ʼa Sehova ʼe Nātou Uga Koa Tatou ʼi Te Faʼahi Fakalaumālie?” ʼO fai ʼaki te ʼu fehuʼi pea mo te ʼu tali.
20 min: Tou fakatupu he ʼu fealagia moʼo fakahoko ʼo te fagonogono faigamālie. Fakaʼaogaʼi te tohi Manuel pour L’École, ʼi te pasina 80 ki te 81, ʼi te palakalafe 11 ki te 16, tou toe vakaʼi te ʼu manatu ʼo ʼuhiga mo te kamata ʼo he ʼu fai palalau mo ni hahaʼi ʼe mole feʼiloʼiʼaki mo tatou. Fakahā te lelei ʼaē ʼo te teuteu fakatomuʼa ke kita maʼu ai he ʼu fua ʼe lelei age. Ko he ʼu kaugā fai faka mafola e toko tolu ʼe nātou fai he ʼu faʼifaʼitaki fakanounou ʼo fakahā ai peʼe kamata feafeaʼi te fai palalau mo he tahi ʼi te ʼutuʼaga penisini, mo he tahi ʼi te kā, pea mo he tahi ʼe tuʼu ʼi he fale fakatauʼaga meʼa. Fakamanatuʼi ki te kau fai faka mafola ke nātou tohi te higoa ʼo te hahaʼi ʼaē neʼe fia logo pea ke nātou fakatuʼutuʼu ke ʼalu he tahi ʼo ʼaʼahi ia nātou ʼaia ʼi he temi ki muli mai.
Katiko 79 pea mo te faikole fakaʼosi.
Vāhaʼa ʼe kamata ʼi te 17 Sūlio
Katiko 70
10 min: Ko te ʼu logo ʼo te kokelekasio.
20 min: “Tou Liliu ʼo ʼAʼahi Te Hahaʼi ʼAē Neʼe Nātou Toʼo Te ʼu Kaupepa Lalahi.” Ko te tēhina ʼaē neʼe hinoʼi ke talanoa ki te alatike ʼaia ʼe fai palalau anai mo ni kau fai faka mafola e toko tolu, ʼo fakahā ai pe koʼe ʼe maʼuhiga te ʼaʼahi ʼo nātou fuli ʼaē neʼe fakalogo pea mo nātou ʼaē neʼe nātou toʼo te ʼu kaupepa. ʼE nātou toe vakaʼi te ʼu faʼifaʼitaki ʼaē ʼe tuʼu ʼi te alatike pea ʼe nātou fakahā peʼe feafeaʼi tona fakaʼaogaʼi.
15 min: Tou Fai He Ako Faka Tohi-Tapu ʼi Te ʼu ʼApi. Akonaki ʼe fai e he tagata ʼāfea ʼe ina fai te ʼu ako faka Tohi-Tapu ʼe tuputupu māmālie. Fakaloto mālohiʼi te kau fai faka mafola ke lahi ʼaupito tanatou faiga ʼaē moʼo kamata ʼo he ʼu ako faka Tohi-Tapu. Toe vakaʼi te ʼu tokoni ʼe tuʼu ʼi te tohi Organisés pour bien remplir notre ministère, ʼi te pasina 90 ki te 91. ʼE feala ke fakamatala fakanounou he ʼu meʼa neʼe hoko ki te fai faka mafola ʼo te kokelekasio.
Katiko 157 pea mo te faikole fakaʼosi.
Vāhaʼa ʼe kamata ʼi te 24 Sūlio
Katiko 43
10 min: Ko te ʼu logo ʼo te kokelekasio. Vakaʼi te alatike “Ko Te Polokalama Foʼou ʼo Te Fakatahi Faka Silikosikilipisio.”
15 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fakatafito ki Te Tule Leʼo ʼo te ʼaho 1 ʼo ʼAukusito 1994 ʼi te ʼu pasina 27 ki te 30, ko tona kupu tāfito “Tou Fakahā Te ʼOfa Faka Kilisitiano Ki Te Hahaʼi Matutuʼa.”
20 min: Koteā Anai Te Manatu ʼo Totatou Vāhaʼa Fale? Ko te akonaki pea mo te faʼifaʼitaki ʼe fakatafito ki Te Tule Leʼo ʼo te ʼaho 15 ʼo Sūlio 1974, ʼi te ʼu pasina 425 ki te 427. ʼE fakahā e te akonaki pe koʼe ʼe tautau fakahalaʼi tatou e ʼotatou ʼu vāhaʼa fale. (Vakaʼi te pasina 425 pea mo te ʼuluaki palakalafe ʼo te pasina 426.) ʼOsi ʼaia pea fai he faʼifaʼitaki ʼe fakahā ai he taumatuʼa faiva ʼe nā fai te ako faka Tohi-Tapu mo te famili ʼe mole heʼeki fualoa tana ako te moʼoni, pea ʼe fakamatakuʼi te famili ʼaia ʼe tona ʼu vāhaʼa fale heʼe nātou fakafeagai ki te ako ʼaē ʼo te Tohi-Tapu mo te kau Fakamoʼoni ʼa Sehova. (Vakaʼi te ʼu manatu tāfito kei toe ʼi te alatike.) Fakahā te ʼu tupuʼaga ʼaē ʼe mole tonu ai ke lotovaivai te famili ʼaia mole heʼeki fualoa tana ako te moʼoni peʼe ke ina tuku tana ako Tohi-Tapu.
Katiko 181 pea mo te faikole fakaʼosi.
Vāhaʼa ʼe kamata ʼi te 31 Sūlio
Katiko 1
10 min: Ko te ʼu logo ki te kokelekasio. Te ʼu Logo Faka Teokalatike.
15 min: “Ke Koutou Fakatupu Lotomālohi.” Fai palalau pea mo he akonaki ʼe fai e he tagata ʼāfea.
20 min: Vakaʼi te ʼu kaupepa ʼe fakahā ʼi ʼAukusito. Fakahāhā te ʼu kaupepa lalahi ʼe pasina 32 ʼaē ʼe feala ke fakaʼaogaʼi. Fakaafe te kau fai faka mafola ke nātou fai he ʼu fakamatala ʼe ʼaoga ʼo ʼuhiga mo tanatou fakahā te ʼu kaupepa lalahi ʼi Sūlio. Fai he faʼifaʼitaki ʼo fakahā ai peʼe feafeaʼi te kamata ʼo he ako faka Tohi-Tapu ʼaki te kaupepa lahi ʼaē ʼE tokaga moʼoni koa te ʼAtua kia tatou? Fai te fehuʼi ʼaē ʼe tuʼu ʼi te ʼuluaki palakalafe ʼo te Fahaʼi 1. Koutou mulimuli ki te tali ʼa ia ʼaē ʼe fai palalau mo koutou, ʼo koutou fehuʼi age pe koteā tana manatu ki te ʼu palakalafe 2 ki te 4. Fakamahino ki ai ko te kaupepa lahi ʼaia ʼe fakahā ai ʼe tokaga moʼoni te ʼAtua kia tatou, pea ʼe feala hatatou maʼuli fiafia ʼo ʼāteaina mai te mamahi ʼi tona mālama foʼou ʼaē kua ōvi mai. Fakahā ki ai ʼe koutou toe liliu mai ʼo hoko atu te fai palalau.
Katiko 30 pea mo te faikole fakaʼosi.