Te ʼu Tonu

◼ Te ʼu tohi ʼe tufa ʼi Sepetepeli: ʼE feala anai ke fakahā te tohi Te tagata ʼaē ʼe lahi tokotahi ki te 400, pea ʼe tonu anai ke fai he ʼu faiga moʼo kamata ʼo he ʼu ako faka Tohi-Tapu. ʼOketopeli pea mo Novepeli: Ko te apone ki te Réveillez-vous! peʼe ko Te Tule Leʼo ki te 1 000 (ʼi te taʼu) peʼe ko te 500 (ʼi te ʼu māhina e ono). ʼE ʼaoga ke tou fai he faiga makehe ke tou tuku he ʼu nusipepa pea mo fai he ʼu apone. FAKATOKAGA: Ko te ʼu kokelekasio ʼaē ʼe mole heʼeki nātou maʼu te ʼu tohi ʼaē ʼe tuʼu ʼi ʼoluga, ʼe tonu ke nātou fakaʼui te ʼu tohi ʼaia ʼi tanatou Pepa Fakaʼui Tohi (S-14) ʼo te māhina ka hoa mai.

◼ Ko te tagata taupau pelesita peʼe ko he tahi neʼe ina hinoʼi, ʼe tonu ke ina lau te falā ʼo te kokelekasio ʼi te ʼaho 1 ʼo Sūnio peʼe fai fakavilivili ʼi te hili ʼo te ʼaho ʼaia. ʼE ʼaoga ke fakahā ki te kokelekasio mokā ʼosi fai te faʼahi ʼaia.

◼ Ko te kau fai faka mafola ʼaē ʼe nātou fakatuʼutuʼu ke nātou pionie vaeluaʼi temi ʼi ʼOketopeli, ʼe tonu ke nātou foaki fakatomuʼa tanatou pepa ʼo ʼuhiga mo te gāue pionie. Ko te faʼahi ʼaia ʼe faka fealagia anai ki te ʼu tagata ʼāfea ke nātou fai he ʼu fakatuʼutuʼu ʼo ʼuhiga mo te ʼu tohi pea mo te telituale.

◼ ʼE fakamanatuʼi ki te kau tagata ʼāfea ke nātou mulimuli ki te ʼu fakatotonu ʼaē ʼe tuʼu ʼi Te Tule Leʼo ʼo te ʼaho 15 ʼo ʼApelili 1991 (fakafalani) ʼi te pasina 21 ki te 23 ʼo ʼuhiga mo he tahi neʼe fakamavae ʼi te kokelekasio pe neʼe mavae ʼi tona loto tokotahi, e lagi ʼe ina fakahā ʼe toe fia hū mai ki te kokelekasio.

◼ Ko te Lisi foʼou ʼo te ʼu tohi neʼe teuteuʼi fakalelei pea ko te ʼu pepa e fā ʼe fakamomoli ki te kokelekasio takitahi. ʼE tonu ke tufa ki te sikalaipe pea mo te ʼu tēhina ʼaē ʼe gāue ʼi te ʼu tohi, ʼi te ʼu nusipepa, pea mo te tānaki falā.

◼ Te ʼu apone: Ko te ʼaho ʼaē ʼe fakaʼosi ai te apone ʼe tuʼu ʼi te pepa (M-91 pea mo te M-191) Apone kua ʼosi, ʼe ko te numelo fakamuli ʼaia ʼe fakamomoli kia ia ʼaē ʼe apone. Ohage la, ko te ʼaho 22/09/95 ko tona faka ʼuhiga ko te Réveillez-vous! ʼo te ʼaho 22 ʼo Sepetepeli 1995, ʼe ko te numelo fakaʼosi ʼaia ʼe fakamomoli kia ia ʼaē ʼe apone. ʼE mole ko te ʼaho fakaʼosi ʼaia ke koutou fakamomoli ai te apone ki te Sosiete. Ke koutou fakafoʼou takotou apone ia muʼa ʼo te ʼaho ʼaia, ke feala hakotou maʼu te ʼu numelo ʼaē ʼe hoa mai kiai. ʼI te faʼifaʼitaki ʼaē ʼe tuʼu ʼi ʼoluga, ko te numelo ʼo te ʼaho 1 ʼo Sepetepeli kua tauhala ia.

◼ Ko te Fakatahi Faka Tisitilike “Tou Vikiviki Fakafiafia” ʼi Vanuatu ʼe fai anai ʼi te Fale ʼo te Puleʼaga ʼo Luganville, ʼi Santo, ʼi te ʼaho 8 ki te ʼaho 10 ʼo Tesepeli 1995.