Ko Te ʼu Fono Gāue ʼo Novepeli
Vāhaʼa ʼe kamata ʼi te 6 Novepeli
Katiko 151
10 min: Ko te ʼu logo ʼo te kokelekasio pea mo te ʼu Tonu neʼe toʼo mai Te Minisitelio ʼo Te Puleʼaga. Toe vakaʼi te ʼu fakatuʼutuʼu ʼo ʼuhiga mo te gāue faka mafola ʼi te ʼaho 11 ʼo Novepeli.
15 min: “ ʼE Ina Faka Maʼuhigaʼi Te ʼAtamai Mālama ʼo ʼUhiga Mo te ʼAtua.” ʼE fai ʼaki te ʼu fehuʼi pea mo te ʼu tali. Fakaloto mālohiʼi ia nātou fuli ʼaē ʼi te fono ke nātou fakamāmāhani mo te tohi ʼaia ke feala ai hanatou fakaʼaogaʼi fakalelei ʼi te fai faka mafola.
20 min: “Ko Te Tohi-Tapu Katoa ʼe ʼAoga Moʼo Akoʼi.” Fai he ʼu faʼifaʼitaki e lua. Fakahā te maʼuhiga ʼo te fakaʼaogaʼi ʼo Te ʼu Koga ʼo Te ʼu Tohi Faka Keleka Faka Kilisitiano ʼaē kua maʼu ʼi te lea Fakaʼuvea.
Katiko 2 pea mo te faikole fakaʼosi.
Vāhaʼa ʼe kamata ʼi te 13 Novepeli
Katiko 33
10 min: Ko te ʼu logo ʼo te kokelekasio. Lau te falā ʼo te kokelekasio.
15 min: “Ko Te Kau Tuʼumaʼu Ki Te ʼu Fono—ʼE Ko He Faʼahi Maʼuhiga Ke Tou Nonofo Mālohi Ai.” Akonaki pea mo fai palalau mo nātou ʼaē ʼi te fono.
20 min: “Ke Tāu Tatatou Aga Mo Te Logo Lelei.” ʼE fai ʼaki te ʼu fehuʼi pea mo te ʼu tali. ʼO toe hilifaki atu kiai he ʼu fakamatala ʼe fakatafito ki Te Tule Leʼo ʼo te ʼaho 15 ʼo Sūnio 1989 ʼi te pasina 16 ki te 17, ʼi te palakalafe 5 ki te 9.
Katiko 121 pea mo te faikole fakaʼosi.
Vāhaʼa ʼe kamata ʼi te 20 Novepeli
Katiko 120
10 min: Ko te ʼu logo ʼo te kokelekasio.
15 min: Ko te ʼu logo ʼe ʼaoga ki te kokelekasio. (Peʼe ko he akonaki ʼe fakatafito ki Te Tule Leʼo ʼo te ʼaho 15 ʼo Sūnio 1994 ʼi te pasina 8 ki te 11 ko tona kupu tāfito “ ʼE Koutou Fai Koa Hakotou Ako Takitokotahi?”)
20 min: “Tou Tokoni Ki Niʼihi Ke Nātou Leleiʼia Te Maʼuhiga ʼo Te Tohi-Tapu.” Ko he tagata ʼāfea ʼe fai palalau mo he toko lua peʼe ko he toko tolu kau faka mafola, ʼo nātou fakahā ai pe koʼe ʼe tonu ke tou fai tatatou ʼu ʼaʼahi ʼaki te fakatuʼutuʼu ʼaē ke tou kamata he ʼu ako faka Tohi-Tapu. Toe vakaʼi te ʼu manatu pea mo fai he ʼu faʼifaʼitaki ʼo ʼuhiga mo te fai ʼo te ʼu ʼaʼahi ʼo mulimuli ki te alatike, ʼo fakahā he ʼu manatu ʼe ʼaoga.
Katiko 160 pea mo te faikole fakaʼosi.
Vāhaʼa ʼe kamata ʼi te 27 Novepeli
Katiko 1
10 min: Ko te ʼu logo ʼo te kokelekasio.
15 min: “Koutou Taupau Maʼu Tokotou ʼAtamai Ki Te ʼu Meʼa ʼAē ʼo ʼOluga.” ʼE fai ʼaki te ʼu fehuʼi pea mo te ʼu tali.
20 min: Ko te tufa ʼo te kaupepa Logo Tahi Moʼo Fai ʼo Te Finegalo ʼo Te ʼAtua ʼi Tesepeli. Toe vakaʼi te ʼu koga fakafiafia ʼo te kaupepa—te ʼu kupu fakaofoofo ʼo te ʼu kapite pea mo te ʼu paki ʼaē ʼe lelei, ʼo feiā aipe ki te fakaʼaogaʼi fakalelei ʼo te ʼu fehuʼi ʼaē ʼi te fakaʼosi ʼo te alatike. Ko te kaupepa Logo Tahi Moʼo Fai ʼo Te Finegalo ʼo Te ʼAtua neʼe fai tāfito moʼo teuteuʼi ʼo nātou ʼaē ʼe ako Tohi-Tapu mo tatou, ke nātou ʼiloʼi te ʼu agaaga ʼo te kautahi fakakelekele ʼa Sehova, pea ʼe tonu ke fai he faiga makehe moʼo vakaʼi ʼo te kaupepa ʼi te ʼosi ʼo te ʼu ako faka Tohi-Tapu. Kae ʼe toe ʼaoga foki te kaupepa ki te fai faka mafola. ʼE lahi te hahaʼi ʼe nātou lagaʼi te ʼu fehuʼi ʼo ʼuhiga mo tatatou gāue pea mo tatatou kautahi, ohage la “He koʼe koa ʼe mole koutou ʼolo ʼo misa?” “He koʼe koa ʼe koutou ʼolo ʼo fai faka mafola ʼi te ʼu ʼapi?” peʼe “He koʼe koa ʼe mole koutou tui ki te maʼuli ʼi selo.” ʼE feala ke tou lagaʼi fakatomuʼa te ʼu fehuʼi ʼaia, ʼaki tatatou fakahā age te kaupepa. (Vakaʼi te pasina 14, palakalafe 1; pasina 16, palakalafe 1; pasina 4, palakalafe 1.) Ko he kaugā faka mafola faiva ʼe ina fia anai he faʼifaʼitaki fakanounou e tahi peʼe lua. Fakaloto mālohiʼi ia nātou fuli ʼaē ʼi te fono ke nātou fakaʼaogaʼi fakalelei te kaupepa foʼou ʼaia ʼi te fai faka mafola, ʼo kamata ʼi Tesepeli.
Katiko 26 pea mo te faikole fakaʼosi.