Ko Te ʼu Fono Gāue ʼo Tesepeli
Vāhaʼa ʼe Kamata ʼi Te 4 Tesepeli
Katiko 181
7 min: Ko te ʼu logo ʼo te kokelekasio. Te ʼu Tonu neʼe toʼo mai Te Minisitelio ʼo Te Puleʼaga.
23 min: “Ko Te Kautahi ʼa Sehova ʼe Haʼele Ki Muʼa.” Ko he palalau fakafiafia ʼe fakatafito ki te pepa ʼe ʼalutahi mo Te Minisitelio, ʼo fai e te tēhina ʼaē ʼe faka felogoi ʼo ʼuhiga mo te fakatuʼutuʼu ʼo te laga fale.
15 min: “Tou Tufa Te ʼu Kaupepa Lalahi Moʼo Fakahā Te Folafola ʼa Te ʼAtua.” Tou fakahā te ʼu kaupepa ʼaia ʼaki he loto fiafia. Toe vakaʼi te ʼu faʼifaʼitaki, pea mo fai he faʼifaʼitaki e tahi peʼe lua.
Katiko 224 pea mo te faikole fakaʼosi.
Vāhaʼa ʼe Kamata ʼi Te 11 Tesepeli
Katiko 201
13 min: Ko te ʼu logo ʼo te kokelekasio. Lau te falā ʼo te kokelekasio. Toe vakaʼi fakanounou te ʼu tupuʼaga ʼo tatatou fakatuʼutuʼu ke tou kau katoa ki te fai faka mafola. ʼO mole faka tuʼakoi tatatou gāue ki he hola e tahi, he koʼe ʼe mole tou fakatuʼutuʼu ke tou gāue ʼi te ʼu hola e lua peʼe fakalaka age mokā ʼe feala? ʼI te agamāhani ʼe kita maʼu he ʼu fua lelei ʼi te gāue, mo kapau neʼe kita fakatuʼutuʼu he ʼu ʼaʼahi, pea mo tou gāue mo niʼihi ʼe fia faka mafola fualoa.
15 min: Ko te ʼu logo ʼe ʼaoga ki te kokelekasio. Peʼe ko he akonaki ʼe fakatafito ki te alatike “Te ʼu Tapuakina ʼo Te Faʼa Kātaki” ʼo Te Tule Leʼo ʼo te ʼaho 1 ʼo ʼAukusito 1995, ʼi te ʼu pasina 25 ki te 29.
17 min: “Tou Teuteu Pea Ke Tou Fiafia ʼi Te ʼu Fono ʼo Te Kokelekasio.” Akonaki pea mo te fai palalau. Fakaafe he tokotahi pe ko he toko lua ke nā fakamatala te meʼa ʼaē neʼe nā fai moʼo tokoni kia nāua ke nā fiafia ʼi te ʼu fono pea neʼe nā maʼu ai he ʼu fua lelei.
Katiko 28 pea mo te faikole fakaʼosi.
Vāhaʼa ʼe Kamata ʼi Te 18 Tesepeli
Katiko 181
15 min: Ko te ʼu logo ʼo te kokelekasio. Foaki he ʼu manatu ʼo ʼuhiga mo te fakaʼaogaʼi fakalelei ʼo te ʼu temi mālōlō. Fakahā te ʼu fakatuʼutuʼu ʼo ʼuhiga mo te ʼaho faka mafola makehe ʼi te ʼaho 25 ʼo Tesepeli. “Te ʼu Fakamanatu ʼo ʼUhiga Mo Te ʼu Temi Mālōlō.” Fakahā te maʼuhiga ʼaē ke tou fai he ʼu fakatuʼutuʼu ʼi te temi nei, ke tou kau ki te Fakatahi Makehe ʼaē e ʼaho tahi, ke tou kau ki te laga fale, peʼe ko te gāue pionie vaeluaʼi temi lolotoga te ʼu māhina mālōlō ʼaia. Fakamahino peʼe lava feafeaʼi he fakamomoli tautonu e te kau fai faka mafola tanatou ʼu pepa tānaki gāue ki te kokelekasio mokā nātou ʼolo ʼo mālōlō.
13 min: “Ke Hā Lelei Takotou ʼu Faiga Ki Te Hahaʼi Fuli.” ʼO fai ʼaki te ʼu fehuʼi pea mo te ʼu tali.
17 min: “Tou Fai Te ʼu ʼAʼahi Pea Mo Te ʼu Ako Tohi-Tapu ʼAki Te ʼu Kaupepa Lalahi.” Toe vakaʼi te ʼu faʼifaʼitaki ʼaē ʼe tuʼu ʼi te alatike, pea mo fai he ʼu faʼifaʼitaki fakanounou e lua. Fakaloto mālohiʼi te kau fai faka mafola fuli ke nātou fai tanatou ʼu ʼaʼahi ʼaki te fakatuʼutuʼu ʼaē ke nātou kamata he ʼu ako Tohi-Tapu ʼaki he kaupepa. Fakamanatuʼi kia nātou ʼaē ʼe nātou fai te ʼu ako Tohi-Tapu ke nātou fakaʼaogaʼi he ʼu minuta e 10 moʼo vakaʼi ʼo te kaupepa Logo Tahi Moʼo Fai ʼo Te Finegalo ʼo Te ʼAtua ʼi te ʼosi ʼo te ako ʼi te vāhaʼa fuli. Fai he faʼifaʼitaki mokā ʼe faka fealagia e te temi.
Katiko 85 pea mo te faikole fakaʼosi.
Vāhaʼa ʼe Kamata ʼi Te 25 Tesepeli
Katiko 45
5 min: Ko te ʼu logo ki te kokelekasio. Kapau ʼe fetogi te hola ʼo takotou ʼu fono ʼi te ʼaho 1 ʼo Sanualio, ʼe fakaloto mālohiʼi te kau fai faka mafola fuli ke nātou lagolago ki te ʼu fetogi ʼaia. (Vakaʼi Te Minisitelio ʼo Te Puleʼaga ʼo Tesepeli 1994 ʼi te pasina 2.) Fakahā te ʼu fakatuʼutuʼu ʼo ʼuhiga mo te fai faka mafola ʼi te ʼaho 1 ʼo Sanualio.
15 min: “Tou Vikiviki Ia Sehova ʼi Te ʼAho Fuli.” ʼO fai ʼaki te ʼu fehuʼi pea mo te ʼu tali. Lau te ʼu palakalafe. Ko he tokotahi pe ko he toko lua e nā fakamatala te ʼu faʼifaʼitaki fakaloto mālohi ʼo ʼuhiga mo te fiafia neʼe nā maʼu ʼi te fagonogono faigamālie.
25 min: “Ke Mū Hoholo Totatou Mālama.” Ko te ʼuluaki palalau fakanounou ʼe fakatafito ki te palakalafe 1 ki te 5. Ko te palakalafe 6 ki te 16 ʼe fai ʼaki he ʼu fehuʼi pea mo te ʼu tali. Lau te ʼu palakalafe 6 ki te 9, te 15, pea mo te 16. Fakaʼaogaʼi te ʼu palakalafe 17 ki te 19 moʼo fakaʼosi. ʼO fai te alatike ʼaia e te tagata taupau ki te gāue mokā ʼe feala.
Katiko 92 pea mo te faikole fakaʼosi.