Ko Te ʼu Fono Gāue ʼo Sūnio
Vāhaʼa ʼe Kamata ʼi Te 3 Sūnio
Katiko 181
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Fakamatala te tānaki gāue ʼo te fenua ʼi te māhina pea mo te gāue ʼa te kokelekasio.
15 min: “Tou Faʼifaʼitaki Ki Tanatou Tui.” ʼO fai ʼaki te ʼu fehuʼi pea mo te ʼu tali. Toe vakaʼi te ʼu meʼa ʼaē ʼe fakahā ʼaki ai tatatou tui, ʼi te talanoa ʼo te pasina 13 ʼo Te Tule Leʼo fakafalani ʼo te ʼaho 15 ʼo Sepetepeli 1991. Fakafehuʼi he kaugā fai faka mafola e tahi peʼe lua ke nā fakahā te ʼu meʼa ʼaē neʼe tokoni kia nāua ke nā haga fai aipe te gāue ki te Puleʼaga lolotoga he ʼu taʼu.
20 min: “Tou Fakahā Te ʼAtamai Mālama ʼAē ʼe Ina Taki Ki Te Maʼuli Heʼegata.” (Palakalafe 1-3). Talanoa ki te palakalafe 1. (Fakapipiki kiai he ʼu fakamatala ʼe fakatafito ki Te Tule Leʼo ʼo te ʼaho 15 ʼo Sanualio 1996, ʼi te pasina 12 ki te 13, ʼi te palakalafe 11 ki te 12.) Fakamahino kia nātou ʼaē ʼe ʼi te fono ko te pasina fakaʼosi ʼo Te Minisitelio ʼo Te Puleʼaga ʼe ko he koga foʼou neʼe fai moʼo tokoni kia tatou ke lelei tatatou teuteu ʼo ʼuhiga mo te fai ʼo te ʼu ʼaʼahi. Mai tona ʼaluʼaga ʼaē ʼe fakapotopoto te fai tuʼumaʼu ʼo te ʼu ʼaʼahi ʼi te hili ʼo he ʼaho e tahi peʼe lua ka mole tou talitali fualoa, ʼe tou vakaʼi anai ʼi te Fono Gāue te ʼu faʼifaʼitaki ʼaē ʼe tuʼu ʼi ai ʼo ʼuhiga mo te fai faka mafola pea mo te fai ʼo te ʼu ʼaʼahi. Vakaʼi fakanounou te ʼu palakalafe 2 pea mo te 3, ʼo fai he ʼu faʼifaʼitaki ʼo mulimuli ki te ʼu palakalafe ʼaia. Ko te ʼuluaki faʼifaʼitaki ʼe tonu ke fai fakanounou. Ko te faʼifaʼitaki ʼe hoa mai kiai ʼi te alatike ʼe fai anai ʼi te Fono Gāue ʼaē ka hoa mai.
Katiko 143 pea mo te faikole fakaʼosi.
Vāhaʼa ʼe Kamata ʼi Te 10 Sūnio
Katiko 70
7 min: Ko te ʼu logo ʼo te kokelekasio. Lau te falā.
8 min: Akoʼi Te Fānau Ki Te Gāue Fai Faka Mafola. Ko he akonaki ʼe fai e he tagata ʼāfea. ʼO kamata mai tonatou kei veliveli, ʼe tonu ke gāue ʼatatou ʼu tamaliki mo tatou ʼi te fai faka mafola. Ko te faʼahiga ako ʼaē ʼe tou foaki kia nātou pea mo te poto ʼaē ʼe nātou maʼu ʼaki te ako ʼaia, ʼe foaki anai kia nātou he tafitoʼaga mālohi ki tanatou tui pea mo tanatou mālohi ʼi te fai faka mafola. ʼE maʼuhiga ke nātou ʼiloʼi ʼe tonu ke nātou gāue fakamalotoloto ʼi te minisitelio pea ke lelei tanatou aga. ʼE tonu ke līaki e te ʼu tamaliki te ʼu aga fakalialia; ko te fai faka mafola ʼe mole ko he temi moʼo gaoʼi. ʼE lelei age tanatou gāue mo te hahaʼi lalahi. ʼE tonu ke tokoniʼi nātou ke nātou fai faka mafola ʼo mulimuli pe ki tonatou ʼu fealagia. (Vakaʼi Te Tule Leʼo fakafalani ʼo te ʼaho 1 ʼo ʼAukusito 1988, ʼi te pasina 15, ʼi te palakalafe 20.) ʼE tonu ke tokakaga te ʼu mātuʼa kia nātou; ʼe mole tonu ke nātou fekauʼi tanatou tamaliki ki te ʼu fono peʼe ko te gāue fai faka mafola ka mole he tahi ʼe lahi ke tokaga kia nātou. Koutou vikiʼi ia nātou mo kapau neʼe nātou fai he gāue ʼe lelei.
10 min: “Tou Fakahā Te ʼAtamai Mālama ʼAē ʼe Ina Taki Ki Te Maʼuli Heʼegata.” (Palakalafe 4-5). ʼI te ʼosi ʼo te ʼuluaki palalau fakanounou, fai te ʼu faʼifaʼitaki ʼi te ʼuluaki fai palalau pea mo te ʼaʼahi ʼi te palakalafe 4 pea mo 5. Fakaloto mālohiʼi te kau fai faka mafola ke nātou ʼaʼahi fakavilivili ia nātou fuli ʼaē neʼe nātou toʼo te tohi Te ʼAtamai Mālama.
20 min: “E Feafeaʼi Hatatou Fai He ʼu Tisipulo ʼAki Te Tohi Te ʼAtamai Mālama.” Fai he ʼu ʼuluaki palalau nounou ʼo fakatafito ki te palakalafe 1 ki te 2. Talanoa ki te palakalafe 3 ki te 11 ʼo fai ʼaki te ʼu fehuʼi pea mo te ʼu tali. Fakamahino kia nātou ʼaē ʼe ʼi te fono ko te ʼu palakalafe ʼaē ʼe kei toe ke vakaʼi, ʼe hoki vakaʼi anai ʼi te Fono Gāue ʼo Sūlio pea mo ʼAukusito. Fakaloto mālohiʼi ia nātou fuli ke nātou taupau lelei tanatou pepa ʼaē ʼe ʼalutahi mo te minisitelio.
Katiko 92 pea mo te faikole fakaʼosi.
Vāhaʼa ʼe Kamata ʼi te 17 Sūnio
Katiko 157
10 min: Ko te ʼu logo ʼo te kokelekasio. Te Tali Ki ʼAkotou ʼu Fehuʼi.
15 min: “Ko Te ʼu Fai Palalau Fakakaumeʼa ʼe Feala Ke Lave Ki Te Loto.” ʼO fai ʼaki he ʼu fehuʼi pea mo he ʼu tali. Fakaafe he kaugā fai faka mafola e tahi peʼe lua ke nā fakamatala he ʼu meʼa neʼe hoko ʼe fakahā ai pe neʼe nā maʼu feafeaʼi he ʼu fua lelei ʼaki he ʼu fai palalau fakakaumeʼa.
20 min: “Tou Fakahā Te ʼAtamai Mālama ʼAē ʼe Ina Taki Ki Te Maʼuli Heʼegata.” (Palakalafe 6-7). Vakaʼi te palakalafe 8, pea mo faka maʼuhigaʼi te ʼu fakatuʼutuʼu ʼaē ʼo ʼuhiga mo te fai ʼo te ʼu ʼaʼahi: Koutou uga te hahaʼi ke nātou fia logo, ke kamata hanatou ako, mo koutou fai he ʼu fakatuʼutuʼu ke koutou toe liliu ʼo ʼaʼahi te hahaʼi ʼaia. ʼI te ʼosi vakaʼi fakanounou ʼo te palakalafe 6 pea mo te 7, fai he faʼifaʼitaki, ʼo fakahā ai peʼe feafeaʼi te kamata ʼo he ako Tohi-Tapu. Lau te palakalafe 17 ʼi te pasina 14 ʼo Te Tule Leʼo ʼo te ʼaho 15 ʼo Sanualio 1996.
Katiko 211 pea mo te faikole fakaʼosi.
Vāhaʼa ʼe Kamata ʼi Te 24 Sūnio
Katiko 151
10 min: Ko te ʼu logo ʼo te kokelekasio. Fakahā te ʼu fakatuʼutuʼu makehe ʼo ʼuhiga mo te fai faka mafola ʼi te ʼaho 4 ʼo Sūlio.
15 min: Ko te ʼu logo ʼe ʼaoga ki te kokelekasio. (Peʼe fai he akonaki ʼo fakatafito ki Te Tule Leʼo ʼo te ʼaho 1 ʼo Sanualio 1996, ʼi te pasina 29 ki te 31 ko tona kupu tāfito “Tou Fakaʼaogaʼi Fakalelei Te Folafola ʼo Te Moʼoni.”)
20 min: “Tou Tokoni Kia Nātou ʼAē Kua Lotovaivai Ke Nātou Toe Kau Ki Te Gāue.” Ko te akonaki ʼe fai e he tagata ʼāfea pea mo fai palalau mo nātou ʼaē ʼe ʼi te fono. Fakahā ʼe ʼaoga ke fakaʼaogaʼi te alatike ʼo Te Tule Leʼo fakafalani ʼo te ʼaho 1 ʼo ʼAukusito 1992, ko tona kupu tāfito “Koutou liliu mai kia te ʼau, pea ʼe ʼau toe liliu atu anai kia koutou,” ʼaē ʼe ina fakaloto mālohiʼi te hahaʼi ʼaē ʼe mole kei fai faka mafola. Talanoa ki te ʼu puani tāfito.
Katiko 43 pea mo te faikole fakaʼosi.