Ko Te ʼu Fono Gāue ʼo ʼAukusito
Vāhaʼa ʼe Kamata ʼi Te 5 ʼAukusito
Katiko 29
10 min: Ko te ʼu logo ki te kokelekasio. Te ʼu Tonu neʼe toʼo mai Te Minisitelio ʼo Te Puleʼaga. Fakahā te ʼu fakatuʼutuʼu ʼo ʼuhiga mo te fai faka mafola ʼi te ʼaho 15 ʼo ʼAukusito.
20 min: “ ʼAua Naʼa Tou Vaivai ʼi Te Tala ʼo Te Logo Lelei.” Ko he akonaki pea mo he fai palalau mo nātou ʼi te fono. ʼO kau kiai mo te manatu ʼe tuʼu ʼi te tohi Auxiliaire pour une meilleure intelligence de la Bible, pasina 1216, palakalafe 7.
15 min: “Tou Tala Te Logo Lelei ʼo Te Puleʼaga ʼAki Te ʼu Kaupepa.” (Palakalafe 1 ki te 5) Fakaʼaogaʼi te ʼuluaki palakalafe ʼi te kamataʼaga ʼo te akonaki. Fai he fakaloto mālohi ʼo ʼuhiga mo te ʼu fealagia ʼi te fakaʼaogaʼi ʼo te kaupepa Mauli Heegata Ite Kele pea mo te kaupepa Kote puleaga ae ka ina fakatuu anai te Palatiso ʼi te minisitelio. Fai he ʼu faʼifaʼitaki e fā, ʼe fakahā ai peʼe feafeaʼi te kamata ʼo he ʼuluaki fai palalau, pea mo te ʼu ʼaʼahi ʼaē ʼe feala ke fai ʼaki te ʼu kaupepa ʼaia. Ko he kaugā fai faka mafola tūpulaga ʼe ina fai he faʼifaʼitaki ʼo ʼuhiga mo te tufa ʼo te kaupepa Mauli Heegata Ite Kele, pea ʼe tokoni ki ai tana ʼu mātuʼa. ʼE feala ke mulimuli te ʼu kaugā fai faka mafola ki te ʼu faʼifaʼitaki ʼaē ʼe tuʼu ʼi te alatike mokā nātou fakahā he tahi ʼu kaupepa.
Katiko 165 pea mo te faikole fakaʼosi.
Vāhaʼa ʼe Kamata ʼi Te 12 ʼAukusito
Katiko 204
15 min: Ko te ʼu logo ki te kokelekasio. Lau te falā. Fai he akonaki fakaloto mālohi ʼo ʼuhiga mo te alatike “Te ʼu Faʼahiga Meʼa ʼOfa Kehekehe,” ʼi Te Tule Leʼo Fakafalani ʼo te ʼaho 1 ʼo Tesepeli 1993, ʼi te pasina 29 ki te 31.
15 min: “Tou Tala Te Logo Lelei ʼo Te Puleʼaga ʼAki Te ʼu Kaupepa.” (Palakalafe 6 ki te 8) Fai he fakamatala fakanounou ʼo te ʼu puani ʼaē ʼe talanoa kiai te kaupepa Kote puleaga. Fai te ʼu faʼifaʼitaki ʼaē ʼe tuʼu ʼi te alatike ʼo ʼuhiga mo te fai ʼo te ʼuluaki palalau pea mo te fai ʼo te ʼaʼahi. Fakaloto mālohiʼi ia nātou fuli ke nātou ʼaʼahi ia nātou ʼaē neʼe nātou tuku kiai te ʼu kaupepa.
15 min: “Ko Te ʼu Meʼa ʼOfa ʼe Lagolago Ki Te Gāue Faka Malamanei ʼa Te Sosiete.” Ko te akonaki fakafiafia ʼe fai e he tagata ʼāfea. ʼO fakahā ai mo te tuputupu ʼo te gāue ʼo te Puleʼaga ʼi te ʼu fenua ʼaē ʼe tuʼu ʼi te alatike, ohage ko tona fakamatala ʼi te Annuaire.
Katiko 143 pea mo te faikole fakaʼosi.
Vāhaʼa ʼe Kamata ʼi Te 19 ʼAukusito
Katiko 174
10 min: Ko te ʼu logo ki te kokelekasio. Vakaʼi te alatike Te Tali Ki ʼAkotou ʼu Fehuʼi.
15 min: “Ko Ai Koa ʼAē ʼe Feala Ke Kau Ki Te Fai Faka Mafola?” Ko he tagata ʼāfea ʼe fai palalau ki te alatike mo he ʼu kaugā fai faka mafola e toko lua peʼe toko tolu. Fakahā ʼe tou maʼu te faʼahiga ako ʼe mole hona fakatatau, pea ʼe tou maʼu katoa te ʼu meʼa ʼaē ʼe ʼaoga ki te ʼu minisi ʼa te ʼAtua. ʼE mole tonu ke tou manatu ʼe mole tou faiva ʼi te fai faka mafola.
20 min: “E Feafeaʼi Hatatou Fai He ʼu Tisipulo ʼAki Te Tohi Te ʼAtamai Mālama.” Fai palalau mo nātou ʼi te fono ki te palakalafe 17 ki te 26 ʼo te pepa ʼe ʼalutahi mo Te Minisitelio ʼo Te Puleʼaga ʼo Sūnio 1996. Fai he fakatuʼutuʼu fakatomuʼa ke feala he fakahā ʼo he ʼu meʼa neʼe hoko ʼi te telituale ʼe nātou ʼaē ʼe nātou fai te ʼu ako ʼaki te tohi Te ʼAtamai Mālama. ʼE feala ke nātou fakahā he ʼu manatu ʼe ʼaoga ʼo ʼuhiga mo te ʼu tokoni neʼe nātou mulimuli kiai ʼi te pepa, pea neʼe tokoni feafeaʼi te ʼu manatu ʼaia kia nātou ke nātou fai he ako Tohi-Tapu ʼe tuputupu māmālie. Fakaloto mālohiʼi ia nātou fuli ke nātou taupau te pepa ʼaia ʼaē ʼe ʼalutahi mo te minisitelio, pea ke nātou toe vakaʼi mokā nātou kamata he ako foʼou.
Katiko 10 pea mo te faikole fakaʼosi.
Vāhaʼa ʼe Kamata ʼi Te 26 ʼAukusito
Katiko 79
10 min: Ko te ʼu logo ki te kokelekasio. Vakaʼi te alatike “Ko Te Polokalama Foʼou ʼo Te Fakatahi Makehe ʼAē ʼe ʼAho Tahi.”
20 min: Koutou Tokaga Ki Te Ako ʼo Takotou ʼu Tamaliki. Ko te akonaki ʼe fai e he tagata ʼāfea. Vakaʼi te ʼu meʼa ʼaē ʼe talanoa kiai te kaupepa Les Témoins de Jéhovah et lʼinstruction, pasina 2 ki te 5, ʼaē ʼe fakahā ai pe koʼe ʼe tou leleiʼia te ako ʼaē ʼe foaki ʼi te faleako. Fakahā peʼe feafeaʼi te fakamahino fakapotopoto ki te kau faiako te tupuʼaga ʼo tatatou taupau he ʼu fakatuʼutuʼu fakalaumālie, kae mole tou mulimuli ki te ʼu fakatuʼutuʼu fakamālama. ʼO kau kiai te ʼu puani ʼaē ʼe tuʼu ʼi te pasina 31, ko tona kupu “Conclusion.” Fakaloto mālohiʼi te ʼu mātuʼa ke nātou mulimuli ki te ʼu manatu ʼaē ʼe tuʼu ʼi te Réveillez-vous! ʼo te ʼaho 8 ʼo Sepetepeli 1988, pasina 11.
15 min: Vakaʼi te tohi ʼaē ʼe tufa ʼi Sepetepeli. ʼE tou fakaʼaogaʼi anai te tohi Te tagata ʼaē ʼe lahi tokotahi ʼo te ʼu temi fuli. ʼI te māhina ʼo Fepualio, neʼe foaki mai kia tatou te ʼu tokoni lelei ʼo ʼuhiga mo te tufa ʼo te tohi ʼaia. Talanoa fakanounou ki he ʼu manatu ʼe feala ke mulimuli kiai te ʼu kaugā fai faka mafola ʼi te ʼAhotapu ka haʼu. Ko he kaugā fai faka mafola ʼe faiva ʼe ina fai he faʼifaʼitaki fakanounou moʼo fakahā ʼo te tohi Te tagata ʼaē ʼe lahi tokotahi.
Katiko 113 pea mo te faikole fakaʼosi.