Te ʼu Tonu

◼ Te ʼu tohi ʼaē ʼe tufa ʼi Sepetepeli: Te tagata ʼaē ʼe lahi tokotahi ʼo te ʼu temi fuli ki te 400. ʼOketopeli: Ko te apone ki Te Tule Leʼo peʼe ki te Réveillez-vous!, peʼe ki te ʼu nusipepa ʼaia e lua, ki te foʼi 1 000 te apone e tahi. Novepeli: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. ʼE fai anai he faiga makehe moʼo ʼaʼahi ʼo nātou fuli ʼaē ʼe nātou toʼo te tohi, ʼaki te fakatuʼutuʼu ʼaē ke kamata he ʼu ako Tohi-Tapu. Tesepeli: Te ʼu Koga ʼo Te ʼu Tohi Faka Keleka Faka Kilisitiano mo te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 450.

◼ Ko te tagata taupau pelesita peʼe ko he tahi neʼe ina hinoʼi, ʼe tonu ke ina lau te falā ʼo te kokelekasio ʼi te ʼaho 1 ʼo Sepetepeli peʼe fai fakavilivili ʼi te hili ʼo te ʼaho ʼaia. ʼE fakahā anai ki te kokelekasio mokā ʼosi fai te faʼahi ʼaia.

◼ Ko te kau fai faka mafola ʼaē ʼe nātou fakatuʼutuʼu ke nātou pionie vaeluaʼi temi ʼi ʼOketopeli, ʼe tonu ke nātou foimo fai tanatou pepa pionie. Ko te faʼahi ʼaia ʼe faka fealagia anai ki te ʼu tagata ʼāfea ke nātou fai he ʼu fakatuʼutuʼu ʼo ʼuhiga mo te ʼu nusipepa, te ʼu tohi pea mo te telituale.

◼ ʼE fakamanatuʼi ki te kau tagata ʼāfea ke nātou mulimuli ki te ʼu tokoni ʼaē ʼe tuʼu ʼi Te Tule Leʼo Fakafalani ʼo te ʼaho 15 ʼo ʼApelili 1991 ʼi te pasina 21 ki te 23 ʼo ʼuhiga mo he tahi neʼe fakamavae ʼi te kokelekasio pe neʼe mavae ʼi tona loto tokotahi, e lagi ʼe ina fakahā ʼe toe fia liliu mai ki te kokelekasio.