Te ʼu Tonu

◼ Te tohi ʼaē ʼe tufa ʼi Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. ʼApelili pea mo Maio: Ko te kaupepa Koteā ʼAē ʼe Fakamaʼua Mai e Te ʼAtua Kia Tatou? ki te 50. ʼE toe feala foki ke tou tufa Te Tule Leʼo pea mo te Réveillez-vous! moʼo fai ʼo he ʼu apone. ʼE feala ke toe tufa mo te kaupepa foʼou Koteā ʼAē ʼe Fakamaʼua Mai e Te ʼAtua Kia Tatou? ki te 50. Sūnio: Ko te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. Tou faiga ke tou kamata he ʼu ako Tohi-Tapu.

◼ Ko te tagata taupau pelesita peʼe ko he tahi neʼe ina hinoʼi, ʼe tonu anai ke ina vakaʼi te falā ʼo te kokelekasio ʼi te ʼaho 1 ʼo Malesio peʼe ina foimo fai ʼi te hili pe ʼo te ʼaho ʼaia. ʼE fakahā anai ki te kokelekasio mokā ʼosi fai te faʼahi ʼaia.

◼ ʼE fai anai te akonaki makehe ʼi te temi ʼo te ʼAho Fakamanatu ʼo te taʼu ʼaenī ʼi te ʼu kokelekasio fuli, ʼi te ʼAhotapu, ʼaho 6 ʼo ʼApelili. Koʼeni te kupu tāfito ʼo te akonaki “Tou Nonofo Maʼa Mai Te ʼu Meʼa ʼUli ʼo Te Malamanei.” ʼE tonu ke tou ʼolo fuli ʼo fakalogo ki te akonaki ʼaia, pea ʼe tonu ke tou tokoni ki te ʼu hahaʼi ʼaē ʼe fia logo ki te moʼoni pea neʼe ʼōmai ki te ʼAho Fakamanatu, ke feala hanatou ʼōmai ʼo fakalogo ki te akonaki ʼaia. ʼE mahino ia ko te ʼu meʼa ʼaē ka tou logo kiai, ʼe nātou fakamālohiʼi anai tatatou faiga ʼaē ke leleiʼia tatou e te ʼAtua.

◼ Ke feala he tāʼofi e te ʼu Ako Tohi ʼo te kokelekasio te ʼu puani ʼo te tohi Te tagata ʼaē ʼe lahi tokotahi, ʼe lelei ke koutou vakaʼi te ʼu tokoni lelei ʼaē ʼe tuʼu ʼi Te Minisitelio ʼo Te Puleʼaga ʼo Sepetepeli 1996 ʼi te pasina 1. ʼE fakamahino mai e te alatike ʼaia peʼe feafeaʼi te teuteuʼi ʼo te ʼu kapite pea mo te faʼahiga fai ʼo te Ako Tohi ʼo te kokelekasio. Ko te ʼu tēhina ʼaē ʼe nātou fai te ʼu Ako Tohi pea mo nātou fuli ʼaē ʼe kau kiai, ʼe nātou maʼu anai he fua lelei ʼi tanatou toe vakaʼi ia te alatike ʼaia.

◼ ʼI te ʼu fenua fuli, ʼi te ʼu temi kehekehe ʼi te lolotoga ʼo te taʼu, ʼe ʼi ai te ʼu ʼaho mālōlō ʼe mole ako ai te tamaliki pea ʼe mālōlō ai te hahaʼi gāue. ʼE ko he ʼu fealagia lelei ʼaia ki te kokelekasio ke ina fakatuputupu tana kau ki te minisitelio. ʼE tonu ke teuteuʼi fakatomuʼa e te ʼu tagata ʼāfea he ʼu fakatuʼutuʼu ʼo ʼuhiga mo te ʼu ʼaho mālōlō ʼaia, pea mo fakahā fakatomuʼa ki te kokelekasio te ʼu fakatuʼutuʼu ʼaē neʼe fai ʼo ʼuhiga mo te fai faka mafola ʼi te ʼu temi mālōlō.