Ko Te ʼu Fono Gāue ʼo ʼApelili
Vāhaʼa ʼe Kamata ʼi Te 7 ʼApelili
Katiko 48
12 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Talanoa ki te ʼu puani ʼo te ʼu nusipepa foʼou.
15 min: “Kua Maʼu Te Tahi ʼu Tisipulo Foʼou.” ʼO fai ʼaki te ʼu fehuʼi pea mo te ʼu tali. Vakaʼi te ʼu manatu tāfito ʼo Te Tule Leʼo ʼo te ʼaho 15 ʼo ʼAukusito 1993, pasina 12 ki te 17.
18 min: “Tou Tokoni Ki Te Hahaʼi ʼAē ʼe Mole Heʼeki Fakapotopoto Ke Nātou Mahino.” ʼO fai ʼaki te ʼu fehuʼi pea mo te ʼu tali. Vakaʼi te ʼu agaaga ʼo te kaupepa Fakamaʼua: ʼe faigafua te faʼahiga fai ʼo te ako, mo te ʼu fehuʼi ʼe lelei, mo te ʼu paki matalelei, pea mo te ʼu tuʼuga vaega faka Tohi-Tapu. Tou fakatuʼutuʼu ke tou kamata he ʼu ako Tohi-Tapu ʼo hoko atu kiai mo te ako ʼo te tohi Te ʼAtamai Mālama. Ko he kaugā fai faka mafola kua māhani ʼe ina fai he faʼifaʼitaki ʼo fakahā ai peʼe feafeaʼi te kamata ʼo te ako Tohi-Tapu ʼo ina fakaʼaogaʼi te manatu ʼaē ʼe tuʼu ʼi te palakalafe 4. Fakaloto mālohiʼi te ʼu mātuʼa fuli ʼo te kokelekasio ke nātou ako te kaupepa mo tanatou ʼu tamaliki liliki.
Katiko 72 pea mo te faikole fakaʼosi.
Vāhaʼa ʼe Kamata ʼi Te 14 ʼApelili
Katiko 107
10 min: Ko te ʼu logo ʼo te kokelekasio. Lau ʼo te falā. Kapau ʼe maʼu he temi, koutou fakamatala fakanounou te ʼu meʼa ʼaē neʼe fai e te kokelekasio moʼo tufa ʼo te kaupepa Fakamaʼua pea mo kamata he ʼu ako Tohi-Tapu.
15 min: “Tou Taki Te Kau Ako Ki Te Kautahi ʼa Te Kau Fakamoʼoni ʼa Sehova.” (Palakalafe 1 ki te 6) ʼO fai ʼaki te ʼu fehuʼi pea mo te ʼu tali. Tou lau te palakalafe 5 ki te 6 pea mo tou fakaʼaogaʼi te ʼu vaega faka Tohi-Tapu. Tou fakamatala te ʼu meʼa ʼaē neʼe hoko ʼi te sio ʼa nātou ʼaē ʼe ako Tohi-Tapu ki te foʼi fime viteo Les Témoins de Jéhovah : un nom, une organisation.
20 min: “Tou Ako Ki Te Hahaʼi Te ʼu Meʼa ʼAē ʼe Fakamaʼua Mai e Te ʼAtua Kia Tatou.” Fai palalau mo nātou ʼaē ʼe ʼi te fono ki te palakalafe 1 ki te 4. Fai he ʼu faʼifaʼitaki ʼo mulimuli ki te palakalafe 5, ʼo fakaʼaogaʼi te ʼu ʼaluʼaga e fā—ʼi te ala, ʼi te ʼu ʼapi, ʼi te fale koloā, pea ʼi te lotoʼā. Fakamanatuʼi ki te ʼu kaugā fai faka mafola fuli ke nātou toʼo te ʼu kaupepa pea mo te ʼu nusipepa ʼaē ʼe ʼaoga ki te gāue fai faka mafola, ʼi muʼa ʼo tanatou mavae ʼi te Fale ʼo te Puleʼaga ʼi te afiafi ʼaenī.
Katiko 70 pea mo te faikole fakaʼosi.
Vāhaʼa ʼe Kamata ʼi Te 21 ʼApelili
Katiko 113
15 min: Ko te ʼu logo ʼo te kokelekasio. Fakamahino ki te ʼu tēhina pea mo tuagaʼane ʼe mole heʼeki tauhala tanatou tohi te pepa ʼo ʼuhiga mo te gāue pionie vaeluaʼi temi ʼi Maio. Vakaʼi te alatike Te Tali Ki ʼAkotou ʼu Fehuʼi, pea mo fakahā ki te kokelekasio ʼe kei toe te ʼu tohi moʼo fakakatoa te tānakiʼaga tohi ʼo te Fale ʼo te Puleʼaga.
15 min: “Tou Taki Te Kau Ako Ki Te Kautahi ʼa Te Kau Fakamoʼoni ʼa Sehova.” (Palakalafe 7 ki te 14) ʼO fai ʼaki te ʼu fehuʼi pea mo te ʼu tali. Ko he kaugā fai faka mafola kua māhani ʼe ina fakahā peʼe feafeaʼi te fai palalau fakahagatonu mo he tahi ʼe ako Tohi-Tapu, ki te maʼuhiga ʼaē ke kau ki te ʼu fono.
15 min: Tou Fakaʼaogaʼi Fakalelei Tatatou ʼu Nusipepa. Ko he akonaki ʼe fai e te tagata ʼāfea. (Vakaʼi Te Minisitelio ʼo Te Puleʼaga ʼo Sepetepeli 1995, ʼi te pasina 3 ki te 5.) Neʼe fakatokagaʼi te meʼa ʼe tautau hoko ʼi te ʼu kokelekasio, ʼe lahi fau te ʼu nusipepa ʼaē ʼe nātou fakaʼui, ka mole lahi tanatou tufa ʼi te māhina fuli. ʼE lau ko te 50 ʼi te teau neʼe mole nātou tufa he ʼu nusipepa. (Fakahā te ʼu meʼa ʼo ʼuhiga mo te kokelekasio.) Koteā te meʼa ʼaē ʼe hoko ki te ʼu nusipepa ʼaia? ʼE lahi te ʼu nusipepa ʼe tānaki ʼi te ʼu puha, peʼe līaki. Koteā te meʼa ʼaē ʼe feala ke fai ke ʼaua naʼa hoko te faʼahi ʼaia? Koutou fakamāmāhani ʼi te tufa ʼo te ʼu nusipepa ki te hahaʼi fuli ʼaē ʼe felāveʼi mo koutou. ʼAua naʼa koutou līaki te ʼu nusipepa ʼaē kua ʼāfea. Koutou fai he fakatuʼutuʼu takitokotahi peʼe ko nusipepa e fia ʼaē ʼe feala ke koutou tufa ʼi te māhina, pea mo koutou faiga ke hoko takotou fakatuʼutuʼu ʼaia. Koutou foimo lau te ʼu nusipepa ʼi te temi ʼaē ʼe koutou maʼu ai, pea mo koutou fakakaukauʼi te ʼu ʼaluʼaga foʼou ʼaē ʼe feala ke koutou fakahā ai ʼi te fai faka mafola. Koutou kau tuʼumaʼu ki te tufa ʼo te ʼu nusipepa.
Katiko 92 pea mo te faikole fakaʼosi.
Vāhaʼa ʼe Kamata ʼi Te 28 ʼApelili
Katiko 121
15 min: Ko te ʼu logo ʼo te kokelekasio. Fakamanatuʼi ki te ʼu kaugā fai faka mafola fuli ke nātou foaki tanatou pepa tānaki gāue ʼo te māhina ʼo ʼApelili. Fakahā te ʼu higoa ʼo nātou ʼaē ʼe pionie vaeluaʼi temi ʼi Maio. Fakahā te tahi ʼu fakatuʼutuʼu ʼe fai e te kokelekasio ʼo ʼuhiga mo te fai faka mafola. Lolotoga te māhina ʼo Maio ʼe tonu anai ke fai he fakatuʼutuʼu moʼo ʼaʼahi ia nātou ʼaē neʼe nātou toʼo te ʼu nusipepa, ʼo tou fakatuʼutuʼu ke tou kamata he ʼu ako Tohi-Tapu. Talanoa fakanounou ʼo ʼuhiga mo tatatou faʼahiga kole fakapotopoto ʼo te higoa pea mo te tuʼasila ʼo te hahaʼi ʼaē ʼe palalau mo tatou ʼi te fagonogono faigamālie. ʼE feala ke koutou ʼuluaki fakahā age tokotou higoa pea mo tokotou tuʼasila pea mo koutou kole kia nātou tonatou numelo telefoni ke koutou faka felogoi ai mo nātou. Fakaafe ia nātou ʼaē ʼi te fono ke nātou fakahā he ʼu puani neʼe nātou fakatokagaʼi ʼe lelei ʼi te fagonogono faigamālie.
15 min: “He Koʼe ʼe Nātou Fai Te Gāue ʼAia?” Ko te tagata ʼāfea ʼe talanoa anai ki te alatike mo he ʼu pionie katoa e toko lua peʼe toko tolu. (Kapau ʼe mole ʼi ai he ʼu pionie katoa, ʼe feala ke fakaʼaogaʼi niʼihi ia nātou ʼaē ʼe nātou tautau pionie vaeluaʼi temi.) ʼO fakapipiki kiai te ʼu manatu ʼo te alatike ʼo Te Tule Leʼo Fakafalani ʼo te ʼaho 15 ʼo Sanualio 1994 ko tona kupu tāfito “Ko Te Kau Pionie ʼe Nātou Foaki Pea ʼe Nātou Maʼu Te ʼu Tapuakina.” ʼE nātou fakamatala pe koʼe neʼe nātou pionie. Fehuʼi kia nātou ke nātou fakamatala pe neʼe feafeaʼi tonatou tapuakina ʼi tanatou fai te gāue ʼaia.
15 min: Ko te ʼu logo ʼe ʼaoga ki te kokelekasio. ʼE feala ke fakaʼaogaʼi e te ʼu tagata ʼāfea te temi ʼaia moʼo fakahā he logo ʼo ʼuhiga mo he meʼa ʼe ʼaoga ki te kokelekasio.
Katiko 129 pea mo te faikole fakaʼosi.