Ko Te ʼu Fono Gāue ʼo Maio
Vāhaʼa ʼe Kamata ʼi Te 5 ʼo Maio
Katiko 72
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga. Fakahā te ʼu fakatuʼutuʼu makehe ki te fai faka mafola ʼi te Felianima, ʼaho 8 ʼo Maio.
12 min: “Tou Muliʼi Tuʼumaʼu Ia Sesu.” ʼO fai ʼaki he ʼu fehuʼi pea mo he ʼu tali. Fakamatala te meʼa ʼaē neʼe hoko, ʼe tuʼu ʼi Te Tule Leʼo ʼo te ʼaho 1 ʼo Sūnio 1993, ʼi te pasina 12.
23 min: “Tou Tokaga Fakamalotoloto Kia Nātou Fuli ʼAē ʼe Nātou Fia Logo.” Fai palalau mo nātou ʼaē ʼe ʼi te fono. Fakatokagaʼi te maʼuhiga ʼo te taupau ʼo te fia logo ʼa te hahaʼi. Koutou fakahā he ʼu faʼahiga fai fakapotopoto moʼo kole te tuʼasila ʼo nātou ʼaē ʼe tou fetaulaki mo nātou ʼi te ʼu potu kaugamālie, ke feala hatatou fagonogono kia nātou ki muli age. Ko he ʼu kaugā fai faka mafola kua māhani ʼe nā fai he ʼu faʼifaʼitaki e lua ʼaē ʼe tuʼu ʼi te ʼu palakalafe 6 ki te 9. Toe vakaʼi te talanoa ʼaē e tuʼu ʼi te alatike “Koteā ʼAē ʼe Tonu Ke Koutou Fai Ke Fua Lelei Ai Takotou ʼu ʼAʼahi,” ʼi te pasina 3 ʼo te pepa ʼaē ʼe ʼalutahi mo Te Minisitelio ʼo Te Puleʼaga ʼo Malesio 1997. Fakaloto mālohiʼi ia nātou fuli ʼo te fale fono ke nātou fakatuʼutuʼu he temi ʼi te ʼu vāhaʼa fuli ke fai ai te ʼu ʼaʼahi.
Katiko 151 pea mo te faikole fakaʼosi.
Vāhaʼa ʼe Kamata ʼi te 12 ʼo Maio
Katiko 211
10 min: Ko te ʼu logo ʼo te kokelekasio. Lau ʼo te falā. Fakahā te ʼu fakatuʼutuʼu makehe ki te fai faka mafola ʼi te Mōnite, ʼaho 19 ʼo Maio.
15 min: Te Tali Ki ʼAkotou ʼu Fehuʼi. Ko he akonaki ʼe fai e he tagata ʼāfea.
20 min: Ko he akonaki e fai e te Sikalaipe ʼo te kokelekasio ʼo fakatafito ki te tohi Organisés pour bien remplir notre ministère, ʼi te pasina 106 ki te 108, “Te tupuʼaga ʼo te fai ʼo te ʼu pepa tānaki.” Faka ʼalutahi te faʼahi ʼaia mo te ʼu meʼa ʼaē ʼe ʼaoga ki te kokelekasio. Fakamahino pe koʼe ʼe maʼuhiga ke foaki te pepa tānaki ʼo tatatou gāue ʼi te ʼu māhina fuli, pea mo te meʼa ʼaē ʼe feala ke fai e he kaugā fai faka mafola mo kapau neʼe galo ke ina foaki tautonu tana pepa tānaki. Fakahā te fua lelei ʼo te tohi ʼo tatatou gāue ʼi te ʼaho fuli, kae mole ʼi te fakaʼosi ʼo te māhina. Foaki he tahi age ʼu fakamanatu ʼe ʼaoga.
Katiko 43 pea mo te faikole fakaʼosi.
Vāhaʼa ʼe kamata ʼi te 19 ʼo Maio
Katiko 181
10 min: Ko te ʼu logo ʼo te kokelekasio.
20 min: “Tou Fai He ʼu Ako Tohi-Tapu ʼe Tuputupu.” Ko he fai palalau ʼa he tēhina kua māhani mo he kaugā fai faka mafola e tahi peʼe lua ʼe fua lelei tana ʼu ako. ʼO nātou fakaʼaogaʼi ohage ko he ʼu faʼifaʼitaki te ʼu koga ʼo te tohi Te ʼAtamai Mālama, ʼe nātou fakamatala te ʼu faʼahiga fai ʼo te ako ʼaē ʼe tokoni kia nātou ke tuputupu tuʼumaʼu te ako, pea mo nātou ʼiloʼi te meʼa ʼaē ʼe ako moʼoni e ia ʼaē ʼe ako.—Vakaʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo Sūnio 1996, te ʼu palakalafe 5, 8, 12, pea mo te 21.
15 min: Ko te ʼu logo ʼe ʼaoga ki te kokelekasio, peʼe ko he akonaki ʼe fakatafito ki te alatike “Tou Tokaga Ki Totatou Loto Fale—ʼE Faigataʼa Tona Fakahoko ʼi Te ʼu Fenua Masiva,” ʼi Te Tule Leʼo ʼo te ʼaho 1 ʼo ʼOketopeli 1996, pasina 29 ki te 31.
Katiko 165 pea mo te faikole fakaʼosi.
Vāhaʼa ʼe kamata ʼi te 26 ʼo Maio
Katiko 204
15 min: Ko te ʼu logo ʼo te kokelekasio. Toe vakaʼi te tohi ʼaē ʼe tufa ʼi Sūnio. Fakaʼaogaʼi te tohi Te ʼAtamai Mālama, fakamahino peʼe lava fakaʼaogaʼi feafeaʼi te ʼu manatu ʼo te ʼu palakalafe 17 ki te 19 ʼo te pasina 10 mo te 11 moʼo teuteuʼi he faʼifaʼitaki nounou. Fakaloto mālohi ia nātou fuli ʼi te fono ke nātou faiga ke nātou kamata he ʼu ako Tohi-Tapu. Fakatokagaʼi te ʼaoga ʼaē ke tokoni ki te hahaʼi ʼaē ʼe nātou fia logo ki te moʼoni ke vave tanatou tuputupu.—Vakaʼi Te Tule Leʼo ʼo te ʼaho 15 ʼo Sanualio 1996, ʼi te pasina 13 ki te 14.
12 min: “He Koʼe Koa ʼe Tonu Ke Hoko Atu Tatatou Toe Liliu Ki Te Hahaʼi?” ʼO fai ʼaki he ʼu fehuʼi mo he ʼu tali. Fakaʼaogaʼi te ʼu puani ʼaē ʼe tuʼu ʼi te talanoa ʼo te pasina 570 ʼo te tohi Prédicateurs.
18 min: Ko te ʼu logo ʼe ʼaoga ki te kokelekasio. Ko he akonaki ʼe fai e he tagata ʼāfea pe ko he ʼu tagata ʼāfea ʼe toko lua, ʼe nā palalau ki te meʼa ʼaē ʼe ʼaoga ki te kokelekasio ʼi te faʼahi fakalaumālie. Koutou foaki he tokoni faka Tohi-Tapu pea mo he ʼu manatu ʼe ʼaoga moʼo hikihiki te ʼaluʼaga.
Katiko 174 pea mo te faikole fakaʼosi.