Te ʼu Tonu

◼ Te tufa ʼo Sepetepeli: Te tohi Te ʼAtamai Mālama. ʼOketopeli: Ko Te Tule Leʼo mo te Réveillez-vous! ʼE feala ke koutou apone ia nātou ʼaē ʼe koutou ʼaʼahi ʼaē ʼe nātou fia ʼiloʼi te moʼoni. ʼO kamata ʼi te fakaʼosi ʼo te māhina, ʼe tufa anai te kiʼi pepa lotu Te ʼu Logo ʼo Te Puleʼaga N° 35. Novepeli: ʼE hoko atu anai te tufa ʼo Te ʼu Logo ʼo Te Puleʼaga N° 35. Ko te ʼu kokelekasio ʼaē kua nātou fai fuli tanatou telituale, ʼi tanatou palalau mo te hahaʼi fuli ʼo te ʼu loto fale peʼe ko nātou ʼaē neʼe nātou tuku kiai te kiʼi pepa lotu Te ʼu Logo ʼo Te Puleʼaga N° 35, ʼe feala ke nātou foaki age te tohi Te ʼAtamai Mālama.

◼ Ko te tagata taupau pelesita peʼe ko he tahi neʼe ina hinoʼi, ʼe tonu ke ina lau te falā ʼo te kokelekasio ʼi te ʼaho 1 ʼo Sepetepeli peʼe fai fakavilivili ʼi te hili ʼo te ʼaho ʼaia. ʼE fakahā anai ki te kokelekasio mokā ʼosi fai te faʼahi ʼaia.

◼ Ko te ʼu fakatuʼutuʼu ʼo ʼuhiga mo te Solia ʼe ina fakamaʼua ke tohi te higoa ʼo te hahaʼi tagata fuli ʼaē ʼe taʼu 18. Ko nātou fuli ʼaē ʼe maʼua ke nātou fai te faʼahi ʼaia, ʼe tonu ke nātou vakaʼi fakavilivili te faʼahi ʼaia, ʼuhi ko te maʼua ʼo he Kilisitiano ki te ʼu pule māʼoluga. ʼE manatuʼi anai e te ʼu tagata ʼāfea te meʼa ʼaia pea mo nātou foaki he ʼu fakamanatu lelei ki te ʼu tēhina tūpulaga ʼaē ʼe nātou fakaaʼu ki tonatou taʼu 18. Ko te ʼu fehuʼi ʼo ʼuhiga mo te ʼu maʼua ʼo te kau Kilisitiano tūpulaga ʼo ʼuhiga mo te faʼahi ʼaia, ʼe feala ke tali kiai te ʼu tagata ʼāfea.

◼ ʼE fakamanatuʼi ki te kau tagata ʼāfea ke nātou mulimuli ki te ʼu tokoni ʼaē ʼe tuʼu ʼi Te Tule Leʼo Fakafalani ʼo te ʼaho 15 ʼo ʼApelili 1991 ʼi te pasina 21 ki te 23 ʼo ʼuhiga mo he tahi neʼe fakamavae ʼi te kokelekasio pe neʼe mavae ʼi tona loto tokotahi, pea ʼe lagi ʼe ina fakahā ʼe toe fia liliu mai ki te kokelekasio.

◼ Ko nātou ʼaē ʼe kau ki he kokelekasio, ʼe tonu ke nātou fai ʼi tonatou kokelekasio te ʼu apone foʼou peʼe ko te fakafoʼou ʼo te ʼu apone ki Te Tule Leʼo pea mo te Réveillez-vous!, ʼo kau ai mo tanatou ʼu apone totonu.

◼ ʼE mole ko te Sosiete ʼaē ʼe ina tohi te ʼu commandes ʼa te ʼu tēhina mo tuagaʼane. ʼE tonu ke fakatuʼutuʼu e te tagata taupau pelesita ke fakahā ʼi te māhina fuli ki te kokelekasio, ko te ʼu commandes ki te ʼu tohi, ʼe fakamomoli ʼi te māhina fuli ki te Sosiete, ke faka fealagia ai kia nātou ʼaē ʼe fia fai hanatou ʼu commandes, ke nātou ʼolo ki te tēhina ʼaē ʼe gāue ʼi te ʼu tohi. Koutou manatuʼi ko te ʼu tohi ʼe tonu ke fakaʼui.

◼ Mokā tohi te ʼu commandes ʼo te ʼu tohi, ʼe tonu ke manatuʼi e te ʼu kokelekasio ko te CD-ROM ʼo te Sosiete ʼe mole tonu ke tufa feiā pe. ʼE fakaʼaogaʼi tāfito e te ʼu kaugā fai faka mafola.

◼ Ko te “Tali Ki ʼAkotou ʼu Fehuʼi” ʼo Te Minisitelio ʼo Te Puleʼaga ʼo te māhina ʼo Maio 1997, neʼe ina fakatokagaʼi mai ke tou tokakaga ʼo ʼuhiga mo te fai faka mafola ʼa he tēhina mo he tuagaʼane. ʼE mole faka ʼuhiga e te faʼahi ʼaia ʼe mole feala ke gāue te ʼu tagata taupau peʼe ko ʼihi ʼu tēhina mo he ʼu tuagaʼane. Kae ko te manatu ʼaē neʼe fakahā ʼe mole ko he meʼa fakapotopoto ki he tēhina ke fai faka mafola tokotahi tuʼumaʼu mo he tuagaʼane ʼe mole ko hona kāiga.

◼ Te ʼu tohi foʼou ʼaē kua maʼu:

Un livre pour tous​—ʼI te lea Fakafalani pea mo Fakapilitānia.