Ko Te ʼu Fono Gāue ʼo Sepetepeli
Vāhaʼa ʼe Kamata ʼi Te 1 Sepetepeli
Katiko 26
10 min: Ko te ʼu logo ʼo te kokelekasio.
15 min: “Koutou Fakamuʼamuʼa Te ʼu Meʼa ʼAē ʼe Maʼuhiga Tāfito.” ʼO fai ʼaki te ʼu fehuʼi pea mo te ʼu tali. Kapau ʼe maʼu he temi, pea koutou palalau ki te manatu ʼaenī “Koutou fakatuʼutuʼu lelei te ʼu meʼa ʼaē ʼe maʼuhiga tāfito” ʼi te Réveillez-vous! Fakafalani ʼo te ʼaho 22 ʼo Fepualio 1987, ʼi te ʼu pasina 8 mo te 9.
20 min: “Tou Fakahā Te ʼAtamai Mālama ʼAē ʼe Ina Taki Ki Te Maʼuli Heʼegata.” Fai palalau ki te ʼu palakalafe 1 ki te 3 pea mo te 6 mo te 7. Fai he faʼifaʼitaki ʼo mulimuli ki te ʼu palakalafe 4 mo te 5. Koutou fakahā lelei te ʼu manatu moʼo fai ʼo ni ʼu tisipulo pea mo fakahoko te fakatuʼutuʼu ke kamata he ʼu ako Tohi-Tapu.
Katiko 107 pea mo te faikole fakaʼosi.
Vāhaʼa ʼe Kamata ʼi Te 8 Sepetepeli
Katiko 27
10 min: Ko te ʼu logo ʼo te kokelekasio. Lau te falā ʼo te kokelekasio.
10 min: Te ʼu meʼa ʼaē ʼe ʼaoga ki te kokelekasio.
10 min: “Ke Liliu Te Kau Ako ʼo Te Tohi-Tapu Ko He ʼu Tisipulo.” Ko te akonaki.
15 min: ʼE fai palalau te tagata ʼāfea mo he ʼu kaugā fai faka mafola kua māhani, ʼe nātou fai he ʼu ako Tohi-Tapu, ʼo fakatafito ki te kupu tāfito ʼaenī “Tou Uga Te Kau Ako Tohi-Tapu Ke Nātou Foaki Tonatou Maʼuli Ki Te ʼAtua Pea Mo Papitema” (ʼi te pepa ʼe ʼalutahi mo Te Minisitelio ʼo Te Puleʼaga ʼo Sūnio 1996, ʼi te ʼu palakalafe 20 ki te 22).
Katiko 15 pea mo te faikole fakaʼosi.
Vāhaʼa ʼe Kamata ʼi Te 15 Sepetepeli
Katiko 30
10 min: Te ʼu logo ʼo te kokelekasio. Fakahā te ʼu fakatuʼutuʼu makehe ʼo ʼuhiga mo te fai faka mafola ʼi te ʼaho 24 ʼo Sepetepeli.
20 min: Koutou fakaʼaogaʼi lelei te ʼu foʼi fime viteo. Koutou toe vakaʼi te ʼu manatu ʼo ʼuhiga mo te ʼu foʼi fime viteo ʼo te Sosiete pea mo koutou fakamatala he ʼu meʼa neʼe hoko ʼe fakahā ai peʼe feafeaʼi te fakaʼaogaʼi ʼo te ʼu foʼi fime viteo ʼi totatou famili pea ʼi tatatou minisitelio.
15 min: “Te Laga ʼo Te ʼu Fale ʼo Te Puleʼaga ʼi Te Malamanei Katoa.” ʼO fai ʼaki he ʼu fehuʼi mo he ʼu tali.
Katiko 149 pea mo te faikole fakaʼosi.
Vāhaʼa ʼe Kamata ʼi Te 22 Sepetepeli
Katiko 151
8 min: Te ʼu logo ʼo te kokelekasio.
17 min: Te faʼahiga fai moʼo kamata ʼo he fai palalau. ʼE fakalogo te fua lelei ʼo tatatou minisitelio ki te fealagia ʼaē ke tou kamata fai palalau mo te hahaʼi. Kapau ʼe feala ke tou ʼui he meʼa ʼe ina uga ai te hahaʼi ke nātou fagono, kua tou tauʼi te faigataʼaʼia lahi ʼi te fai faka mafola. Koutou fai palalau mo nātou ʼi te fono ki te ʼu puani ʼaoga ʼaē ʼe tuʼu ʼi te tohi Manuel pour l’École, ʼi te kapite 16, palakalafe 11 ki te 14. Koutou hinoʼi he ʼu kaugā fai faka mafola kua popoto pea mo faiva ʼi te kamata ʼo he ʼu ʼuluaki palalau ke nātou fakamatala te ʼu ʼuluaki palalau ʼaē ʼe nātou fakaʼaogaʼi mokā nātou palalau ki (1) he tahi ʼe haʼele ʼi te ala, (2) he tahi ʼi te kā, (3) he tahi ʼe gāue ʼi he fale koloā, (4) he tahi ʼi te tauʼaga motokā neʼe haʼu ʼo fai fakatau, (5) he tahi ʼi te ʼōloto, pea mo (6) he tahi neʼe fai faka mafola ki ai ʼi te telefoni.
20 min: Toe vakaʼi te Tānaki Gāue ʼo te Kokelekasio ʼo te taʼu 1997. ʼE fakamālo te tagata taupau ki te gāue lelei ʼa te kokelekasio, tāfito ʼi te ʼu māhina ʼo Malesio, mo ʼApelili, pea mo Maio. Fakahā he ʼu tokoni ʼo te kolesi ʼo te ʼu tagata ʼāfea pea mo te tānaki gāue fakamuli ʼo te tagata taupau moʼo fakatuputupu te gāue ʼi te fai faka mafola pea mo te ʼu ako Tohi-Tapu. Koutou faka maʼuhigaʼi he ʼu fakatuʼutuʼu ke fai ʼi te taʼu gāue foʼou, ʼo kau kiai te kamata pea mo te fai ʼo he ʼu ako Tohi-Tapu pea mo toʼo te selevisi pionie vaeluaʼi temi lolotoga te ʼu māhina ʼaē ʼe vāhaʼa nima—ʼaē ko Novepeli, mo Maio, pea mo ʼAukusito.
Katiko 113 pea mo te faikole fakaʼosi.
Vāhaʼa ʼe Kamata ʼi Te 29 Sepetepeli
Katiko 51
15 min: Te ʼu logo ʼo te kokelekasio. Koutou fakamanatuʼi kia nātou fuli ke nātou tuku tanatou ʼu pepa tānaki gāue. Koutou fakahā ʼe tou kamata ako anai te tohi Te ʼAtamai Mālama ʼi te vāhaʼa ka hoa mai ʼi te fono ʼo te ako tohi. Moʼo teuteu ia te tufa ʼo te ʼu nusipepa ʼi te māhina ʼo ʼOketopeli, koutou palalau ki te maʼua ʼaē ke “Koutou Sivi Fakalelei Tokotou Telituale,” “Koutou Fakamāmāhani Mo Te ʼu Nusipepa,” mo “Koutou Teuteuʼi Takotou ʼu ʼUluaki Palalau,” mo “Koutou Faka ʼAlutahi ʼAkotou Palalau Mo Te Meʼa ʼAē ʼe Fia Logo Kiai Te Hahaʼi,” pea mo “Tou Fetokoniʼaki” ʼe fakatāfito ki Te Minisitelio ʼo Te Puleʼaga ʼo ʼOketopeli 1996, pasina 8.
15 min: Koteā Te Meʼa ʼAē ʼe Tonu Ke Fai e He Kilisitiano Mokā ʼe Pāui Ia Ia Ke Kau Ki Te Kūtuga ʼe Nātou Fai He Tonu ʼi He Fai Fakamāu? Ko he akonaki ʼe fai e he tagata ʼāfea ʼo fakatafito ki Te Tule Leʼo ʼo te ʼaho 1 ʼo ʼApelili 1997, ʼi te ʼu pasina 27 ki te 29.
15 min: Koutou Faka Kolōlia Takotou Minisitelio. Ko te fai palalau mo nātou ʼi te fono ki te tohi Notre ministère, ʼi te ʼu pasina 82 ki te 84. Koutou fai te ʼu fehuʼi ʼaenī moʼo fakahā lelei te ʼu puani tāfito: (1) He koʼe ʼe ʼaoga kia tatou ke tou mulimuli ki te faʼifaʼitaki ʼa Sesu? (2) ʼE maʼuhiga feafeaʼi tatatou maʼua ʼaē ke tou fai faka mafola? (3) Koteā ʼaē neʼe ina uga tatou ke tou foaki totatou maʼuli kia Sehova? (4) Koteā te aga ʼaē ʼe fakamaʼua ki he tahi ʼe tauhi ki te ʼAtua? (5) Koteā ʼaē ʼe feala ke tou ako ʼaki te fai faka mafola ʼa Sesu?
Katiko 121 pea mo te faikole fakaʼosi.