Ko Te ʼu Fono Gāue ʼo Tesepeli
Vāhaʼa ʼe Kamata ʼi Te 1 Tesepeli
Katiko 25
10 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga.
15 min: “Tou Palalau ʼo ʼUhiga Mo Sehova ʼi Te ʼAho Fuli Pe.” Fai he ʼu fehuʼi mo he ʼu tali. ʼI te palakalafe 4, koutou talanoa ki te tohi Manuel pour l’École, ʼi te ako 16, te ʼu palakalafe 14 ki te 16.
20 min: “Te Tohi-Tapu—Ko He Takitaki Fakaʼatua Maʼa Te Hahaʼi Fuli.” Ko he tagata ʼāfea ʼe fai palalau ʼo ʼuhiga mo te alatike pea mo te ʼu tupuʼaga ʼaē ʼe tonu ke uga ai te hahaʼi fuli ke nātou vakaʼi te Tohi-Tapu. (Vakaʼi te kaupepa lahi Un livre pour tous, ʼi te ʼu pasina 30 pea mo 32.) Fakafehuʼi fakanounou he ʼu kaugā fai faka mafola e toko lua, pe neʼe nā teuteu feafeaʼi ke nā fakaʼaogaʼi te ʼu faʼifaʼitaki ʼaē ʼe tuʼu mai te ʼu palakalafe 3 ki te 8, mokā tonu ke tou tali ki he ʼu fehuʼi. Fai he faʼifaʼitaki e tahi ʼo ʼuhiga mo te ʼu ʼuluaki palalau pea mo he tahi faʼifaʼitaki ʼo ʼuhiga mo te ʼaʼahi.
Katiko 165 pea mo te faikole fakaʼosi.
Vāhaʼa ʼe Kamata ʼi Te 8 Tesepeli
Katiko 44
10 min: Ko te ʼu logo ʼo te kokelekasio. Lau ʼo te falā.
20 min: He Koʼe Koa ʼe Tonu Ke Koutou Fakahā Te Meʼa ʼAē ʼe Kovi? Ko he akonaki ʼe fai e he tagata ʼāfea ʼe fakatafito ki Te Tule Leʼo ʼo te ʼaho 15 ʼo ʼAukusito 1997, ʼi te ʼu pasina 26 ki te 30.
15 min: “ ʼE Nātou Tuʼaniaʼi Takotou Puli!” Ko he fai palalau mo nātou ʼaē ʼe kau ki te fono, ʼe fai e he tagata ʼāfea. Koutou fakahā pe ko te tokofia ʼaē ʼe kau ki te ʼu fono ʼo te kokelekasio. Koutou fakaafe ʼihi ke nātou fakamatala pe koʼe ʼe fakaloto māfana tanatou fakatahitahi mo ʼihi ʼi te ʼu fono.
Katiko 172 pea mo te faikole fakaʼosi.
Vāhaʼa ʼe Kamata ʼi Te 15 Tesepeli
Katiko 6
12 min: Ko te ʼu logo ʼo te kokelekasio. Fakahā he ʼu manatu ʼo ʼuhiga mo te faʼahiga tali fakapotopoto ki te ʼu fakaʼalofa ʼo ʼuhiga mo te ʼu lafeti. Fai he ʼu fakatuʼutuʼu makehe ʼo ʼuhiga mo te fai faka mafola ʼo te ʼaho 25 ʼo Tesepeli pea mo te ʼaho 1 ʼo Sanualio.
18 min: Ko te ʼu logo ʼe ʼaoga ki te kokelekasio.
15 min: Te ʼu Fakamanatu ki te temi vela. Ko he akonaki pea mo he fai palalau mo nātou ʼaē ʼe ʼi te fono. Tokolahi ia tatou ʼe tou fakatuʼutuʼu ke tou fai he ʼu meʼa ʼi te ʼu māhina ʼo te temi vela, pea ʼe lagi kau kiai te ʼu temi mālōlō, te ʼaʼahi ʼo tatatou ʼu kāiga, peʼe ko he ʼu temi fakafiafia. ʼE lava feafeaʼi hatatou fakaʼaluʼalu lelei te ʼu meʼa ʼaia ke mole fua kovi ki te ʼu gāue faka teokalatike? Fai palalau ki te ʼu meʼa ʼaē ʼe hoa mai: (1) Tou kau ki te ʼu fakatahi. (2) Tou kau tuʼumaʼu ki te ʼu fono, tatau aipe peʼe tou nonofo ʼi totatou ʼapi peʼe ʼi he tahi koga meʼa. (3) Tou fakatuʼutuʼu ke tou kau tuʼumaʼu ki te fai faka mafola, pea kapau ʼe tou ʼi he tahi koga meʼa, ke tou momoli tatatou pepa tānaki gāue ki te kokelekasio. (4) Tou toʼo mo tatou he ʼu tohi ke tou fagonogono faigamālie ʼi tatatou lolotoga folau. (5) Ke lahi age tatatou kau ki te fai faka mafola ʼi te afiafi, lolotoga te ʼu ʼaho mālōlō. (6) Tou toʼo te selevisi pionie vaeluaʼi temi ʼi te māhina e tahi peʼe laka age, lolotoga te temi vela. (7) Ke fai fakalelei e te ʼu tagata ʼāfea te ʼu gāue ʼo te kokelekasio pea ke nātou ʼiloʼi papau peʼe fakahoko anai e he tahi te ʼu gāue ʼo ia ʼaē ʼe puli.
Katiko 174 pea mo te faikole fakaʼosi.
Vāhaʼa ʼe Kamata ʼi Te 22 Tesepeli
Katiko 138
8 min: Te ʼu logo ʼo te kokelekasio.
17 min: “Te Ako ʼo Te Minisitelio Faka Teokalatike ʼo Te Taʼu 1998.” Akonaki ʼe fai e te tagata taupau ʼo te ako. Toe vakaʼi te ʼu faʼahi lelei ʼaē ʼe feala ke tou maʼu ʼi te ako lolotoga te taʼu ʼaenī ka haʼu. Fakaloto mālohiʼi ke nātou mulimuli ki te koga foʼou ʼaenī: “Ko Te Tahi Polokalama Ki Te Lau ʼo Te Tohi-Tapu,” ʼi te ʼu vāhaʼa fuli.
20 min: Tou Faka Mafola Te Logo Lelei ʼi Te ʼu Potu Fuli. Fai palalau mo nātou ʼaē ʼe ʼi te fono ki te tohi Notre ministère, ʼi te ʼu pasina 93 ki te 97, pea mo fai te ʼu fehuʼi ʼaenī: (1) He koʼe ʼe lelei tatatou fakaʼaogaʼi tatatou ʼu tohi moʼo faka mafola ʼo te logo lelei? He koʼe ʼe tonu ke tou foaki he tohi ʼi te ʼu temi faigamālie fuli? (2) He koʼe ʼe tonu ke tou fagonogono faigamālie? Koteā ʼihi ʼu ʼaluʼaga ʼe feala ke tou fai ai te fagonogono faigamālie? (Koutou fakaafe ʼihi ke nātou fakamatala tanatou fagonogono faigamālie.) (3) He koʼe ʼe tonu ke faigaʼi e te kokelekasio ke fai fakalelei te telituale ʼaē neʼe hinoʼi age ke ina fai? (4) ʼE fua lelei feafeaʼi kia tatou tatatou fai fakatuʼutuʼu mo he kūtuga ke tou fai faka mafola? ʼE lava feafeaʼi tatatou fakatuʼutuʼu tatatou gāue fai faka mafola, ke tou ʼiloʼi papau ai ʼe tou fakaʼaogaʼi lelei totatou temi?
Katiko 222 pea mo te faikole fakaʼosi.
Vāhaʼa ʼe Kamata ʼi Te 29 Tesepeli
Katiko 181
8 min: Te ʼu logo ʼo te kokelekasio. Fakamanatu ki te ʼu kaugā fai faka mafola fuli ke nātou foaki tanatou pepa tānaki gāue. Kapau ʼe fetogi e takotou kokelekasio te ʼu ʼaho fono ʼi te taʼu foʼou, koutou fakaloto mālohiʼi ia nātou fuli ke hoko atu tanatou kau tuʼumaʼu mo te kokelekasio ki te ʼu ʼaho foʼou ʼaia.
12 min: Toe vakaʼi te tohi ʼaē ka tufa ʼi te māhina ʼo Sanualio. Fakahā te ʼu tohi ʼāfea ʼaē ʼe maʼu e te kokelekasio, peʼe ko te tohi Te ʼAtamai Mālama, pea mo koutou fakahā he ʼu manatu lelei ke palalau kiai, ʼe feala anai ke ʼaoga ki te teuteuʼi ʼo te ʼu faʼifaʼitaki. Fai he faʼifaʼitaki e tahi. ʼE tonu ke hoko atu tatatou faiga ʼaē ke kamata he ʼu ako ʼaki te kaupepa lahi Fakamaʼua pe ʼaki te tohi Te ʼAtamai Mālama.
25 min: “ ʼE Tonu Ke Tou Liliu Ko He Kau Faiako, Kae Mole Ko He Kau Fai Faka Mafola Pe.” Fai he ʼu fehuʼi pea mo he ʼu tali. ʼI te palakalafe 11, koutou lau te tohi Manuel pour l’École, te Ako 15, palakalafe 11.
Katiko 215 pea mo te faikole fakaʼosi.