Ko Te ʼu Fono Gāue ʼo Sanualio
Vāhaʼa ʼe Kamata ʼi Te 5 Sanualio
Katiko 10
8 min: Ko te ʼu logo ʼo te kokelekasio. Te ʼu Tonu ʼo Te Minisitelio ʼo Te Puleʼaga.
17 min: “Tou Fiafia ʼi Te Fai Fakalelei ʼo Tatatou Fai Faka Mafola.” Ko he fai palalau ki te alatike mo nātou ʼaē ʼe kau ki te fono. Faka maʼuhigaʼi te ʼu puani tāfito ke lelei te ʼu ʼuluaki palalau: (1) fai he fakaʼalofa lelei, (2) fakamahino peʼe lagaʼi he fehuʼi ʼo ʼuhiga mo he faʼahi ʼe fia logo kiai te hahaʼi fuli, (3) fakaʼaogaʼi he vaega faka Tohi-Tapu ʼe ʼalutahi mo te faʼahi ʼaē ʼe tou talanoa kiai, pea (4) fakahā ki te hahaʼi te tohi ʼaē ʼe tou tufa. ʼE fai anai e he kaugā fai faka mafola faiva he faʼifaʼitaki ʼo ʼuhiga mo te ʼu ʼuluaki fai palalau pea mo te ʼaʼahi ʼaē ʼe hoa ki te ʼuluaki fai palalau ʼaia.
20 min: Tou teuteu ʼi te temi nei ke tou lagolago ki te lao ʼa te ʼAtua ʼo ʼuhiga mo te toto. Ko he tagata ʼāfea kua māhani ʼe talanoa anai ki te maʼuhiga ʼo te tohi fakalelei ʼo te pepa faka tōketā “Attestation prévisionnelle.” Ko te manatu ʼa te ʼAtua ʼaē ʼe tuʼu ia Pesalemo 19:7, ʼe ina fakamahino mai ko te vaega ʼo Gāue 15:28, 29 ʼe ko te fakahā ʼaia ʼo te Lao haohaoa ʼa te ʼAtua ʼo ʼuhiga mo te toto. ʼE faiga e te hahaʼi tauhi agatonu ke nātou lagolago ki te lao ʼaia. ʼE fakahā e te pepa ʼaia takotou fakatotonu ʼaē ke koutou fai te faʼahi ʼaia pea ʼe palalau anai maʼa koutou mokā mole feala ke koutou fai e koutou totonu te faʼahi ʼaia. (Vakaʼi ia Tāʼaga Lea 22:3.) Ko te tupuʼaga la ʼaia ʼo te fakahigoaʼi ʼo te pepa ʼaia ko he pepa “prévisionnelle.” (Kapau kua fakatuʼutuʼu ke tafa kita, ʼe tonu ke tou tohi he tahi pepa ʼe fakahā lelei ai te meʼa ʼaē ʼe tou loto kiai, pea tou tuku ki te tōketā ʼaē ka ina tafa tatou pea mo te anesthésiste.) Ko te kate foʼou ʼaia ʼe ina fakahā lelei ai takotou fakafisi ʼaē ki te toto. ʼI te hili ʼo te fono, ʼe foaki anai kia nātou fuli ʼaē kua papitema hanatou kate foʼou, pea ʼe foaki anai kia nātou ʼaē ʼe ʼi ai hanatou fānau liliki he kate dʼidentité. ʼE tonu ke tohi fakalelei te ʼu kate ʼaia ʼi tokotou ʼapi pea mo koutou sinie. ʼE tuʼu anai ʼi te ʼu kate fuli te signature pea mo te ʼaho ʼaē neʼe sinie ai te kate. ʼE tokaga anai te ʼu tagata ʼāfea, kae tāfito te tēhina ʼaē ʼe ina takitaki te ako tohi, peʼe maʼu e nātou fuli ʼaē ʼe loto ke mulimuli ki te ʼu fakatuʼutuʼu ʼaia, te tokoni ʼaē ʼe ʼaoga. Ko nātou ʼaē ʼe pupuli ʼi te ʼaho ʼaia kae nātou fia tohi pea mo sinie hanatou kate, ʼe nātou fai anai te faʼahi ʼaia mo ia ʼaē ʼe ina takitaki te ako tohi peʼe ko he tagata ʼāfea ʼi te Fono Gāue ʼi te vāhaʼa ʼaē ka hoa kiai, ʼo aʼu ki te kua tohi e te ʼu kaugā fai faka mafola fuli tanatou ʼu kate. (Vakaʼi te tohi ʼaē neʼe momoli atu ʼo te ʼaho 5 ʼo Novepeli 1997.) ʼE feala ke faʼifaʼitakiʼi e te ʼu kaugā fai faka mafola ʼaē ʼe mole heʼeki papitema, te ʼu meʼa ʼaē ʼe tohi ʼi te kate ʼaia, ʼo mulimuli ki tanatou ʼu ʼaluʼaga pea mo te ʼu meʼa ʼaē ʼe nātou tui kiai, ʼo tohi ʼi he pepa te ʼu meʼa ʼaē ʼe nātou loto ke fai kia nātou pea mo tanatou fānau. Koutou fakahā ʼe foaki anai ki te ʼu famili fuli te pepa fakamanatu ʼaē “Autorisation de soins pour les enfants” (Fakagafua ke faitoʼo te fānau) ʼi te hili ʼo te fono. Koutou lau te pepa ʼaia pea mo koutou fakamahino age te meʼa ʼaē ʼe feala ke tohi e te ʼu mātuʼa mokā kole e te faleako ke nātou sinie he pepa “permis de soins” (Fakagafua ke faitoʼo).
Katiko 4 pea mo te faikole fakaʼosi.
Vāhaʼa ʼe Kamata ʼi Te 12 Sanualio
Katiko 77
10 min: Ko te ʼu logo ʼo te kokelekasio. Lau ʼo te falā.
15 min: “Tou Fakaʼaogaʼi Lelei Te ʼu Pepa Fakaafe.” Fai palalau mo nātou ʼaē ʼe kau ki te fono. Talanoa ʼo ʼuhiga mo te meʼa ʼaē neʼe hoko ʼe fakamatala ʼi Te Tule Leʼo ʼo te ʼaho 1 ʼo Tesepeli 1996, ʼi te pasina 13, palakalafe 15.
20 min: “ ʼE Foaki e Sehova Te Mālohi ʼAē ʼe Laka Age ʼi Te Mālohi Māhani.” Fai ʼaki he ʼu fehuʼi mo he ʼu tali. (Vakaʼi Te Tule Leʼo, Fakafalani ʼo te ʼaho 15 ʼo Sūlio 1990, ʼi te pasina 19, ʼi te ʼu palakalafe 15 ki te 16.) Fakatuʼutuʼu ke fakamatala e ʼihi he ʼu meʼa fakaloto mālohi neʼe hoko kia nātou ʼe hā ai neʼe foaki e Sehova kia nātou te mālohi.
Katiko 44 pea mo te faikole fakaʼosi.
Vāhaʼa ʼe Kamata ʼi Te 19 Sanualio
Katiko 1
10 min: Ko te ʼu logo ʼo te kokelekasio.
15 min: Ko te ʼu logo ʼe ʼaoga ki te kokelekasio.
20 min: Ko He Ako Faka Famili ʼe Fakatupu Fiafia. Fai palalau ʼa he taumatuʼa ʼo ʼuhiga mo te ʼu meʼa ʼaē ʼe ʼaoga ki tonā famili ʼi te faʼahi fakalaumālie. ʼI tanā tuʼania ʼo ʼuhiga mo te ʼu meʼa ʼo te mālama ʼaē ʼe feala ke lave kovi ki tanā fānau, ʼe nā logoʼi te maʼua ʼaē ke nā fakamālohiʼi te ʼaluʼaga fakalaumālie ʼo tanā fānau, kae ʼe mahino kia nāua neʼe tahitahiga tanā fai te ako faka famili pea neʼe mole hona fua. ʼE nā toe vakaʼi fakatahi te ʼu tokoni ʼo ʼuhiga mo te fai ʼo he ako faka famili ʼe ʼaoga, ʼaē ʼe tuʼu ʼi Te Tule Leʼo ʼo te ʼaho 1 ʼo ʼAukusito 1997, ʼi te ʼu pasina 26 ki te 29. Ko nāua tokolua, ʼe nā fakatotonu ke nā mulimuli kiai ke hāofaki ai te maʼuli fakalaumālie ʼo tanā fānau.
Katiko 146 pea mo te faikole fakaʼosi.
Vāhaʼa ʼe Kamata ʼi Te 26 Sanualio
Katiko 7
12 min: Ko te ʼu logo ʼo te kokelekasio. Toe vakaʼi te tufa ʼo te māhina ʼo Fepualio. Fakahā he puani e tahi peʼe lua ʼo te ʼu nusipepa foʼou ʼaē ka tokoni anai kia tatou ʼi tatatou fakahā te apone.
15 min: “Tou Fakaʼapaʼapa Ki Te Koga Meʼa ʼAē ʼe Fai Ai Te Tauhi Kia Sehova.” Fai ʼaki he ʼu fehuʼi mo he ʼu tali. ʼE fai anai e he tagata ʼāfea, ʼo ina faka ʼalutahi fakalelei te alatike ʼaia pea mo te ʼu meʼa ʼaē ʼe hoko ʼi te kokelekasio.
18 min: Te ʼu Tānaki ʼo ʼUhiga Mo Tatatou Gāue Fai Faka Mafola ʼi Te Malamanei. (ʼE fakatafito ki te tohi Notre ministère, ʼi te pasina 100 ki te 102, mo te pasina 106 ki te 110) Ko te akonaki pea mo he fai palalau ʼe fai e te sikalaipe. ʼI tana ʼosi fakahā te meʼa ʼaē neʼe hoko ʼi te temi ʼo te Tohi-Tapu, ʼo ʼuhiga mo te tānaki tuʼumaʼu ʼo tatatou gāue, ʼe ina fakaafe anai he ʼu tagata faifekau faka minisitelio e toko lua ke nātou vakaʼi te kupu tāfito: “He Koʼe ʼe Tonu Ke Tou Tohi Hatatou Pepa Tānaki Gāue.” ʼE talanoa tāfito anai te sikalaipe ki te maʼuhiga ʼo te liufaki tautonu ʼo te ʼu pepa tānaki gāue. ʼE ina fakahā anai te fua lelei ʼo hatatou fai he ʼu fakatuʼutuʼu takitokotahi, mo ina fakaʼosi ʼaki he ʼu palalau fakaloto mālohi ʼo ʼuhiga mo te ʼu tapuakina ʼaē ka maʼu ʼe nātou ʼaē ʼe kau katoa ki te gāue fai faka mafola.
Katiko 39 pea mo te faikole fakaʼosi.