Ko Te ʼu Fono Gāue ʼo Maio

Vāhaʼa ʼe Kamata ʼi Te 4 Maio

Katiko 10

8 min: Ko te ʼu logo ʼo te kokelekasio pea mo te ʼu tonu ʼo Te Minisitelio ʼo Te Puleʼaga. Te ʼu Logo Faka Teokalatike.

15 min: “Ko Te Laumālie ʼo Sehova ʼe Lagolago Kia Tatou.” ʼO fai ʼaki he ʼu fehuʼi pea mo he ʼu tali. ʼI takotou vakaʼi te palakalafe 3, koutou fakaʼaogaʼi mo he ʼu fakamatala ʼe maʼu ʼi te Annuaire 1998.

22 min: “Koutou Filifili He ʼu Alatike ʼe ʼAlutahi Mo Te Meʼa ʼAē ʼe Fia Logo Kiai Te Hahaʼi.” Koutou vakaʼi te ʼu puani tāfito ʼo te alatike. Koutou fakamahino age, ʼe feala ke fakaʼaogaʼi te ʼu nusipepa ʼāfea ʼaē ʼe kei lelei. Koutou fakaafe he ʼu kaugā fai faka mafola ke nātou fakahā pe ko te ʼu alatike fea ʼaē neʼe nātou filifili pea neʼe fua lelei. Koutou fai he faʼifaʼitaki ʼo mulimuli ki te palakalafe 7.

Katiko 212 pea mo te faikole fakaʼosi.

Vāhaʼa ʼe Kamata ʼi Te 11 Maio

Katiko 75

8 min: Ko te ʼu logo ʼo te kokelekasio. Lau ʼo te falā.

15 min: “ ʼE Feala Koa Ke Koutou Kamata He Ako Tohi-Tapu?” ʼO fai ʼaki he ʼu fehuʼi mo he ʼu tali. ʼE tonu ke fakahā te maʼuhiga ʼaē ke tou fakaʼaogaʼi te ʼu tokoni ʼaē ʼe fai ʼi Te Minisitelio ʼo Te Puleʼaga. Koutou fai he faʼifaʼitaki ʼe fai ai te ʼaʼahi ki he tahi neʼe ina toʼo te kaupepa Fakamaʼua, ʼo kamata ai he ako Tohi-Tapu.

22 min: “Te ʼu Fakatahi Faka Tisitilike Pea Mo Faka Malamanei ʼo Te Taʼu 1998 ‘Te Faʼahiga Maʼuli ʼAē ʼe Fakamaʼua Mai e Te ʼAtua.’ ” (Palakalafe 1 ki te 17) ʼO fai ʼaki he ʼu fehuʼi pea mo he ʼu tali. Koutou lau te palakalafe 11 pea mo te 12. Koutou faka maʼuhigaʼi te maʼua faka Tohi-Tapu ʼaē ke tou taupau he faʼahiga teu pea mo he faʼahi aga ʼe tāu mo feʼauga mo te kau Kilisitiano, pea ke tou tokaga lelei ki tatatou fānau.

Katiko 48 pea mo te faikole fakaʼosi.

Vāhaʼa ʼe Kamata ʼi Te 18 Maio

Katiko 7

8 min: Ko te ʼu logo ʼo te kokelekasio.

15 min: “ ʼE ʼi Ai Koa Hakotou ‘Tala ʼi Te Kakano’?” ʼO fai ʼaki he ʼu fehuʼi pea mo he ʼu tali. Koutou talanoa ki te alatike “Te ʼu Fehuʼi ʼa Te Kau Lautohi” ʼo Te Tule Leʼo Fakafalani ʼo te ʼaho 15 ʼo Novepeli 1987, ʼi te pasina 29.

22 min: “Te ʼu Fakatahi Faka Tisitilike Pea Mo Faka Malamanei ʼo te taʼu 1998 ‘Te Faʼahiga Maʼuli ʼAē ʼe Fakamaʼua Mai e Te ʼAtua.’ ” (Palakalafe 18 ki te 23) ʼO fai ʼaki he ʼu fehuʼi pea mo he ʼu tali. Koutou lau te palakalafe 18 pea mo te vaega faka Tohi-Tapu. Koutou fakahā te ʼaoga ʼaē ke tou aga fakatokatoka pea mo agalelei ki te hahaʼi, pea tāfito ʼo ʼuhiga mo te tāʼofi ʼo te ʼu lapalasi. Koutou fakaʼosi ʼo talanoa ki “Te ʼu Fakamanatu ʼo ʼUhiga Mo Te Fakatahi.”

Katiko 23 pea mo te faikole fakaʼosi.

Vāhaʼa ʼe Kamata ʼi Te 25 Maio

Katiko 93

10 min: Ko te ʼu logo ʼo te kokelekasio.

15 min: Ko te ʼu logo ʼe ʼaoga ki te kokelekasio.

20 min: Ko Te ʼu Tupuʼaga ʼo Tatatou Leleiʼia Te ʼu Fono ʼo Te Kokelekasio. Ko te tagata ʼāfea ʼe fai palalau mo he ʼu tēhina mo tuagaʼane ʼe nātou fakafofoga te kokelekasio, ʼo lagi kau kiai he taumatuʼa, mo he tēhina pe ko he tuagaʼane kua matuʼa, pea mo he tūpulaga. ʼE nātou fakamatala pe koʼe ʼe nātou ʼōmai tuʼumaʼu ki te ʼu fono: ko te ʼu fakakaugā lelei, mo te ʼu akonaki fakaʼatua, mo te ʼu tokoni fakapotopoto, ʼaē ʼe nātou tokoni kia nātou ke nātou tauʼi tonatou ʼu fihifihia pea ke nātou mālohi aipe ʼi te faʼahi fakalaumālie. ʼE hā mai ʼi tonatou ʼu fakamatala, ʼe tapuakiʼi tatou fuli mo kapau ʼe tou kau tuʼumaʼu ki te ʼu fono.

Katiko 222 pea mo te faikole fakaʼosi.