Ko Te ʼu Fono Gāue ʼo Sūlio
Vāhaʼa ʼe Kamata ʼi Te 6 Sūlio
Katiko 110
10 min: Ko te ʼu logo ʼo te kokelekasio. Te ʼu tonu ʼo Te Minisitelio ʼo Te Puleʼaga. Talanoa ki te tānaki gāue ʼo te kokelekasio ʼo te māhina ʼo Malesio. Logo Faka Teokalatike.
15 min: “ ʼE Ko He Meʼa Lelei Hatatou Kau Tuʼumaʼu Kiai!” ʼO fai ʼaki te ʼu fehuʼi pea mo te ʼu tali. Talanoa ki te Réveillez-vous! ʼo te ʼaho 8 ʼo Sūnio 1988, ʼi te ʼu pasina 19 ki te 21, moʼo fakaloto mālohiʼi te kau tūpulaga ke nātou kau tuʼumaʼu ki te ʼu fono.
20 min: “ ʼE Tonu Ke Tou Tala Ki ʼOtatou ʼu Kāiga Te Logo Lelei.” Fakatuʼutuʼu mo he kau fai faka mafola faiva e toko lua peʼe toko tolu ke koutou vakaʼi te ʼu tokoni ʼo ʼuhiga mo te fakahā ʼo te ʼu kaupepa lalahi ʼaē ʼe maʼu ʼi te kokelekasio. Koutou fakamahino pe koʼe ʼe fua lelei te fakaʼaogaʼi ʼo te ʼu kaupepa ʼaia ʼi te telituale. Koutou fakahā te fakatuʼutuʼu moʼo kamata he ʼu ako Tohi-Tapu ʼaki te kaupepa Fakamaʼua peʼe ko te tohi Te ʼAtamai Mālama. Fai he faʼifaʼitaki ʼo he ʼuluaki fai palalau ʼo hoa kiai te fai ʼo te ʼaʼahi pea mo te fakaafe ʼaē ke fai he ako.
Katiko 158 pea mo te faikole fakaʼosi.
Vāhaʼa ʼe Kamata ʼi Te 13 Sūlio
Katiko 213
10 min: Te ʼu logo ʼo te kokelekasio. Lau ʼo te falā. Fakaloto mālohiʼi te kokelekasio katoa ke nātou fakakaukauʼi fakalelei peʼe feala ke nātou pionie vaeluaʼi temi ʼi ʼAukusito, he ko ʼona ʼu fakaʼosi vāhaʼa e nima.
15 min: Ko te ʼu logo ʼe ʼaoga ki te kokelekasio.
20 min: Ko Te Manatu ʼo Te Mālama ʼe Ina Kākāʼi Koa Koutou? Akonaki ʼe fai e he tagata ʼāfea ʼo fakatafito ki Te Tule Leʼo Fakaʼuvea ʼo te ʼaho 1 ʼo ʼOketopeli 1997, ʼi te ʼu pasina 25 ki te 29.
Katiko 106 pea mo te faikole fakaʼosi.
Vāhaʼa ʼe Kamata ʼi Te 20 Sūlio
Katiko 28
8 min: Ko te ʼu logo ʼo te kokelekasio. Vakaʼi te talanoa ʼaenī “Ko He Kau Fai Faka Mafola e 1 650!”
12 min: “Ko He ʼAʼahi ʼe Feala Ke Koutou Mau Ai He Tapuakina.” Ko he fai palalau ʼa he ʼu tagata ʼāfea e toko lua. Fakamahino te ʼu fakatuʼutuʼu ʼo te gāue tauhi ōvi, ohage ko tona fakamahino ʼi Te Tule Leʼo Fakafalani ʼo te ʼaho 15 ʼo Sepetepeli 1993, ʼi te ʼu pasina 20 ki te 23. Fakaloto mālohiʼi te kokelekasio ke nātou fakaʼamu ke ʼaʼahi nātou e te kau tagata ʼāfea.
25 min: “ ʼE Feala Koa Ke Koutou Pionie?” (Palakalafe 1 ki te 14) ʼE fai anai e te tagata taupau ʼo te gāue he ʼu manatu lelei, ʼo ina fakaloto mālohiʼi te hahaʼi fuli ke nātou fakakaukau fakalelei ʼo ʼuhiga mo te selevisi pionie katoa. ʼOsi ʼaia, pea talanoa ki te fehuʼi 1, mo te ʼu manatu ʼo te alatike “Ko He Manatu Faka Pionie ʼe Fakaloto Fiafia,” ʼi te Annuaire 1998, ʼi te pasina 104 ki te 105. ʼE fai palalau anai ki te fehuʼi 2 mo he toko lua pe ko he toko tolu ʼi te kokelekasio kua māhani ʼi te selevisi pionie. ʼE nātou vaevae anai he ʼu manatu ʼe ʼaoga pea mo fakapotopoto moʼo fakahā peʼe lava feafeaʼi ʼi tonatou ʼuhiga pionie ke nātou maʼu te ʼu meʼa ʼaē ʼe ʼaoga kia nātou ʼi te faʼahi fakasino. Pea ʼe fai palalau anai mo he ʼu mātuʼa ʼo ʼuhiga mo te fehuʼi 3. ʼE nātou fakahā pe koʼe ʼe tonu ke fakakaukauʼi fakalelei e te kau tūpulaga ke nātou fili te selevisi pionie. Fakaloto mālohiʼi ia nātou fuli ke nātou kau ki te Fono Gāue ʼo te vāhaʼa ka haʼu, he vakaʼi ai anai te ʼu fehuʼi fakaʼosi.
Katiko 42 pea mo te faikole fakaʼosi.
Vāhaʼa ʼe Kamata ʼi Te 27 Sūlio
Katiko 155
15 min: Ko te ʼu logo ʼo te kokelekasio. Fakamanatuʼi ki te kokelekasio ke nātou foaki tonatou ʼu pepa tānaki gāue ʼo Sūlio. Koutou fakahā te ʼu fakatuʼutuʼu ki te ʼuluaki fakaʼosi vāhaʼa ʼo ʼAukusito, pea mo fakaloto mālohi ke nātou kau fuli kiai. Vakaʼi te alatike “Ko He Polokalama Foʼou ʼo Te Fakatahi Faka Silikosikilipisio.”
30 min: “ ʼE Feala Koa Ke Koutou Pionie?” (Palakalafe 15 ki te 25) Ko he akonaki pea mo he fai palalau ʼe fai e he tagata ʼāfea. Fakatuʼutuʼu fakatomuʼa mo he ʼu pionie pea mo nātou ʼaē neʼe pionie ke nātou fakahā tanatou ʼu manatu moʼo tali ki te ʼu fehuʼi 4 mo te 5. ʼE nātou fakahā lelei anai te ʼaoga ʼaē ke fakatuʼutuʼu lelei he polokalama pea mo kita mulimuli kiai, pea mo nātou fakahā he ʼu faʼifaʼitaki ʼo he ʼu polokalama faka mafola ʼe fua lelei. ʼE fakaʼosi anai e te tagata ʼāfea ʼaki he akonaki fakaloto mālohi moʼo tali ki te fehuʼi 6. Ko te kamata ʼo te taʼu gāue ʼi te ʼaho 1 ʼo Sepetepeli, ʼe ko te lakaga lelei ʼaia ki te kau pionie foʼou ke nātou kamata tanatou selevisi katoa. ʼE feala ke foaki atu e he tahi ʼi te Komite Gāue ʼo te Kokelekasio he ʼu pepa pionie.
Katiko 51 pea mo te faikole fakaʼosi.