Te ʼu Tonu
◼ Ko te tufa ʼo Novepeli: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. Tesepeli: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150 pea mo te Tohi-Tapu Les Saintes Écritures — Traduction du monde nouveau ki te 600. Sanualio: Ko he kaupepa pe ʼi te ʼu kaupepa ʼaenī ʼe pasina 32 ki te 50: ʼE tokaga moʼoni koa te ʼAtua kia tatou?, Koteā ʼAē ʼe Fakamaʼua Mai e Te ʼAtua Kia Tatou? pea Mokā mate he tahi ʼaē ʼe tou ʼofa mamahi ai. ʼE feala foki ke fakahā mo te kaupepa Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa? Fepualio: Te tagata ʼaē ʼe lahi tokotahi ʼo te ʼu temi fuli ki te 400.
◼ ʼI te ʼu taʼu ʼaenī kua hili, neʼe liliu ʼo faigafua te folau ʼa te hahaʼi ki te ʼu fenua mamaʼo. Koia la ʼaē, ʼe tokolahi te ʼu tēhina mo tuagaʼane ʼaē neʼe nātou fakatuʼutuʼu ke nātou ʼaʼahi te ʼu fenua matāpule. Ko te meʼa ʼaē ʼe nātou tau fai, ʼe nātou felogoi mo te ʼu pilō ʼo te ʼu filiale ʼo te Sosiete ke nātou maʼu he ʼu naunau ʼo ʼuhiga mo te folau. ʼE fiafia te ʼu filiale ʼaia ʼi tanatou foaki te ʼu tuʼasila ʼo te ʼu fale fono pea mo te ʼu hola ʼaē ʼe fai ai te ʼu fono ʼi te ʼu kokelekasio moʼo tokoni ki te ʼu tēhina ke nātou felogoi mo te ʼu kokelekasio ʼo te fenua. Tahi ʼaē meʼa, ʼe feala hanatou fai he ʼu tokoni ʼo ʼuhiga mo te ʼaʼahi ʼo te Petele. Kae ʼe hā mai ʼi te ʼu tānaki ʼaē neʼe fai, ʼe lahi te ʼu fehuʼi ʼaē ʼe fai e te ʼu tēhina ʼo ʼuhiga mo te ʼu pepa folau, pea mo te totogi ʼo te ʼu otele, mo te ʼu koga meʼa ʼaē ʼe feala ke ʼaʼahi e te kau tulisi. ʼE mole maʼu e te ʼu filiale te ʼu tohi pea mo he temi feʼauga moʼo foaki ki te ʼu tēhina he ʼu naunau feiā. ʼE fakaloto mālohi te ʼu tēhina mo tuagaʼane ke nātou felogoi mo te ʼu pilō folau ʼaē ʼe nātou foaki he ʼu naunau ʼe ʼaoga ki te kau tulisi.
◼ ‘E tonu ke kamata fakaʼui e te ‘u kokelekasio te ‘u tohi Annuaire ‘o te taʼu 1999 ‘i tanatou pepa fakaʼui ‘o Novepeli. ‘E maʼu anai te tohi Annuaire ‘i te Fakapilitānia, te Fakafalani. ‘O aʼu ki te momoli atu ‘o te ‘u tohi Annuaire, ‘e tohi anai “En Attente” ‘i te ‘u factures ‘o te kokelekasio. Ko te ‘u tohi Annuaire ‘e kau ‘i te ‘u fakaʼui makehe.
◼ Te ʼu tohi foʼou kua maʼu:
Index des publications de la Société Watch Tower, 1996—Fakafalani
Quel est le but de la vie? Comment le trouver?—Itonesia