Ko Te ʼu Fono Gāue ʼo Maio
Vāhaʼa ʼo te ʼaho 3 ʼo Maio
Katiko 7
8 min: Te ʼu logo ʼo te kokelekasio. Te ʼu Tonu. Fakahā te ʼu fakatuʼutuʼu makehe ki te fai faka mafola ʼi te Moeaki ʼaho 8 ʼo Maio, pea mo te Felianima ʼaho 13 ʼo Maio. Te ʼu Logo Faka Teokalatike.
17 min: ‘Koutou teuteuʼi ki te fakatahi faka silikosipisio.’ Ko he fai palalau mo te kokelekasio ʼo ʼuhiga mo te ʼu fakatuʼutuʼu ʼaē ʼe feala ke nātou fai ke nātou kau ki te fakatahi faka silikosipisio. Fakahā te maʼuhiga ʼaē ke nātou kau kiai mai te ʼuluaki katiko ʼo aʼu ki te faikole fakaʼosi. ʼE ʼi ai koa he ʼu hahaʼi neʼe mole heʼeki koutou fakaafe nātou ke nātou ʼōmai? ʼE feafeaʼi anai takotou ʼolo ki te fakatahi? ʼE koutou tohi anai koa he ʼu kiʼi nota? Fakaʼaogaʼi te ʼu fakamatala ʼo te Annuaire 1997 ʼi te pasina 164 ki te 165 pea mo Te Tule Leʼo Fakafalani ʼo te ʼaho 15 ʼo ʼApelili 1987, ʼi te pasina 23 ki te 24. ʼE fai anai te fono ʼa te kau pionie katoa pea mo te kau pionie makehe ʼi te Feliaono hili hoʼatā ʼi muʼa ʼo te fakatahi. Fakahā te tahi ʼu logo ʼaē ʼe ʼaoga ʼo ʼuhiga mo te fakatahi faka silikosipisio ʼaē ka hoa mai.
20 min: “Ko He ʼu Puleʼaki Moʼo Fakalahi Tokotou Minisitelio.” Ko te ʼu tagata ʼāfea e toko lua ʼe nā vakaʼi te alatike moʼo tali ki te ʼu fehuʼi ʼaē neʼe fai e ʼihi ʼi te fono. Ko te kaugā fagona tūpulaga, mo he taumatuʼa, pea mo te tēhina kua letelete ʼe nātou fia ʼiloʼi peʼe lava feafeaʼi hanatou fakalahi tanatou minisitelio. ʼE fai age kia nātou he ʼu tokoni ʼo fakatafito ki te alatike pea mo te kapite 9 ʼo te tohi Notre ministère, pea tāfito ki te alatike “Koteā Takotou ʼu Fakatuʼutuʼu Fakalaumālie?” ʼi te pasina 116 ki te 118. ʼE fakahā e te kau fai faka mafola tanatou loto fakafetaʼi ki te ʼu tokoni ʼaoga ʼaē ʼe foaki mai e te Sosiete ke ʼaua naʼa tou tuai ʼo tou fai he ʼu fakatuʼutuʼu moʼo fakalahi tatatou gāue.
Katiko 11 pea mo te faikole fakaʼosi.
Vāhaʼa ʼo te ʼaho 10 ʼo Maio
Katiko 15
10 min: Te ʼu logo ʼo te kokelekasio. Lau ʼo te falā.
15 min: Te ʼu logo ʼaē ʼe ʼaoga ki te kokelekasio.
20 min: “Koutou Akoʼi Niʼihi Ke ʼAoga Kia Nātou.” Fakanounou te ʼu ʼuluaki palalau ke minuta tahi pe, pea hoko atu te alatike ʼaki he ʼu fehuʼi pea mo he ʼu tali. Fakaʼaogaʼi te kapite 13 ʼo te tohi Te ʼAtamai Mālama, pea fakahā te tokoni ʼaē ʼe maʼu e te hahaʼi ʼaki tanatou ako, mo tanatou mahino ki te ʼu pelesepeto ʼa te Tohi-Tapu, pea mo tanatou maʼuliʼi.
Katiko 19 pea mo te faikole fakaʼosi.
Vāhaʼa ʼo te ʼaho 17 ʼo Maio
Katiko 27
10 min: Te ʼu logo ʼo te kokelekasio. Fakahā te ʼu fakatuʼutuʼu makehe ki te faka mafola ʼi te Mōnite ʼaho 24 ʼo Maio.
15 min: “Koutou Vakaʼi Fakatomuʼa Takotou ʼu Fakatuʼutuʼu!” Ko he akonaki ʼe ina fakamanatuʼi te ʼu fakatuʼutuʼu faka teokalatike fuli ʼaē neʼe fai e te kokelekasio ki te ʼu māhina ʼaē ka hoa mai. Fakaloto mālohiʼi ia nātou fuli ʼo te fono ke nātou tohi te ʼu ʼaho maʼuhiga ʼaia ki tanatou ʼu kaletalio, pea ke ʼaua naʼa nātou tuku ke ʼi ai he tahi ʼu fakatuʼutuʼu ʼe fakatupu kovi kiai.
20 min: Te ʼu logo ʼaē ʼe ʼaoga ki te kokelekasio. Pe ko te akonaki “E Feafeaʼi Mo Kapau ʼe ʼAu Manako Ki He Tahi ʼe Mole Tui?” ʼe fakatafito ki te Réveillez-vous! ʼo te ʼaho 22 ʼo Maio 1994, ʼi te pasina 18 ki te 20.
Katiko 29 pea mo te faikole fakaʼosi.
Vāhaʼa ʼo te ʼaho 24 ʼo Maio
Katiko 41
10 min: Te ʼu logo ʼo te kokelekasio.
17 min: Te Tali Ki ʼAkotou ʼu Fehuʼi. Ko he akonaki ʼe fai e te tagata ʼāfea.
18 min: ʼE Tou Kau Koa ʼi He Gāue ʼe Ina Vaevae Te Hahaʼi? Ko he akonaki fakaloto mālohi ʼe fai e te tēhina taupau ki te gāue, ʼo fakatafito ki Te Tule Leʼo ʼo te ʼaho 1 ʼo Sūlio 1997, ʼi te pasina 30 ki te 31.
Katiko 32 pea mo te faikole fakaʼosi.
Vāhaʼa ʼo te ʼaho 31 ʼo Maio
Katiko 43
15 min: Te ʼu logo ʼo te kokelekasio. Fakamanatuʼi ki te kokelekasio katoa ke nātou tohi tanatou kiʼi pepa gāue ʼo Maio. Toe vakaʼi te tufa ʼo Sūnio, te tohi Te ʼAtamai Mālama. Fakahā mo he faʼifaʼitaki nounou.
15 min: Te ʼu logo ʼaē ʼe ʼaoga ki te kokelekasio.
15 min: Koteā ʼAē ʼe Hala Ai Taku Lotu? Ko he fai palalau ʼa he ʼu tagata faifekau faka minisitelio e toko lua. ʼE tokolahi te hahaʼi ʼe tou felāveʼi mo nātou, kua nātou leleiʼia te moʼoni pea ʼe nātou vikiʼi te kau Fakamoʼoni ʼa Sehova. Kae ʼe kei nātou pipiki ki tanatou lotu. ʼE faigataʼa tanatou manatu ʼaē, ʼe hala tanatou faʼahiga lotu pea ʼe ko tatou ʼaē ʼe moʼoni. Ko te faʼahi ʼaia ʼe ina tāʼofi mālohi tanatou tuputupu ʼi te faʼahi fakalaumālie. Ko te tautēhina ʼe nā fakamanatuʼi anai te ʼu puani e ono ʼo te tohi Comment raisonner ʼi te pasina 298, ʼaē ʼe hā lelei ai te mole ʼalutahi ʼo te tahi ʼu lotu pea mo te Tohi-Tapu. Fakaloto mālohiʼi ia nātou ʼo te fono ke nātou fakaʼaogaʼi fakapotopoto te ʼu puani ʼaia moʼo tokoni ki te hahaʼi fakamalotoloto ke nātou vakaʼi tanatou lotu.
Katiko 50 pea mo te faikole fakaʼosi.