Te ʼu Fono Gāue ʼo Sūlio
Vāhaʼa ʼo te ʼaho 5 ʼo Sūlio
Katiko 6
10 min: Te ʼu logo ʼo te kokelekasio. Te ʼu Tonu. Fakamatala te tānaki gāue ʼo Malesio ʼo te telituale pea mo te kokelekasio, pea fakahā te ʼu fakatuʼutuʼu ki te fai faka mafola ʼi te ʼaho mālōlō ʼo te ʼaho 14 ʼo Sūlio. Logo Faka Teokalatike.
20 min: “Koutou Faikole Kia Sehova Ke Tokoni Atu Kia Koutou.” ʼE mole tonu ke laka ia minuta e tahi te ʼu ʼuluaki palalau ʼo ʼuhiga mo te alatike, pea fakahoa kiai he fai palalau ʼaki he ʼu fehuʼi pea mo he ʼu tali. Fakamahino peʼe lava feafeaʼi ki tatatou ʼu faʼahiga kole fakamalotoloto ke tokoni mai ki tatatou minisitelio. Fakaafe ia nātou ʼi te fono ke nātou fakamatala pe neʼe tokoni tanatou ʼu faikole ki tanatou minisitelio.—Koutou vakaʼi Te Tule Leʼo ʼo te ʼaho 15 ʼo ʼOketopeli 1996, ʼi te pasina 32.
15 min: Koutou Fakaʼaogaʼi Lelei Te ʼu Kaupepa. Ko te akonaki pea mo he ʼu faʼifaʼitaki. Fakamahino pe koʼe ʼe maʼuhiga ke tou fakaʼaogaʼi te ʼu kaupepa ʼi totatou minisitelio. Koutou palalau ai ki te ʼu faʼahi ʼaē ʼe leleiʼia e te hahaʼi, ʼo tali ki he kupu tāfito pe e tahi, pea fai ai he ʼu fakamahino faigafua ʼo ʼuhiga mo te ʼu akonaki faka Tohi-Tapu. Fakahā te ʼu kaupepa ʼaē ʼe tufa ʼi te māhina ʼaenī pea mo te ʼu kaupepa ʼaē ʼe lahi tāfito. Fai he ʼu kiʼi faʼifaʼitaki e lua peʼe tolu ʼe fakatafito anai ki te ʼu fai palalau ʼaē ʼe fakahā e te Index des publications Watch Tower ʼi te kupu tāfito “Présentations.”
Katiko 181 pea mo te faikole fakaʼosi.
Vāhaʼa ʼo te ʼaho 12 ʼo Sūlio
Katiko 103
10 min: Te ʼu logo ʼo te kokelekasio. Lau ʼo te falā. Fakahā te ʼu puani tāfito ʼo te alatike “Te Polokalama Foʼou ʼo Te Fakatahi Faka Silikosipisio.”
15 min: “ ʼE Koutou Fiafia Anai Mo Kapau ʼe Koutou Teuteuʼi Fakatomuʼa.” Ko te akonaki pea mo he ʼu fakafehuʼi. Fakamahino pe koʼe ʼe maʼuhiga tāfito ke tou teuteuʼi tatatou gāue fai faka mafola, pea ʼe tokoni feafeaʼi mai ke tou fiafia ʼaupito ʼi tatatou gāue. (Vakaʼi te Manuel pour l’École, ʼi te pasina 38, ʼi te palakalafe 1 ki te 3.) Fakafehuʼi he kau fai faka mafola faiva e lua peʼe tolu, ke nātou fakamatala peʼe feafeaʼi tanatou teuteuʼi ʼi muʼa ʼo tanatou ʼolo ʼo faka mafola pea koteā tona ʼaoga kia nātou. Fakamatala te faʼifaʼitaki ʼaē ʼe tuʼu ʼi Te Tule Leʼo Fakafalani ʼo te ʼaho 15 ʼo ʼApelili 1993, ʼi te pasina 30, ʼaē ʼe hā mai ai peʼe feala feafeaʼi hakita fakaʼaogaʼi lelei te tohi Comment raisonner mokā kita teuteuʼi tokita minisitelio.
20 min: “Tou ‘Palalau Fakanounou!’ ” Fai palalau mo nātou ʼi te fono pea mo fai he ʼu faʼifaʼitaki. Toe vakaʼi te ʼu manatu takitahi ʼaē ʼe feala ke tou fai moʼo fakatupu te fia logo ʼa te hahaʼi. Kole ki he kau fai faka mafola faiva ke nātou fai he ʼu faʼifaʼitaki ʼaki he ʼu ʼuluaki palalau ʼe lave lelei. Fakaafe ia nātou ʼi te fono ke nātou fakahā he tahi ʼu manatu pea fakamatala he tahi faʼifaʼitaki ʼo ʼuhiga mo te meʼa ʼaē ʼe fua lelei ʼi te telituale ʼo te kokelekasio.
Katiko 183 pea mo te faikole fakaʼosi.
Vāhaʼa ʼo te ʼaho 19 ʼo Sūlio
Katiko 31
8 min: Te ʼu logo ʼo te kokelekasio. Te Tali Ki ʼAkotou ʼu Fehuʼi.
22 min: “Te ʼu Fakatahi Faka Tisitilike ʼo Te Taʼu 1999 ‘Te ʼu Folafola Faka Polofeta ʼa Te ʼAtua.’ ” (Palakalafe 1 ki te 13) Fai ʼaki he ʼu fehuʼi mo he ʼu tali. Lau te palakalafe 2 mo te 6, pea mo te 12. Fakatokagaʼi tāfito te ʼu tupuʼaga ʼo tatatou kau ki te ʼu ʼaho fuli ʼo te fakatahi, ʼo kau kiai mo te Feliaono.
15 min: ʼE Tonu Koa Ke ʼAu Hū Ki He Kautahi? Ko he fai palalau mo nātou ʼi te fono, ʼe fakatafito ki te tohi Comment raisonner ʼi te pasina 270 ki te 274. ʼE tou tau felāveʼi mo te hahaʼi ʼaē ʼe nātou fia fakalogo ki te logo ʼo ʼuhiga mo te Puleʼaga, kae ʼe nātou fehiʼa ki te manatu ʼaē ʼe tonu ke nātou “hū” ki he kautahi faka lotu. Toe vakaʼi te faka ʼuhiga ʼo te kupu “kautahi” pea mo te ʼu agaaga e fitu ʼaē ʼe fakaʼiloga ʼaki te kautahi fakakelekele ʼa Sehova. Fakamahino pe koʼe ʼe kehe ia mo te tahi ʼu lotu, pea he koʼe ʼe tou maʼu anai he ʼu tapuakina moʼoni mo kapau ʼe tou kau kiai.
Katiko 39 pea mo te faikole fakaʼosi.
Vāhaʼa ʼo te ʼaho 26 ʼo Sūlio
Katiko 184
8 min: Te ʼu logo ʼo te kokelekasio. Fakamanatuʼi ki te kau fai faka mafola fuli ke nātou foaki tanatou ʼu pepa tānaki gāue ʼo Sūlio.
22 min: “Te ʼu Fakatahi Faka Tisitilike ʼo Te Taʼu 1999 ‘Te ʼu Folafola Faka Polofeta ʼa Te ʼAtua.’ ” (Palakalafe 14 ki te 22) Fai ʼaki he ʼu fehuʼi mo he ʼu tali. Lau te palakalafe 15 ki te 17. Fakaʼaogaʼi te ʼu vaega ʼaē ʼe tohi ai peʼe talanoa kiai moʼo fakamahino pe koʼe ʼe maʼuhiga ke tou tokaga ki tatatou teu, mo te gaohi ʼo totatou ʼulu pea mo tatatou aga.
15 min: ʼE Tou Fai Koa Ni ʼu Tisipulo? Ko te tagata taupau ki te selevisi ʼe palalau mo te tagata faifekau faka minisitelio e tahi peʼe lua ʼo ʼuhiga mo te ʼu puani ʼi Te Tule Leʼo ʼo te ʼaho 15 ʼo Fepualio 1996, ʼi te pasina 19 ki te 22. Faka maʼuhigaʼi te ʼu tupuʼaga ʼaē ke tou kumi ʼi totatou telituale te hahaʼi ʼaē ʼe tāu mo te logo lelei pea ke tou fakaliliu nātou ko ni ʼu tisipulo. (Mat. 10:11) ʼE ʼi ai te hahaʼi ʼaē ʼe nātou maʼuli mamahi ʼuhi ko te ʼu agakovi fuli pea mo te aga heʼe faka lotu ʼaē ʼe hoko ʼi te malamanei, pea ʼe nātou fia kumi ia Sehova ʼi muʼa ʼo te hoko mai ʼo te ʼaho ʼo tona hāūhāū. (Esk. 9:4; Sof. 2:2, 3) Ia nātou ʼaia, ʼe kau ai ‘te hahaʼi ʼaē ʼe nātou tali lelei te maʼuli heʼegata.’ (Gaue 13:48, MN) Ko totatou maʼua ke tou fai ni ʼu tisipulo, pea ke tou akoʼi age kia nātou te ʼu meʼa fuli ʼaē neʼe fakatotonu mai e Sesu. (Mat. 24:14; 28:19, 20) Logope la ʼe tou fakatupu te fia logo ʼa te hahaʼi ʼi te fai faka mafola ʼi te ʼu ʼapi, mo te fagonogono faigamālie pea mo te fai faka mafola ʼi te ala, kae ko te fai ʼo ni ʼu tisipulo ʼe ko he gāue ʼe fai ʼaki te ʼu ʼaʼahi pea mo te ʼu ako Tohi-Tapu. Fakahā he ʼu tokoni ʼaoga moʼo fai ʼo te faʼahi ʼaia.
Katiko 14 pea mo te faikole fakaʼosi.