Te ʼu Tonu
◼ Te tufa ʼo te māhina ʼo ʼAukusito: Ko he ʼu kaupepa ʼe pasina 32 ki te 50: Te ʼu laumālie ʼo te kau mate—ʼE feala koa hanatou tokoniʼi koutou peʼe nātou fakahalaʼi koutou? ʼE nātou maʼuʼuli moʼoni koa?; ʼE tokaga moʼoni koa te ʼAtua kia tatou?; Te Kau Fakamoʼoni ʼa Sehova Logo Tahi Moʼo Fai ʼo Te Finegalo ʼo Te ʼAtua ʼi Te Malamanei; Kote puleaga ae ka ina fakatuu anai te Palatiso; Koteā ʼAē ʼe Fakamaʼua Mai e Te ʼAtua Kia Tatou?; Koteā ʼAē ʼe Hoko Kia Tatou Mokā Tou Mamate?; pea Mokā Mate He Tahi ʼe Tou ʼOfa Mamahi Ai. Sepetepeli: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. ʼOketopeli: Te Tule Leʼo pea mo te Réveillez-vous! ʼI takotou fai te ʼu ʼaʼahi, kapau ʼe ʼi ai he tahi ʼe ina fia lau, pea ʼe feala ke koutou ʼui age ke apone. Ko te apone ki Te Tule Leʼo pea mo te Réveillez-vous! ki te foʼi 1 000 takitahi ki te taʼu katoa peʼe ki te foʼi 500 takitahi kia māhina e ono. Novepeli: Koteā ʼAē ʼe Fakamaʼua Mai e Te ʼAtua Kia Tatou? pe ko te tohi Te ʼAtamai Mālama ʼAē ʼe Ina Taki Ki Te Maʼuli Heʼegata.
◼ ʼI te ʼu fenua fuli, ʼe ʼi ai te ʼu temi mālōlō ʼe mole ako ai te kau tūpulaga pea ʼe mole gāue ai tanatou ʼu mātuʼa. ʼE ko he ʼu faigamālie lelei ʼaia ki te kokelekasio ke nātou fakalahi ai tanatou gāue fai faka mafola. ʼE tonu ke fai e te ʼu tagata ʼāfea he ʼu fakatuʼutuʼu ʼo ʼuhiga mo te fai faka mafola ʼi te ʼu temi mālōlō ʼaia, pea mo nātou fakahā fakatomuʼa ki te kokelekasio.
◼ ʼE maʼu anai e te ʼu kokelekasio fuli te ʼu Pepa Inventaire (S-18) e tolu. ʼI te kamata ʼo ʼAukusito, ʼe tonu ke felāveʼi te sikalaipe ʼo te kokelekasio pea mo te tēhina ʼaē ʼe gāue ki te ʼu tohi ke nā fakatuʼutuʼu he ʼaho ke nā lau ai te ʼu tohi fuli ʼo te kokelekasio ʼi te fakaʼosi ʼo te māhina. ʼE tonu ke ʼiloʼi te ʼaluʼaga moʼoni ʼo te ʼu tohi ʼaē ʼe kei toe, pea ʼe tonu ke tohi ki te pepa ʼaē ʼe fakatuʼutuʼu kiai. ʼE feala ke fehuʼi ki te tēhina ʼaē ʼe tokaga ki te ʼu nusipepa, pe ko nusipepa ʼe fia ʼaē ʼe kei toe. ʼE kole atu kia koutou ke koutou momoli mai te pepa ki te Sosiete ʼi muʼa ʼo te ʼaho 6 ʼo Sepetepeli. Koutou taupau te lua pepa ʼo ʼai ki takotou ʼu tosie. Ko te tolu pepa ʼe feala anai ke fakaʼaogaʼi ko he pepa gāue. Ko te lau ʼaia ʼo te ʼu tohi ʼe tonu ke takitaki e te sikalaipe, pea ko te pepa ʼe tonu anai ke vakaʼi e te tagata taupau pelesita. Ko te sikalaipe pea mo te tagata taupau pelesita ʼe nā sinie anai te pepa ʼaia.
◼ ʼE tonu ke kamata fakaʼui e te ʼu kokelekasio te Kaletalio ʼa te kau Fakamoʼoni ʼa Sehova ki te taʼu 2000 ʼi tanatou pepa fakaʼui ʼo Sepetepeli.
◼ Kua Maʼu Te Tohi Foʼou:
Annuaire des Témoins de Jéhovah 1999—Fakafalani
◼ Te foʼi fime viteo foʼou:
Ko Noe—ʼE Haʼele Mo Te ʼAtua—Fakafalani