Tohi ʼo Te ʼu Fakamanatu ʼo Te Ako ʼo Te Minisitelio Faka Teokalatike
Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 3 ʼo Maio ʼo aʼu ki te vāhaʼa ʼo te ʼaho 23 ʼo ʼAukusito 1999. Koutou tali ʼo tohi ki he laupepa te ʼatu ʼu tali ʼo te ʼu fehuʼi ʼe koutou fealagia tona tali ʼi te kiʼi temi neʼe tuku mai.
[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]
Koutou tohi “moʼoni” peʼe “hala” ki te ʼu fehuʼi ʼaenī:
1. Kapau ʼe fia felogoi lelei te ʼu mātuʼa mo tanatou fānau, pea ʼe mole tonu ke nātou meʼa noaʼi te ʼu pelesepeto ʼo te Tohi-Tapu. [fy p. 108 § 14.]
2. Ko te kupu tāfito ʼo te Tohi-Tapu, ʼe ko te faka lākatonuʼi ʼo Sehova ʼaki te Puleʼaga ʼaē ʼe takitaki e te “hāko” ʼo te fakapapau. (Sen. 3:15) [si p. 17 § 30.]
3. ʼE mole lahi te ʼu fakamoʼoni faka alekeolosia pea mo faka hisitolia moʼo fakamoʼoni ki te ʼu meʼa ʼaē ʼe talanoa kiai ia Ekesote. [si p. 20 § 4.]
4. Logola ʼe mole fakahā mai e te Tohi-Tapu pe neʼe tali e Tina ke ina fai he ʼu felāveʼi fakasino, kae ʼe ko tana hala mo kapau neʼe fakaʼalikiʼi ia ia. (Sen. 34:1, 2) [Lau ʼo te Tohi-Tapu; vakaʼi te w85 15/6 p. 31 § 4.]
5. Logope la neʼe lototoʼa ʼo kole te sino ʼo Sesu ke tuku ki tona falemaka, kae neʼe tonu kia Sosefo Alimatea ke ina tauʼi tana mataku ki te kau Sutea. [it-2 p. 54 § 8.]
6. ʼI te kamata, ko te Sapato neʼe ko he fakaʼiloga ia Sehova pea mo te ʼu puleʼaga fuli. [Lau ʼo te Tohi-Tapu; vakaʼi te rs p. 343 § 3.]
7. Kapau kua feala ki he tamasiʼi ke ina fai he ʼu tonu ʼo ʼuhiga mo tona maʼuli, pea ʼe ko ia anai ʼaē ka hala mo kapau ʼe kovi te ʼu tonu ʼaē neʼe ina fai, kae tāfito ʼo ʼuhiga mo te lao fakaʼatua. (Loma 14:12) [fy p. 135 § 17.]
8. Logola ʼe maʼua ki te kau Fakamoʼoni ʼa Sehova ke nātou tohi ʼi te puleʼaga tonatou ʼuhiga kautahi faka lotu, kae ʼe mahino kia tatou ʼe mole ʼa te tagata pe ko he puleʼaga fakatagata te fakagafua ʼaē ke fai te tauhi maʼa. [jv p. 696 § 1.]
9. Ko te fakatotonu ʼaē ke tou feʼofani ia Soane 13:34, neʼe ko “he fakatotonu foʼou” he neʼe hoki fai ki muli age, ka kua ʼosi tohi te Lao ʼa Moisese. [jv p. 711 § 4.]
10. Neʼe mole mahino lelei te kau ʼapositolo ki te fakatuʼutuʼu ʼa te ʼAtua ke fakahū te kau Senitile ki te kokelekasio, pea neʼe hoki nātou mahino kiai ʼi tanatou sio ki te hoko moʼoni ʼo te ʼu lea faka polofeta. ʼO toe feiā pe mo te kau Fakamoʼoni ʼa Sehova, ʼe nātou ʼiloʼi ʼe ʼi ai te ʼu fetogi ʼo ʼuhiga mo tanatou mahino ki te ʼu fakatuʼutuʼu ʼa te ʼAtua, heʼe foaki mai e te ʼAtua te tahi ʼu faka mālamagia. [jv p. 629 §§ 5-6.]
Koutou tali ki te ʼu fehuʼi ʼaenī:
11. Koteā te manatu ʼa te kau Kilisitiano ʼo ʼuhiga mo te totogi ʼo he ʼu koloā neʼe kaihaʼa? (Ek. 22:1; Sel. 17:11) [Lau ʼo te Tohi-Tapu; vakaʼi te w92 15/6 p. 30 § 3; p. 31 §§ 1, 6-7.]
12. He koʼe neʼe fakagafua e Sehova ke maʼuli ia Satana te Tevolo? (Ek. 9:15, 16) [Lau ʼo te Tohi-Tapu; vakaʼi te w92 15/3 p. 10 § 14.]
13. Ka mahaki kovi he tahi ʼo tokita famili, koteā te ʼu meʼa ʼaē ʼe tonu ke ʼuluaki fai e te famili ke feala hanatou fakamuʼamuʼa te ʼu meʼa ʼaē ʼe maʼuhiga tāfito? (Taag. 15:22) [fy p. 122 § 14.]
14. He koʼe neʼe ʼui ko te puleʼaga ʼo Iselaele neʼe ko “he puleʼaga faka pelepitelo”? (Ek. 19:6) [Lau ʼo te Tohi-Tapu; vakaʼi te w95 1/7 p. 16 § 8.]
15. Ia Senesi 33:18, neʼe fakahā feafeaʼi e Sakopo neʼe mole fia fakakaugā mo te kau Kanaane? [Lau ʼo te Tohi-Tapu; vakaʼi te w95 15/9 p. 21 § 4.]
16. ʼE tatau feafeaʼi te ʼu gāue ʼa Sosefo ʼaē ʼe talanoa kiai ia Senesi 37:13 pea mo te ʼu gāue ʼa Sesu? [Lau ʼo te Tohi-Tapu; vakaʼi te w87 1/5 p. 12 § 12.]
17. Koteā te ʼu pilivilesio ia ʼaho nei neʼe fakatātā e te ʼu meʼa ʼaē neʼe “fai ʼo mulimuli pe kiai” e te kau Iselaele ʼo ʼuhiga mo te tapenakulo? (Ek. 39:32) [Lau ʼo te Tohi-Tapu; vakaʼi te w95 15/12 p. 12 § 9.]
18. He koʼe neʼe fakahā e Sehova ia ia totonu ʼo ina ʼui “ ʼe ʼau fakahā anai ia ʼau ohage pe ko taku fakahā anai ia ʼau”? (Ek. 3:14) [Lau ʼo te Tohi-Tapu; vakaʼi te w95 1/3 p. 10 § 6.]
19. Koteā ʼaē neʼe fakahoko ʼaki te ʼu tagi ʼaē neʼe fai ki te ʼu telepinale ʼo ʼuhiga mo te ʼu meʼa ʼaē neʼe fakatupu kovi ki te tauhi moʼoni? [jv p. 683 § 3.]
20. Ia ʼaho nei, koteā ʼaē ʼe ina faka fealagia kia nātou ʼaē ʼe nātou faʼufaʼu te kautahi faka Kilisitiano moʼoni, ke nātou mahino lelei ki te Folafola ʼa te ʼAtua? [jv p. 708 § 3.]
21. ʼI te ʼu ʼaho fakamuli, koteā te ʼu maʼua faka Tohi-Tapu ʼaē ʼe tonu ke mulimuli kiai te kautahi faka Kilisitiano moʼoni? [jv p. 706 § 3.]
Koutou fakakatoa te ʼu kupuʼi palalau ʼaenī:
22. Logope la ʼe mole ʼi ai he faitoʼo faka milakulo ki te nofo tokotahi, kae ʼe feala ki he tāmai pe ko he faʼe ʼe ina taupau tokotahi tana fānau, ke ina kātakiʼi te faʼahi ʼaia ʼaki te mālohi ʼaē ʼe haʼu mai ia ․․․․․․․․, pea ʼe feala ke ina maʼu te faʼahi ʼaia ʼaki he ʼu ․․․․․․․․ ʼe ina fai tuʼumaʼu. (1 Tim. 5:5) [fy p. 112 § 21.]
23. ʼI Sūlio ʼo te taʼu 1917, ʼi te ʼosi mate ʼa Russell, neʼe tā e te Sosiete Watch Tower te tohi ․․․․․․․․ ʼaē ʼe ina fakamahino ai te ․․․․․․․․ mo ․․․․․․․․ pea mo ․․․․․․․․ . [jv p. 647 § 1.]
24. Ko te tohi ʼo Ekesote ʼe ina fakahā mai ko Sehova ʼe ko te ․․․․․․․․ lahi, ʼe ina ․․․․․․․․ , pea ʼe ina ․․․․․․․․ tana ʼu fakatuʼutuʼu lahi. [si p. 24 § 26.]
25. Lolotoga te taʼu ․․․․․․․․ , neʼe sinie te fuakava e te ․․․․․․․․ pea mo te Siamani Nasi, pea neʼe fai e Itilele tana ʼu fakatuʼutuʼu ke ina molehi te kau ․․․․․․․․ ʼi Siamani. [jv p. 659 § 2.]
26. Ko te pelesepeto ʼaē ʼe tou maʼu ia Senesi 20:3 ʼe ina fakahā mai ʼe kovi te ․․․․․․․․ . [si p. 18, te talanoa.]
Koutou fakaʼiloga te ʼu tali ʼaē ʼe totonu:
27. Ko “te ʼu taʼu e fāgeau” ʼaē neʼe fakamamahiʼi ai te hāko ʼa Apalahamo, neʼe kamata ʼi te temi ʼaē neʼe manukiʼi ai e Isimaele ia Isaake ʼi te taʼu (1943 ʼi muʼa ʼo totatou temi; 1919 ʼi muʼa ʼo totatou temi; 1913 ʼi muʼa ʼo totatou temi) pea neʼe fakaʼosi ʼaki te faka ʼāteaina ʼa te kau Iselaele mai Esipito ʼi te (1543 ʼi muʼa ʼo totatou temi; 1519 ʼi muʼa ʼo totatou temi; 1513 ʼi muʼa ʼo totatou temi). (Sen. 15:13) [si p. 17 § 31.]
28. Tatau aipe peʼe lava kātakiʼi e he famili he mahaki kovi peʼe kailoa, kae ko te faʼahi ʼaia ʼe fakalogo tāfito ki (te falā; te faʼahiga manatu; te ʼu polices dʼassurance) ʼaē ʼe nātou maʼu. (Taag. 17:22) [fy p. 120 § 10.]
29. Ko te meʼa ʼaē neʼe tokoni kia Sosefo ke ina lava tekeʼi te ʼu fakahala ʼaē neʼe fai ki ai, neʼe ko (tana fakalogo ki te Lao Faka Moisese; tana tui moʼoni ki te ʼAtua pea mo tana mataku ʼaē naʼa ina fai he meʼa ʼe mole leleiʼia e te ʼAtua; tana mataku ʼaē naʼa tauteaʼi). (Sen. 39:9) [Lau ʼo te Tohi-Tapu; vakaʼi te w81 15/5 p. 7 § 2.]
Koutou fakatahiʼi te ʼu vaega ʼaē ʼe ʼalutahi mo te ʼu kupuʼi palalau:
Ek. 5:2; Ek. 21:29; Fkau. 16:3; Kal. 5:20; Skp. 1:14, 15; Taag. 1:8
30. Ko te kau kaugana ʼa Sehova ʼe tonu ke nātou feʼofaʼofani pea mo nātou fetokoniʼaki; ko te muhumuhu ʼe feala ke fakatupu kovi ki tanatou ʼu felogoi. [it-2 p. 712 § 11.]
31. ʼE feala ke fakamavae he tahi ʼe ina ʼui ko he Kilisitiano, kae ʼe ʼita tuʼumaʼu pe pea ʼe mole fakahemala ki tana ʼu aga mālohi, ohage la ko he tā ʼo he tahi ʼo tona famili. [fy p. 150 § 23.]
32. ʼE fakalogo tatatou aga ki te faʼahiga manatu ʼaē ʼe tou maʼu. [fy p. 148 § 18.]
33. Ko Sehova ʼAtua ʼe ina fakamālaloʼi ia nātou fuli ʼaē ʼe nātou fakafisi katoa ki tona ʼuhiga ʼAtua. [Lau ʼo te Tohi-Tapu; vakaʼi te w92 15/12 p. 13 § 18.]
34. Logope la ʼe ʼui e te Tohi-Tapu ʼe ko te Tāmai ʼaē ʼe ʼuluaki maʼua kiai ke ina ako te fānau, kae ʼe toe maʼuhiga foki mo te gāue ʼa te faʼe ʼi te faʼahi ʼaia. [fy p. 133 § 12.]
35. Neʼe mole fakagafua e te Lao ke fai he manavaʼofa ki he tagata neʼe mate ai he tahi ʼuhi ko tana fakaʼaoʼaoganoa. [Lau ʼo te Tohi-Tapu; vakaʼi te w95 15/11 p. 11 § 5.]