Te ʼu Tonu

◼ Te tufa ʼo te māhina ʼo Sepetepeli: Te ʼAtamai Mālama ʼAē ʼe Ina Taki Ki Te Maʼuli Heʼegata ki te 150. ʼOketopeli: Te Tule Leʼo pea mo te Réveillez-vous! ʼI takotou fai te ʼu ʼaʼahi, kapau ʼe ʼi ai he tahi ʼe ina fia lau, pea ʼe feala ke koutou ʼui age ke apone. Ko te apone ki Te Tule Leʼo pea mo te Réveillez-vous! ki te foʼi 1 000 takitahi ki te taʼu katoa peʼe ki te foʼi 500 takitahi kia māhina e ono. Novepeli: Koteā ʼAē ʼe Fakamaʼua Mai e Te ʼAtua Kia Tatou? peʼe ko te tohi Te ʼAtamai Mālama ʼAē ʼe Ina Taki Ki Te Maʼuli Heʼegata. Tesepeli: Te ʼAtamai Mālama ʼAē ʼe Ina Taki Ki Te Maʼuli Heʼegata pea mo Les Saintes Écritures — Traduction du monde nouveau.

◼ Ko te taupau pelesita peʼe ko he tahi neʼe ina hinoʼi ʼe tonu ke ina vakaʼi te falā ʼo te kokelekasio ʼi te ʼaho 1 ʼo Sepetepeli peʼe ʼi te hili pe ʼo te ʼaho ʼaia. Ka ʼosi fai te faʼahi ʼaia, pea ʼe fakahā anai ki te kokelekasio ʼi te māhina ʼaē ʼe hoa mai kiai.

◼ ʼE fakamanatuʼi ki te kau tagata ʼāfea ke nātou mulimuli ki te ʼu tokoni ʼaē neʼe fai ʼi Te Tule Leʼo Fakafalani ʼo te ʼaho 15 ʼo ʼApelili 1991, ʼi te pasina 21 ki te 23, ʼo ʼuhiga mo nātou ʼaē neʼe fakamavae pea kua nātou fakaʼamu ke nātou toe liliu mai ki te kokelekasio.

◼ Ko nātou ʼaē ʼe kau ʼi he kokelekasio, ʼe tonu ke nātou momoli tanatou ʼu apone ʼo Te Tule Leʼo pea mo te Réveillez-vous! ʼaki te kokelekasio.

◼ ʼE mole fai e te Sosiete he pepa fakaʼui tohi maʼa te kau fai faka mafola takitokotahi. ʼE tonu ke fai e te taupau pelesita he ʼu fakatuʼutuʼu ke tala ʼi te māhina fuli ki te kokelekasio, ʼe momoli anai te pepa fakaʼui tohi ki te Sosiete, ke feala kia nātou fuli ʼaē ʼe nātou fia fai hanatou ʼu tohi foʼou ke nātou fakalavelave ki te tēhina ʼaē ʼe gāue ʼi te ʼu tohi. Koutou manatuʼi pe ko te ʼu tohi fea ʼaē ʼe faka tuʼakoi tona fakaʼui.

◼ Ko te ʼu Fakatahi Faka Tisitilike Pea mo Faka Malamanei ʼo te taʼu 1998, “Te Faʼahiga Maʼuli ʼAē ʼe Fakamaʼua Mai e te ʼAtua,” neʼe ko he tapuakina moʼoni maʼa nātou fuli ʼaē neʼe kau ai. Neʼe kau ai te toko 2 764 kau misionea pea mo te kau gāue laga fale feʼoloʼaki ʼaē neʼe feala ke nātou liliu ki tonatou fenua ʼaki te tokoni ʼo te ʼu meʼa ʼofa ʼaē neʼe fai e te ʼu kokelekasio. ʼE fakamālo ʼaupito ki te ʼu tēhina mo tuagaʼane ki tanatou lagolago ki te fakatuʼutuʼu ʼaia. ʼI te kua ʼosi ʼo te ʼu fakatahi ʼaia, ko te falā ʼaē ʼe kei toe ʼe fakaʼaogaʼi anai ki te fakaʼaluʼalu ʼo te gāue fai faka mafola ʼi te malamanei katoa.