Te ʼu Fono Gāue ʼo Oketopeli
Vāhaʼa ʼo te ʼaho 4 ʼo ʼOketopeli
Katiko 161
10 min: Te ʼu logo ʼo te kokelekasio. Te ʼu Tonu.
17 min: “Koteā Takotou ʼu Fakatuʼutuʼu Ki Te Temi Māfana?” Faka tuʼakoi te ʼu ʼuluaki palalau ke minuta tahi, pea hoko atu ʼaki he ʼu fehuʼi pea mo he ʼu tali. Faka ʼalutahi te alatike pea mo te ʼu meʼa ʼaē ʼe ʼaoga ki te kokelekasio.
18 min: Koutou manatuʼi te ʼu nusipepa! Fakahā te katoa ʼo te ʼu nusipepa ʼaē neʼe tufa e te kokelekasio ʼi te māhina kua ʼosi. Koteā tona kehekehe mo te katoa ʼo te ʼu nusipepa ʼaē ʼe momoli mai e te Sosiete? Kapau ʼe lahi te kehekehe ʼaia, pea koteā ʼaē ʼe tonu ke fai? Fakaafe te kokelekasio ke nātou talanoa ki te ʼu puani ʼaenī: (1) ʼE tonu ke tahi fakaʼui e te kau fai faka mafola hanatou ʼu nusipepa ʼe feʼauga kae mole lahi fau. (2) Ko te Moeaki fuli ʼe ko te ʼAho ʼo te ʼu Nusipepa. (3) Koutou fakatuʼutuʼu takotou polokalama ke koutou tufa te ʼu nusipepa ʼi te māhina fuli. (4) Koutou faiga ke lahi age takotou fakaʼaogaʼi te ʼu nusipepa ʼi te fagonogono faigamālie moʼo kamata ʼaki he ʼu fai palalau. (5) Koutou ʼave te ʼu alatike faigataʼa ki te hahaʼi faifakatau ʼaē ʼe nātou leleiʼia te taʼi alatike ʼaia. (6) Koutou tohi lelei te ʼu nusipepa ʼaē ʼe koutou tufa, pea koutou fai he ʼu ʼaʼahi moʼo tuku te ʼu nusipepa foʼou. (7) Koutou tufa mo te ʼu nusipepa kua ʼāfea, naʼa tapuke te ʼu nusipepa iō koutou. Koutou fakahā te ʼu nusipepa ʼaē neʼe hoki maʼu, pea mo koutou fakahā te ʼu alatike ʼaē ʼe koutou mahalo ʼe fia lau anai te hahaʼi. Kole ki he tēhina pea mo he tūpulaga ke nā tahi fai he kiʼi faʼifaʼitaki ʼo ʼuhiga mo te ʼu nusipepa.—Vakaʼi te pepa ʼaē ʼe ʼalutahi mo Te Minisitelio ʼo Te Puleʼaga ʼo Sepetepeli 1995.
Katiko 105 pea mo te faikole fakaʼosi.
Vāhaʼa ʼo te ʼaho 11 ʼo ʼOketopeli
Katiko 5
10 min: Te ʼu logo ʼo te kokelekasio. Lau ʼo te falā.
15 min: Ko he akonaki ʼe ʼaoga ki te kokelekasio.
20 min: “Tou Fiafia Lahi Mokā Tou Kau ʼi Te ʼu Fono.” ʼO fai ʼaki he ʼu fehuʼi pea mo he ʼu tali. Fakahā he ʼu faʼifaʼitaki ʼe hā ai peʼe lava feafeaʼi hatatou fetokagaʼaki pea mo fefakaloto mālohiʼaki ʼi te ʼu fono. Fakaafe te kokelekasio ke nātou fakamatala te ʼu meʼa ʼaē neʼe hoko kia nātou ʼi te faʼahi ʼaia.
Katiko 64 pea mo te faikole fakaʼosi.
Vāhaʼa ʼo te ʼaho 18 ʼo ʼOketopeli
Katiko 196
10 min: Te ʼu logo ʼo te kokelekasio pea mo he ʼu fakamatala ʼo ʼuhiga mo te fai faka mafola.
13 min: “ ʼE Koutou Fetogi ʼApi Koa?” Ko he akonaki fakaloto mālohi ʼe fai e te tēhina sikalaipe. Ka fia fetogi kokelekasio ʼihi kau fai faka mafola, pea ʼe maʼuhiga ke nātou fīmālie ʼi tonatou telituale foʼou ke ʼaua naʼa fua kovi kia nātou ʼi te faʼahi fakalaumālie. Talanoa ki te maʼuhiga ʼaē ke nātou fakahā te faʼahi ʼaia ki te kau tagata ʼāfea, pea mo nātou kole tokoni kia nātou moʼo felogoi mo te kokelekasio foʼou.
22 min: “Ko He Meʼa Gāue Moʼo Fakahā Te ʼAtamai Mālama Fakaʼatua.” ʼO fai ʼaki he ʼu fehuʼi pea mo he ʼu tali. Fai he faʼifaʼitaki neʼe teuteuʼi lelei ʼo fakatafito ki te palakalafe 6.
Katiko 7 pea mo te faikole fakaʼosi.
Vāhaʼa ʼo te ʼaho 25 ʼo ʼOketopeli
Katiko 8
15 min: Te ʼu logo ki te kokelekasio. Tokoni ki te kokelekasio ke nātou tufa te kaupepa Fakamaʼua pea mo te tohi ʼAtamai Mālama ʼi te māhina ʼo Novepeli. Fakahā peʼe feafeaʼi te fai ʼo he ʼu palalau ʼo ʼuhiga mo te fehuʼi ʼaenī, “ ʼE tali koa e te ʼu ʼAtua te ʼu faikole?” Fakaʼaogaʼi te ʼu manatu ʼo te ako 7 ʼo te kaupepa peʼe ko te kapite 16 ʼo te tohi, ʼi te palakalafe 12 ki te 14. Fai he faʼifaʼitaki faigafua ʼe fakaʼaogaʼi ai te vaega faka Tohi-Tapu e tahi. Fakahā te ʼu fakatuʼutuʼu ki te fai faka mafola ʼi te ʼaho mālōlō ʼo te ʼuluaki ʼaho ʼo Novepeli.
15 min: Tou Maʼu He ʼu Tali Ki Te ʼu Fehuʼi Faka Tohi-Tapu. ʼE ʼalu te kaugā fai faka mafola ki he tagata faifekau faka minisitelio, he neʼe felāveʼi mo he tahi neʼe ina lagaʼi he fehuʼi faka Tohi-Tapu. ʼE mole foaki atu aipe e te tagata faifekau faka minisitelio te tali ki te fehuʼi ʼaia, kae ʼe ina fakamahino age peʼe feafeaʼi te maʼu ʼo te tali. ʼUluaki ʼe ina toe vakaʼi te tokoni ʼaē ʼe fai ʼi te tohi Manuel pour l’École, ʼi te ako 7, ʼi te palakalafe 8 ki te 9. ʼOsi ʼaia, pea nā kumi he fehuʼi ʼe tau fai e te hahaʼi ʼo te telituale. ʼE nā vakaʼi te ʼu alatike ʼaē ʼe talanoa ki te faʼahi ʼaia, pea nā maʼu he ʼu puani ʼe nātou tali ki te fehuʼi faka Tohi-Tapu. Fakaloto mālohi te kokelekasio ke nātou fai feiā moʼo kumi he ʼu tali ki te ʼu fehuʼi faka Tohi-Tapu.
15 min: Ko He ʼu Fakatuʼutuʼu ʼe Feala Ke Kita Fai. Ko te akonaki pea mo he fai palalau mo te kokelekasio. Toe vakaʼi te ʼu fakatuʼutuʼu ʼaē neʼe fakahā ʼi te kiʼi talanoa ʼo Te Tule Leʼo ʼo te ʼaho 15 ʼo Malesio 1997, ʼi te pasina 11. Fakaloto mālohiʼi te kokelekasio ke nātou kau ʼi te selevisi pionie vaeluaʼi temi peʼe temi katoa. Fakamahino pe koteā te ʼu fua lelei ʼaē ʼe kita maʼu mokā kita fakahoko te ʼu fakatuʼutuʼu ʼaia. Fakaafe te kokelekasio ke nātou fakamatala te ʼu meʼa fakafiafia ʼaē neʼe hoko kia nātou ʼi te temi ʼaē neʼe nātou fakahoko ai tanatou ʼu fakatuʼutuʼu faka teokalatike.
Katiko 151 pea mo te faikole fakaʼosi.