Te ʼu Tonu

◼ Te tufa ʼo Tesepeli: Te ʼAtamai Mālama ʼAē ʼe Ina Taki Ki Te Maʼuli Heʼegata pea mo te Traduction du monde nouveau ki te 750. Kapau ʼe fakafisi kiai te hahaʼi, pea ʼe feala ke tufa ki te 400 te tohi Te tagata ʼaē ʼe lahi tokotahi ʼo te ʼu temi fuli. Sanualio: Te tagata ʼaē ʼe lahi tokotahi ʼo te ʼu temi fuli. Fepualio: Te Kalavi ʼo Te Manuʼia Faka Famili. Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke tou kamata he ʼu ako Tohi-Tapu.

◼ ʼE tonu ke kamata fakaʼui e te ʼu kokelekasio te ʼu foʼi tohi ʼo Te Tule Leʼo pea mo te Réveillez-vous! ʼo te taʼu 1999 ʼi tanatou pepa fakaʼui tohi ʼo Tesepeli. ʼE maʼu anai te ʼu tohi ʼaia ʼi te Fakapilitānia, mo te Fakafalani pea mo te Fakaʼuvea. ʼO aʼu ki te momoli atu ʼo te ʼu tohi ʼaia, ʼe tohi anai “en attente” ʼi te ʼu factures ʼo te kokelekasio. Ko te ʼu tohi ʼaia ʼe tonu ke fakaʼui.

◼ Ko te taupau pelesita peʼe ko he tahi neʼe ina hinoʼi, ʼe tonu ke ina vakaʼi te falā ʼo te kokelekasio ʼi te ʼaho 1 ʼo Tesepeli peʼe ʼi te hili pe ʼo te ʼaho ʼaia. Ka ʼosi fai te faʼahi ʼaia, pea ʼe fakahā anai ki te kokelekasio ʼi te māhina ʼaē ʼe hoa mai kiai.

◼ Ko te ʼAho Fakamanatu ʼo te taʼu 2001 ʼe fai anai ʼi te ʼAhotapu, ʼaho 8 ʼo ʼApelili, ʼi te ʼosi tō ʼo te laʼā. Mai tona ʼuhiga ʼaē ʼe maʼuhiga te ʼaho ʼaia, koia ʼe filifili anai e te kolesi ʼo te kau tagata ʼāfea, he tagata ʼāfea ʼe poto lelei ʼi te faiakonaki, kae mole nātou fesuisuiʼaki, peʼe nātou fakaʼaogaʼi te tēhina māhani ʼi te taʼu fuli. Kae kapau ʼe ʼi ai he tagata ʼāfea fakanofo ʼe feala ke ina fai te akonaki, pea ʼe mole ʼaoga anai te tokoni ʼaē neʼe fai ʼi ʼoluga.

◼ Te ʼu Tohi Foʼou:

Kaletalio 2000​—⁠Fakapilitānia, Fakafalani

T-71 Le destin dirige-t-il votre vie ?​—⁠Fakafalani