Te Fakamanatu ʼo Te Ako ʼo Te Minisitelio Faka Teokalatike

Ko te fakamanatu ʼo te ʼu puani neʼe vakaʼi ʼi te lolotoga ʼo te Ako ʼo te minisitelio faka teokalatike ʼo te vāhaʼa ʼo te ʼaho 6 ʼo Sepetepeli ʼo aʼu ki te vāhaʼa ʼo te ʼaho 20 ʼo Tesepeli 1999. Koutou fakaʼaogai he tahi pepa moʼo tali ki te ʼu fehuʼi ʼaē ʼe koutou lava tali kiai ʼi te temi ʼaē kua faka tuʼakoi kiai.

[Nota: ʼI te lolotoga ʼo te fakamanatu, koutou fakaʼaogaʼi pe te Tohi-Tapu. Ko te ʼu kumiʼaga ʼaē ʼe foaki ʼi te ʼu fakaʼosi fehuʼi ʼe faka faigafua ki ʼakotou ʼu kumi takitokotahi. Ko te ʼu numelo ʼo te ʼu pasina pea mo te ʼu palakalafe ʼe mole fakahā tuʼumaʼu pe ki te ʼu kumiʼaga ʼo Te Tule Leʼo.]

Koutou tohi “moʼoni” peʼe “hala” ki te ʼu fehuʼi ʼaenī:

1. Neʼe tohi e Moisese te tohi ʼo Levitike ʼi te taʼu 1513 ʼi muʼa ʼo totatou temi. [si p. 25 §§ 3-4.]

2. Neʼe mole fakatokatoka te tokakovi ʼaē ʼe talanoa kiai ia Gaue 15:36-​41, ʼaē neʼe hoko ʼi te ʼita ʼa Paulo kia Maleko. [it-2 p. 216 § 4.]

3. Ko te ʼu mātuʼa ʼe nātou haga fai tanatou ʼu felogoi mo tanatou ʼu fānau ʼaē kua ʼohoana, kae ʼe tonu ke nātou mulimuli lelei ki te ʼu pelesepeto fakaʼatua ʼo ʼuhiga mo te pule ʼo te famili pea mo te tuʼulaga ʼo nātou takitokotahi. (Sen. 2:​24; 1 Ko. 11:3; 14:33, 40) [fy p. 164 § 6.]

4. Neʼe mole ʼui tuʼumaʼu e Sehova ke tohi ki te Tohi-Tapu, te ʼu palalau ʼaē neʼe ina fai e ia totonu. (2 Tim. 3:​16) [w97 15/6 p. 5 § 3.]

5. Kapau ko he Kilisitiano ʼo te kalasi ʼo te tahi ʼu ōvi ʼe mole feala ke kau ki te Fakamanatu ʼo te mate ʼa Sesu, pea ʼe tonu ke ina fai te fakamanatu ʼaia mokā hili kiai he māhina katoa, ʼo mulimuli ki te pelesepeto ʼo Faka au 9:​10, 11. (Soane 10:16) [Lau te Tohi-Tapu; vakaʼi te w93 1/2 p. 31 § 9.]

6. Logola ko te ʼu kui ʼaē ʼi te moʼoni ʼe mole nātou toʼo anai te tuʼulaga ʼo te tāmai pea mo te faʼe, ʼo ʼuhiga mo te akoʼi ʼo te ʼu moʼoni faka Tohi-Tapu ki tonatou ʼu mokopuna, kae ʼe feala ke nātou lagolago ki te faʼahi ʼaia, moʼo fakatuputupu te maʼuli fakalaumālie ʼo tonatou ʼu mokopuna. (Teu. 6:7; 2 Tim. 1:5; 3:​14, 15) [fy p. 168 § 15.]

7. Ko te meʼa ʼaē ʼe feala ke ina uga tāfito tatou ke tou tala tuʼumaʼu te moʼoni, ʼe ko tatatou fia fakafiafia te loto ʼo totatou Tupuʼaga. (Taag. 6:​17) [g97 22/2 p. 19 § 5.]

8. Ka tou faikole, pea ʼe tonu ke makehe tatatou ʼu palalau, ke ‘leleiʼia e Sehova te ʼu palalau ʼo totatou gutu pea mo te metitasio ʼo totatou loto.’ (Pes. 19:14) [w97 1/7 p. 29 §§ 4-5.]

9. Ia Luka 8:​48, neʼe ʼui e Sesu “kua fakamauli koe e tau tui,” ko tona faka ʼuhiga neʼe maʼua ki te fafine mahaki ʼaia, ʼi muʼa ʼo hona fakamālōlō e Sesu, ke ina fakahā ʼe tui ko ia te Mesia. [w97 1/7 p. 4 §§ 2-4.]

10. Ko Senesi 11:1 ʼe kau ʼi te ʼu vaega faka Tohi-Tapu ʼaē ʼe nātou fakaʼaogaʼi te kupu “kele” moʼo faka ʼuhiga ki te hahaʼi, peʼe ko te sosiete fakatagata. [g97 8/1 p. 27 § 3.]

Koutou tali ki te ʼu fehuʼi ʼaenī:

11. Koteā ʼaē ʼe fakatātā e te ʼu pane fakatupu e lua, ʼaē neʼe momoli e te pelepitelo lahi lolotoga te Lafeti ʼo te Penikosite? (Lev. 23:15-​17) [Lau ʼo te Tohi-Tapu; vakaʼi te w98 1/3 p. 13 § 21.]

12. Ko ʼanafea ʼaē neʼe kamata ai te Supileo Faka Kilisitiano, pea koteā te ʼāteaina ʼaē neʼe hoko ʼi te temi ʼaia? (Lev. 25:10) [Lau ʼo te Tohi-Tapu; vakaʼi te w95 15/5 p. 24 § 14.]

13. ʼO mulimuli ki te ʼu fakamatala ʼo te tohi ʼo Faka au, koteā te ʼu meʼa e tolu ʼaē neʼe fakalogo kiai te hāofaki ʼo te hahaʼi? [si p. 30 § 1.]

14. Koteā te faʼifaʼitaki lelei ʼaē neʼe fakahā ai e Moisese ʼe mole ko he tagata maheka? (Fkau. 11:29) [Lau ʼo te Tohi-Tapu; vakaʼi te w95 15/9 p. 18 § 11.]

15. Koteā tona ʼaoga kia tatou te tapu ʼaē neʼe fai ki te Sutea ia Levitike 3⁠:​17, ke mole nātou kai te gakoʼi manu? [Lau ʼo te Tohi-Tapu; vakaʼi te w84 15/5 p. 27 § 3.]

16. Ia Mateo 15:​3-6 mo 1 Timoteo 5:​4, koteā te ʼu faʼahi e lua ʼaē ʼe fakahā ai ʼo ʼuhiga mo te fakaʼapaʼapa ki te ʼu mātuʼa? [fy pp. 173-5 §§ 2-5.]

17. Ia Levitike 10:​1, 2, koteā te ako ʼaē ʼe tou maʼu ʼi te meʼa ʼaē neʼe hoko ia Natape pea mo Apihu? [Lau ʼo te Tohi-Tapu; vakaʼi te w84 15/5 p. 27 § 4.]

18. ʼI te Lao Faka Moisese, he koʼe neʼe ʼui ʼe “heʼemaʼa” he fafine, mokā ina fānauʼi hana tamasiʼi? (Lev. 12:​2, 5) [Lau ʼo te Tohi-Tapu; vakaʼi te w84 15/5 p. 27 § 6.]

19. Koteā ʼaē ʼe fai e te kau Kilisitiano ke nātou ‘tokaga kia nātou totonu pea mo nofo ʼalaʼala’? (Luka 21:34, 36) [jv p. 714 § 4.]

20. ʼE tou ʼiloʼi feafeaʼi ko Loise pea mo Enise, neʼe nā akoʼi te Tohi-Tapu kia Timoteo? [it-2 p. 162 § 8.]

21. Koteā ʼaē ʼe mahino mai kia tatou ʼi te fakahā mai e Moisese te taʼu, te ʼu māhina pea mo te ʼu ʼaho ʼo ʼuhiga mo te Tulivio ʼaē neʼe hoko ʼi te temi ʼo Noe? [g97 8/2 p. 27 § 1.]

22. He koʼe neʼe ʼui e Sehova kia Paulo: “E feauga mo koe toku kalasia”? (2 Ko. 12:9) [w97 1/6 p. 25 § 3.]

Koutou fakakatoa te ʼu kupuʼi palalau ʼaenī:

23. Ko Malia te faʼe ʼa Sesu neʼe kau ʼi te telepi ʼo ․․․․․․․․ pea neʼe kau ʼi te hōloga ʼo Tavite; koia neʼe feala ai kia Sesu mai ․․․․․․․․ ke ina maʼu “te afioʼaga o Tavite tana tamai.” (Luka 1:​32) [it-2 p. 227 § 7.]

24. Ko te tohi ʼo Levitike ʼe ina faka maʼuhigaʼi te ․․․․․․․․ ʼo te toto, pea ʼe ina fakahā mai ko te meʼa pe e tahi neʼe feala ke fakaʼaogaʼi kiai, ʼe ko ․․․․․․․․ [si p. 29 § 33.]

25. ʼE maʼuhiga te ․․․․․․․․ moʼo gāueʼi tokita ․․․․․․․․ ke ʼalutahi mo te ʼu meʼa ʼaē ʼe loto kiai te ʼAtua. [w97 1/8 p. 4 § 5.]

26. Kapau ʼe tou mahalohalo ․․․․․․․․ ʼo ʼuhiga mo ʼihi, ka mole hona tupuʼaga ․․․․․․․․ , pea ʼe hage ia ʼe tou fakamāuʼi nātou. [w97 15/5 p. 26 § 5.]

Koutou fakaʼiloga te ʼu tali ʼaē ʼe totonu:

27. Tuʼa tahi ʼi te taʼu, ʼi te (Lafeti ʼo te ʼu Fale Lau; ʼAho ʼo te ʼu Faifakalelei; Pāsikate), ko te puleʼaga katoa ʼo Iselaele, pea mo te kau matāpule ʼaē neʼe tauhi kia Sehova, neʼe tonu ke nātou (tuku tanatou ʼu gāue fuli; totogi te time; fai he ʼu mōlaga ʼaki te ʼu ʼuluaki fua ʼo tanatou ʼu gāue) pea ke nātou sesunio. (Lev. 16:29-​31) [Lau ʼo te Tohi-Tapu; vakaʼi te w96 1/7 p. 10 § 12.]

28. ʼI te Tohi-Tapu, ʼe ko te tohi ʼo (Senesi; Ekesote; Levitike) ʼaē ʼe lahi tāfito tana fakamaʼua mai ke tou maʼoniʼoni. [si p. 26 § 9.]

29. Ia Soane 8:​32, ko te ʼāteaina ʼaē neʼe manatu kiai Sesu, ʼe ko te ʼāteaina mai (te pule ʼa te kau Loma; te ʼu meʼa faifakalauʼakau; te agahala pea mo te mate). [w97 1/2 p. 5 § 1.]

30. Neʼe fakamaʼua ki te kau Iselaelite “ke nātou ʼai te kiʼi moʼi filo ʼuʼui ʼi ʼoluga ʼo tonatou tapaʼi kofu” (heʼe ko he meʼa taputapu; ko he fakaʼiloga ʼo tanatou aga fakapoipoi; ke nātou manatuʼi ʼe mole nātou kau ʼi te mālama, heʼe ko nātou ko te hahaʼi ʼa Sehova). (Fkau. 15:38, 39) [Lau ʼo te Tohi-Tapu; vakaʼi te w84 15/1 p. 20 § 16.]

Koutou fakatahiʼi te ʼu vaega ʼaē ʼe ʼalutahi mo te ʼu kupuʼi palalau ʼaenī:

Fkau. 16:41, 49; Mat. 19:9; Luka 2:​36-​38; 2 Tim. 3:​16; Kol. 3:​14

31. Kapau ʼe tou fia maʼu te maʼuli heʼegata, pea ʼe maʼua ke tou mahino ki te ʼu akonaki ʼo te Folafola ʼo te ʼAtua, te Tohi-Tapu. [w97 15/8 p. 6 § 5.]

32. ʼE ʼui e te Tohi-Tapu, ʼe hoki feala pe ke mavete he tahi, pea toe ʼohoana, mo kapau neʼe hoko he folonikasio. [fy pp. 158-9 § 15.]

33. Kapau ko he tahi ʼe lahi tana ʼu gāue faka teokalatike, pea ʼe feala anai hana kātakiʼi te mate ʼo tona ʼohoana, tatau aipe pe kua mate talu mai fualoa. [fy pp. 170-1 § 21.]

34. ʼE feala ke tauteaʼi tatou, mo kapau ʼe tou meo ʼo ʼuhiga mo te faʼahiga fai ʼa Sehova tana faitotonu, ʼaki tana ʼu kaugana ʼaē neʼe ina fili. [Lau ʼo te Tohi-Tapu; vakaʼi te w96 15/6 p. 21 § 13.]

35. Ko te ʼofa moʼoni, ʼe ina faka logo tahi he taumatuʼa, pea ʼe ina uga nāua ke nā feagaleleiʼaki pea mo nā agalelei ki tanā fānau. [fy p. 187 § 11.]