Polokalama ʼo Te Fono Gāue
NOTA: ʼO kamata atu ʼi Te Minisitelio ʼo Te Puleʼaga ʼaenī, ʼe hilifaki anai ki te Polokalama ʼo Te Fono Gāue te fakatuʼutuʼu ʼo te ʼuluaki fono gāue ʼo te māhina ʼaē ʼe hoa mai kiai. ʼE fai te fetogi ʼaia ke feala he teuteuʼi ʼo te fono tatau aipe peʼe momoli tuai mai Te Minisitelio ʼo Te Puleʼaga ʼuhi ko te fakatuʼutuʼu foʼou ki te ʼu meʼa ʼaē ʼe momoli mai.
Vāhaʼa ʼo te ʼaho 6 ʼo Tesepeli
Katiko 207
10 min: Te ʼu logo ʼo te kokelekasio. Te ʼu Tonu.
15 min: “Tou Faʼifaʼitakiʼi Te Mole Fakapalatahi ʼa Sehova.” Faka tuʼakoi te ʼu ʼuluaki palalau ke minuta tahi, pea hoko atu ʼaki he ʼu fehuʼi pea mo he ʼu tali. Fakamahino pe koteā te ʼuhiga ʼo te heʼe fakapalatahi, pea ʼe fakahā feafeaʼi e Sehova te kalitate ʼaia, pea e feafeaʼi hatatou fakahā te kalitate ʼaia ʼi totatou minisitelio.—Vakaʼi te tohi Étude perspicace, tohi 1, ʼi te pasina 1176, palakalafe 2 ki te 7.
20 min: “Neʼe Kua Tou Logo Kiai!” Ko te akonaki pea mo te fai palalau mo te kokelekasio. Fakaafe te kokelekasio ke nātou fakamatala pe neʼe tokoni feafeaʼi kia nātou te ʼu fakamanatu liuliuga ʼaē neʼe fai ke nātou mahino lelei age ki te moʼoni, pea ke nātou manako kiai.—Vakaʼi te ʼu Tule Leʼo ʼo te ʼaho 15 ʼo Sūlio 1995, ʼi te pasina 21 ki te 22, pea mo te ʼaho 15 ʼo ʼAukusito 1993, ʼi te pasina 13 ki te 14, ʼi te palakalafe 10 ki te 12.
Katiko 4 pea mo te faikole fakaʼosi.
Vāhaʼa ʼo te ʼaho 13 ʼo Tesepeli
Katiko 11
10 min: Te ʼu logo ʼo te kokelekasio. Lau ʼo te falā. Fai he ʼu tokoni ʼo ʼuhiga mo te ʼu tali ʼaē ʼe feala ke tou fai mokā fai mai he ʼu fehuʼi ʼo ʼuhiga mo te Po Tapu. Kapau ʼe maʼu e takotou kokelekasio he ʼu tohi ʼo Te tagata ʼaē ʼe lahi tokotahi ʼo te ʼu temi fuli, pea koutou fakahā peʼe tou lava fakaʼaogaʼi feafeaʼi te tohi ʼaia ʼi te minisitelio lolotoga te lafeti ʼo te Po Tapu.
15 min: “Te Ako ʼo Te Minisitelio Faka Teokalatike Ki Te Taʼu 2000.” Ko te akonaki ʼe fai e te tēhina takitaki ʼo te Ako ʼo Te Minisitelio Faka Teokalatike. Vakaʼi te ʼu fetogi neʼe fai ʼi te polokalama ki te taʼu foʼou. Ko te akonaki 3 ʼe fakatafito anai ki te kiʼi kaupepa “Te ʼu Fai Palalau Ki Te Tohi-Tapu.” ʼE tou haga vakaʼi anai te ʼu hahaʼi ʼo te Tohi-Tapu ʼi te akonaki 4 ʼaē ka fakatafito anai ki te tohi Étude perspicace des Écritures, pea lolotoga te ʼu māhina fakaʼosi e tolu ʼo te taʼu, ʼe fakatafito anai ki “Te ʼu Fai Palalau Ki Te Tohi-Tapu.” Kapau ʼi te akonaki 4 ʼe tuʼu ai te kiʼi fakaʼiloga ʼaenī (#), ko tona faka ʼuhiga ʼe fai anai e he tēhina te akonaki ʼaia. Fakaloto mālohiʼi te kokelekasio ke nātou mulimuli ki te polokalama ʼo te lau ʼo te Tohi-Tapu, pea ke nātou fai fakalelei tanatou ʼu kiʼi akonaki ʼi te ako.
20 min: “Tou Fakahā Te Logo Lelei ʼo Tou Tali Ki Te ʼu Palalau Fakafeagai.” ʼO fai ʼaki he ʼu fehuʼi pea mo he ʼu tali. Fai he faʼifaʼitaki e tahi peʼe lua ʼo ʼuhiga mo te tali ʼaē ʼe feala ke fai ki te ʼu fehuʼi ʼa te hahaʼi.
Katiko 220 pea mo te faikole fakaʼosi.
Vāhaʼa ʼo te ʼaho 20 ʼo Tesepeli
Katiko 49
10 min: Te ʼu logo ʼo te kokelekasio. Fakaafe he kau fai faka mafola ke nātou fakamatala te ʼu meʼa fakafiafia ʼaē neʼe hoko kia nātou ʼi tonatou minisitelio.
15 min: Tou Tali Ki Te ʼu Fehuʼi ʼAē ʼe Feala Ke Fai Mai e Te Hahaʼi. Ko he fai palalau mo te kokelekasio pea mo he ʼu faʼifaʼitaki. Lau “Te ʼu Manatu Maʼuhiga” ʼaē ʼe tuʼu ʼi te pasina 10 pea mo te 11 ʼo te kaupepa Te ʼu Tokoni Ki Te ʼu Fai Palalau Faka Tohi-Tapu. Fakaʼaogaʼi te ʼu “Faʼahiga Tali” ʼaē ʼe fakahā ʼi te pasina 11 ki te 15, peʼe ko te ʼu tali ʼaē ʼe koutou fai māhani ki te hahaʼi ʼo tokotou telituale. Lau te ʼu tali ʼaē ʼe fai ai, pea mo vakaʼi peʼe feafeaʼi tona fakaʼaogaʼi ʼi te telituale. Fai he ʼu faʼifaʼitaki nounou ʼo ʼuhiga mo te ʼu faʼahiga tali ʼaia. Fakaafe te kokelekasio ke nātou fakamatala te ʼu tokoni ʼaē neʼe nātou fakaʼaogaʼi pea mo tona ʼu fua lelei.
20 min: ʼE Tonu Koa Ke ʼAu Tali He Gāue ʼe Pipiki Ki He Kautahi Faka Lotu? Ko te akonaki ʼe fai e te tagata ʼāfea, ʼo fakatafito ki Te Tule Leʼo ʼo te ʼaho 15 ʼo ʼApelili 1999, ʼi te pasina 28 ki te 30. Neʼe tali e ʼihi he ʼu gāue feiā, pea neʼe mahino kia nātou ki muli age, ʼe mole ʼalutahi te faʼahi ʼaia mo te ʼu pelesepeto ʼa te Tohi-Tapu. Fakamanatuʼi te ʼu fehuʼi ʼaē ʼe tonu ke kita vakaʼi mokā kita fai he tonu ʼo ʼuhiga mo he gāue ʼe pipiki ki he kautahi faka lotu. Fakaloto mālohiʼi te kokelekasio ke nātou fai he tonu ʼe leleiʼia anai e Sehova.—2 Ko. 6:3, 4, 14-18.
Katiko 15 pea mo te faikole fakaʼosi.
Vāhaʼa ʼo te ʼaho 27 ʼo Tesepeli
Katiko 166
10 min: Te ʼu logo ʼo te kokelekasio. Kapau ʼe fetogi te ʼu ʼaho fono ʼo takotou kokelekasio ʼi te taʼu foʼou, pea koutou fakaloto mālohi te kokelekasio ke nātou haga kau tuʼumaʼu ki te ʼu fono ʼi te ʼu ʼaho foʼou ʼaia. Fakahā te ʼu fetogi ʼaia ki te kau ako Tohi-Tapu pea mo te hahaʼi ʼaē ʼe nātou fia ʼiloʼi tatatou ʼu fono, pea koutou fakaʼaogaʼi te ʼu pepa fakaafe ʼaē ʼe fakahā ai te ʼu ʼaho foʼou ʼo te ʼu fono. Fakamanatuʼi ki te kokelekasio ke nātou foimo tohi tonatou kiʼi pepa tānaki gāue ʼo Tesepeli.
15 min: Ko he akonaki ʼe ʼaoga ki te kokelekasio.
20 min: Tou tufa te tohi Te tagata ʼaē ʼe lahi tokotahi ʼo te ʼu temi fuli ʼi Sanualio. Ko te akonaki pea mo te ʼu faʼifaʼitaki. Fakaloto mālohiʼi te kau fai faka mafola ke nātou toʼo hanatou ʼu tohi moʼo tufa ʼi te minisitelio. Fakamahino pe koʼe ʼe ʼaoga te tohi ʼaia moʼo fakatupu te fia ʼiloʼi ʼa te hahaʼi ia te Tohi-Tapu. Fakahā te ʼu puani maʼuhiga pea mo te ʼu paki ʼaē ʼe feala ke fakaʼaogaʼi moʼo kamata ʼaki he ʼu fai palalau. Fai he faʼifaʼitaki e tahi peʼe lua. Kapau ʼe fia logo he tahi, pea ʼe feala ke fakaʼaogaʼi te kaupepa Fakamaʼua moʼo kamata ʼaki te ako.
Katiko 224 pea mo te faikole fakaʼosi.
Vāhaʼa ʼo te ʼaho 3 ʼo Sanualio:
NOTA: ʼE mole tonu ke fai e te ʼu kokelekasio te ʼu akonaki ʼo te Fono Gāue ʼo te vāhaʼa ʼo te ʼaho 3 ʼo Sanualio ʼi te māhina ʼo Tesepeli, gata pe mo kapau ʼe tō tahi mo tanatou vāhaʼa makehe.
Katiko 10
8 min: Te ʼu logo ʼo te kokelekasio.
17 min: Koutou Poto ʼi Te Tali. (Kol. 4:6) Ko he akonaki pea mo he fai palalau mo te kokelekasio. Ko te kaupepa Te ʼu Fai Palalau Faka Tohi-Tapu ʼe ko he tokoni lelei moʼo vaevae te moʼoni faka Tohi-Tapu mo te hahaʼi. Ka fai mai he fehuʼi ʼo ʼuhiga mo te ʼu meʼa ʼaē ʼe tou tui kiai, pea ʼe feala ke tou fakaʼaogaʼi te ʼu palakalafe “Kapau ʼe ʼui atu e he tahi” ʼi te fakaʼosi ʼo te kapite ʼaē ʼe talanoa ai ʼo ʼuhiga mo te akonaki ʼaia.
20 min: “He Koʼe ʼe Tonu Ke Fakahoko Takotou ʼu Fakapapau?” Ko he akonaki ʼe fai e he tagata ʼāfea, ʼo fakatafito ki Te Tule Leʼo ʼo te ʼaho 15 ʼo Sepetepeli 1999, ʼi te pasina 8 ki te 11.
Katiko 39 pea mo te faikole fakaʼosi.