Te ʼu Tonu

◼ Te tufa ʼo Fepualio: Te Kalavi ʼo Te Manuʼia Faka Famili. Malesio: Te ʼAtamai Mālama ʼAē ʼe Ina Taki Ki Te Maʼuli Heʼegata. ʼE tou faiga tāfito anai ke tou kamata he ʼu ako Tohi-Tapu. ʼApelili pea mo Maio: Te Tule Leʼo pea mo te Réveillez-vous ! Koutou ʼave mo koutou te kaupepa Fakamaʼua ke koutou tufa ki te hahaʼi ʼaē ʼe nātou loto kiai, pea koutou faiga ke koutou kamata he ʼu ako Tohi-Tapu.

◼ Ko te sikalaipe pea mo te tēhina taupau ki te gāue ʼe nā vakaʼi anai te gāue ʼa te kau pionie katoa fuli. Kapau ʼe faigataʼa ki he tahi ke ina fai tana ʼu hola, pea ʼe fai anai e te kau tagata ʼāfea he ʼu fakatuʼutuʼu ke nātou tokoni ki ai. ʼE koutou maʼu anai he ʼu tokoni ki te faʼahi ʼaia, ʼi te ʼu tohi ʼaē ʼe fai e te Sosiete ʼi te taʼu fuli, te S-201, ʼo te ʼaho 1 ʼo ʼOketopeli. Vakaʼi mo te ʼu palakalafe 12 ki te 20 ʼo te pepa ʼaē ʼe ʼalutahi mo Te Minisitelio ʼo Te Puleʼaga Fakafalani, ʼo Sepetepeli 1986.

◼ ʼE tonu ki te sikalaipe ke ina vakaʼi peʼe kei lelei te ʼu naunau ʼaē ʼe maʼu e te Komite Laga Fale Fakakolo ʼo ʼuhiga mo te ʼu kaugā fai faka mafola fuli ʼaē kua papitema, ʼaē neʼe nātou tohi te ʼu pepa Construction des Salles du Royaume — Questionnaire pour les volontaires (S-82). Kapau ʼe ʼi ai he fetogi ʼo ʼuhiga mo te kau gāue ʼaia, ohage la ka fetogi ʼapi he tahi peʼe kua tagata faifekau faka minisitelio peʼe tagata ʼāfea, pea ʼe tonu ke foimo tohi he ʼu pepa foʼou ʼo ʼuhiga mo te faʼahi ʼaia pea ke ʼavage ki te komite. Kapau ʼe nātou fetogi tuʼasila peʼe fetogi numelo telefoni, peʼe kapau ʼe mole kei lelei tanatou gāue ʼi te kokelekasio, pea ʼe tonu ki te kau tagata ʼāfea ke nātou foimo fai he tohi moʼo fakahā te faʼahi ʼaia ki te komite fakakolo.

◼ Kua maʼu te foʼi fime foʼou:

Mokā Mate He Tahi ʼe Tou ʼOfa Mamahi Ai​—⁠Fakapilitānia

◼ Kua toe maʼu te ʼu foʼi fime:

Faisons la volonté de Dieu avec zèle (Ko te foʼi fime e tahi ʼo te kiʼi gaoʼi)​—⁠Fakafalani

Faisons ce qui est droit aux yeux de Jéhovah (Ko te foʼi fime e tahi ʼo te kiʼi gaoʼi)​—⁠Fakafalani