Te Gāue Lelei ʼAupito!

◼ Lolotoga te māhina ʼo ʼApelili, neʼe lahi te ʼu tuputupu ʼo totatou gāue.

ʼI Niu-Kaletonia, neʼe tou tufa te ʼu nusipepa e 19 105, pea neʼe tou fai te ʼu ʼaʼahi e 12 179. Neʼe tou fakatuʼutuʼu ke toe laka age te kaugamālie ʼo te ʼu pionie vaeluaʼi temi, ʼaē talu mai ai neʼe ko te toko 259, pea neʼe lava te faʼahi ʼaia, heʼe ʼi te māhina ʼo ʼApelili ko te toko 323 neʼe nātou toʼo te selevisi ʼaia! ʼE ko he gāue lelei ʼaupito!

Tahi ʼaē meʼa, neʼe kaugamālie ʼaupito te hahaʼi ʼaē neʼe nātou kau ki te Fakamanatu, he neʼe ko te toko 4 952. Ki muʼa atu ko te kaugamālie neʼe ko te toko 4 398. Koia, tou haga hoko atu te ʼaʼahi pea mo te fakaloto mālohiʼi ʼo te hahaʼi ʼaia ʼaē neʼe nātou fakahā ʼe nātou leleiʼia te sakilifisio ʼa Sesu Kilisito!

ʼI Uvea mo Futuna, neʼe kau ki te Fakamanatu te toko 259, pea neʼe maʼu mo te ʼu tuputupu foʼou ʼi ʼApelili, he neʼe ʼi ai te ʼu pionie vaeluaʼi temi e 11, mo te ʼu hola e 1 410 pea mo te ʼu ʼaʼahi e 589.

ʼI Vanuatu, ko te toko 1 566 neʼe nātou ʼōmai ki te Fakamanatu, pea neʼe ʼi ai te ʼu tuputupu foʼou, he neʼe nātou tufa te ʼu nusipepa e 5 275 pea mo nātou fai te ʼu ʼaʼahi e 2 466. Koia, ʼe tou fakaʼamu fuli ke tou haga fai te gāue lelei ʼaia ʼo aʼu ki te fakaʼosi ʼo te taʼu gāue ʼaenī.