Polokalama ʼo Te Fono Gāue
Vāhaʼa ʼo te ʼaho 14 ʼo ʼAukusito
Katiko 114
12 min: Te ʼu logo ʼo te kokelekasio. Te ʼu Tonu. Te Gaue Lelei ʼAupito, vakaʼi te alatike mo fakamatala te tānaki gāue ʼo ʼApelili ʼo te telituale pea mo te kokelekasio. ʼE kei toe vāhaʼa e lua ʼo ʼAukusito, koia ʼe fakaloto mālohiʼi te kau fai faka mafola fuli ke nātou kau ʼi te minisitelio ʼi muʼa ʼo te fakaʼosi māhina. Toe vakaʼi te polokalama ʼo te ʼu fono fai faka mafola ʼaē ʼe fai ʼi te vāhaʼa.
15 min: “Tauʼi Te Tau Matalelei ʼo Te Tui.” Faka tuʼakoi te ʼu ʼuluaki palalau ke minuta tahi, pea hoko atu ʼaki he ʼu fehuʼi pea mo he ʼu tali. Koutou fakaʼaogaʼi he tahi ʼu fakamatala ʼi te tohi Notre ministère, pasina 44-45, peʼe fakatuʼutuʼu feafeaʼi e te ʼu tēhina takitaki ʼo te ako tohi te gāue fai faka mafola mo nātou ʼo tonatou ako tohi, pea mo nātou tokagaʼi ia nātou fuli ʼaē ʼe ʼaoga ke foaki ki ai he tokoni ke kau tuʼumaʼu ki te minisitelio pea mo foaki tuʼumaʼu tanatou kiʼi pepa tānaki.
18 min: ʼE Lava ʼAoga Feafeaʼi Kia Koutou Takotou ʼOlo Ki Te Ako. ʼE tokoniʼi e te tāmai tana ʼu tamaliki ke nātou mahino pe koʼe ʼe ʼaoga he ako fakamālama kia nātou. (Vakaʼi te tohi Les jeunes sʼinterrogent, pasina 133 ki te 139.) Ki te tokolahi ʼo te kau tūpulaga, ko te ʼolo ki te faleako ʼe ko he ʼahiʼahi lahi ʼi te sosiete faigataʼa ʼaenī. Tahi ʼaē meʼa ʼe nātou pipiko, ʼo nātou ʼui ʼe mole ʼaoga anai kia nātou te ʼu meʼa ʼaē ʼe nātou ako. ʼE fakahā age e te tāmai te ʼu pelesepeto faka Tohi-Tapu pea mo ina faka maʼuhigaʼi te ʼu tupuʼaga ʼaē ʼe fakapotopoto ai ke nātou ʼolo ʼo ako. ʼE ina fakaloto mālohiʼi tana ʼu tamaliki ke nātou ako fakalelei pea mo tokaga ki tanatou ako.
Katiko 18 pea mo te faikole fakaʼosi.
Vāhaʼa ʼo te ʼaho 21 ʼo ʼAukusito
Katiko 143
12 min: Te ʼu logo ʼo te kokelekasio. Lau ʼo te falā. Fai he faʼifaʼitaki neʼe teuteuʼi lelei ʼe fakahā ai peʼe feafeaʼi hakita tali ki te fehuʼi ʼaenī: “He koʼe ʼe fakagafua e te ʼAtua ʼofa ke hoholo atu tatatou maʼuli mamahi?” (Comment raisonner, pasina 376-377.) Fakaloto mālohiʼi ke nātou kau ki te minisitelio ʼo te fakaʼosi vāhaʼa ʼaenī.
8 min: “Te Polokalama Foʼou ʼo Te Fakatahi Makehe ʼAho Tahi.” Ko te akonaki. Tala te ʼaho ʼo te fakatahi makehe mo kapau kua ʼiloʼi peʼe fai ʼafea, pea mo fakaloto mālohiʼi te kokelekasio ke nātou kau fuli ki te ako katoa ʼaia. Fakaloto mālohiʼi te kau fai faka mafola ke nātou fakaafe te hahaʼi foʼou ʼaē ʼe nātou fia ʼiloʼi te moʼoni, pea mo te kau ako ʼo te Tohi-Tapu.
25 min: “ ʼE Fua Lelei Koa Kia Koutou?” ʼE fai ʼaki he ʼu fehuʼi pea mo he ʼu tali.
Katiko 68 pea mo te faikole fakaʼosi.
Vāhaʼa ʼo te ʼaho 28 ʼo ʼAukusito
Katiko 165
10 min: Te ʼu logo ʼo te kokelekasio. Fakamanatuʼi kia nātou fuli ʼi te fono ke nātou tuku mai tanatou kiʼi pepa tānaki ʼo ʼAukusito. ʼE tonu anai ki te kau takitaki ʼo te ʼu ako tohi, ke nātou vakaʼi ia nātou fuli ʼo tanatou ʼu ako tohi ke nātou foaki fuli age tanatou kiʼi pepa tānaki, ke feala ke katoa ʼi muʼa ʼo te ʼaho 6 ʼo Sepetepeli.
15 min: Ko he akonaki ʼe ʼaoga ki te kokelekasio.
20 min: “ ʼE ʼAoga Te ʼu Fono Ki Te Kau Tūpulaga.” ʼE fai e he tagata ʼāfea ʼaki he ʼu fehuʼi pea mo he ʼu tali. ʼI te palakalafe 8, koutou vakaʼi te ʼu meʼa ʼaē ʼe ʼaoga moʼo tokoni ki he fakalogo pea mo he tokaga lelei ʼi te ʼu fono. (Vakaʼi te Réveillez-vous ! ʼo te ʼaho 22 ʼo Sepetepeli 1998, pasina 19-20.) Fakaloto mālohiʼi te ʼu mātuʼa ke nātou faiga ke kau tuʼumaʼu tanatou ʼu tamaliki ki te ʼu fono fuli.—Vakaʼi te faʼifaʼitaki ʼi Te Tule leʼo ʼo te ʼaho 1 ʼo Sepetepeli 1997, pasina 25.
Katiko 49 pea mo te faikole fakaʼosi.
Vāhaʼa ʼo te ʼaho 4 ʼo Sepetepeli
Katiko 196
15 min: Te ʼu logo ʼo te kokelekasio. Te Tali Ki ʼAkotou ʼu Fehui. Fakaloto mālohiʼi ia nātou fuli ʼi te fono ke nātou fai he ʼu fakatuʼutuʼu ki te fagonogono faigamālie ʼi te ala, ʼi tanatou ʼolo pea mo tanatou liliu mai te fakatahi faka tisitilike, pea ke fakaʼaogaʼi fakalelei e te kau fai faka mafola tūpulaga tonatou temi mālōlō.
10 min: Ko Totatou Temi ʼe Makehe. Ko te akonaki ʼe fai e he tagata ʼāfea, ʼe fakatafito ki Te Tule Leʼo ʼo te ʼaho 15 ʼo Novepeli 1996, pasina 22-23.
20 min: “ ʼE Koutou Faʼa Kātaki Koa?” Ko he akonaki pea mo he fai palalau. Fakaloto mālohiʼi ia nātou fuli ʼi te fono ke nātou fakakaukauʼi tona fua lelei kia nātou takitokotahi tanatou faʼa kātaki ʼi te minisitelio faka Kilisitiano. Kapau ʼe ʼiloga he vaivaiʼaga, pea ʼe ʼaoga ke koutou fakamālohiʼi tokotou maʼuli fakalaumālie. Fakahā mo te ʼu manatu ʼo Te Tule Leʼo ʼo te ʼaho 1 ʼo ʼOketopeli 1999, pasina 20-21, palakalafe 17 ki te 21. Fakaafe he ʼu fai faka mafola e toko lua peʼe toko tolu kua nātou faʼa kātakiʼi lolotoga ni ʼu taʼu, ke nātou fakamatala pe koteā ʼaē ʼe nātou fai ke nātou haga kātaki ai.
Katiko 16 pea mo te faikole fakaʼosi.