Te ʼu Tonu
◼ Te tufa ʼo Sepetepeli: Te Tagata ʼaē ʼe lahi tokotahi ʼo te ʼu temi fuli pe ko te tohi Te Kalavi ʼo Te Manuʼia Faka Famili. ʼOketopeli: Ko te apone ki Te Tule Leʼo pea mo te Réveillez-vous ! ʼI takotou fai te ʼu ʼaʼahi, kapau ʼe ʼi ai he tahi ʼe ina fia lau, pea ʼe feala ke koutou ʼui age ke apone. ʼI te fakaʼosi ʼo te māhina, ʼe kamata tufa anai te kiʼi pepa lotu Te ʼu Logo ʼo Te Puleʼaga N° 36. Novepeli: ʼE hoko atu anai te tufa ʼo te kiʼi pepa lotu Te ʼu Logo ʼo Te Puleʼaga N° 36. Ko te ʼu kokelekasio ʼaē kua nātou fai katoa tanatou ʼu telituale, ʼo nātou maʼu te hahaʼi fuli, peʼe kua nātou tufa ki te hahaʼi ʼaia te kiʼi pepa lotu ʼaia, ʼe feala ke nātou tufa kia nātou ʼaia te kaupepa Fakamaʼua peʼe ko te tohi Te ʼAtamai Mālama. Tesepeli: Te ʼAtamai Mālama ʼAē ʼe Ina Taki Ki Te Maʼuli Heʼegata pea mo te Traduction du monde nouveau. Kapau kua maʼu e te hahaʼi te ʼu tohi ʼaia, pea koutou tuku age Te tagata ʼaē ʼe lahi tokotahi ʼo te ʼu temi fuli.
◼ ʼE fakamanatuʼi ki te kau tagata ʼāfea ke nātou mulimuli ki te ʼu tokoni ʼaē neʼe fai ʼi Te Tule Leʼo Fakafalani ʼo te ʼaho 15 ʼo ʼApelili 1991, ʼi te pasina 21 ki te 23, ʼo ʼuhiga mo nātou ʼaē neʼe fakamavae pea kua nātou fakaʼamu ke nātou toe liliu mai ki te kokelekasio.
◼ Ko nātou ʼaē ʼe kau ʼi he kokelekasio, ʼe tonu ke nātou momoli ʼi te kokelekasio tanatou ʼu apone ʼo Te Tule Leʼo pea mo te Réveillez-vous !
◼ ʼE mole fai e te Sosiete he pepa fakaʼui tohi maʼa te kau fai faka mafola takitokotahi. ʼE tonu ke fai e te taupau pelesita he ʼu fakatuʼutuʼu ke tala ʼi te māhina fuli ki te kokelekasio, ʼe momoli anai te pepa fakaʼui tohi ki te Sosiete, ke feala kia nātou fuli ʼaē ʼe nātou fia fai hanatou ʼu tohi foʼou ke nātou fakalavelave ki te tēhina ʼaē ʼe gāue ʼi te ʼu tohi. Koutou manatuʼi pe ko te ʼu tohi fea ʼaē ʼe faka tuʼakoi tona fakaʼui.
◼ ʼE mātou fakahā atu kua fetogi te tuʼasila ʼo te Petele, ʼi muʼa atu neʼe ko te numelo 98810 Mont Dore, kae ʼi te temi nei, ko te numelo 98874 Mont Dore. Koutou tokagaʼi mokā koutou faitohi ki te Sosiete.
◼ Te Tohi Kua Toe Maʼu:
Réveillez-vous ! 1998 Te Foʼi Tohi Lahi—Fakafalani